شاعیر: عەبدوڵڵا پەشێو
کتێب: دوانزە وانە بۆ مناڵان و چەند شیعرێکی قەدەغە
سەرناو: وانەی حەوتەم
سەبارەت: نووسین: ناشناس - سەرچاوە: https://t. me/abdulla_pashew - پێداچوونەوە: حەسەن

مناڵەکان
دەسگیرانم کۆترێکی دیاربەکرە
حەزی لە چیا و قاسپەی کەو و ڕەنگی بەفرە. 
بۆ گواستنەوەی
زنجیرەی چیام قەف قەف بڕی
ڕۆژژمێرم پەڕ پەڕ دڕی

پەساپۆرتم؟ 
ئاوات و زەردەخەنە بوو
کلدان و کیسێک خەنە بوو. 
کە لە دەرگەی سنوورم دا
لەباتی ماچ
ماچی گەرمی دەسگیرانم، 
تفی زەردی پۆستاڵڕەشێک
هات، سواخی دا ناوچەوانم!

++++++++++++++++++++++