شاعیر: عەبدوڵڵا پەشێو کتێب: دوانزە وانە بۆ مناڵان و چەند شیعرێکی قەدەغە سەرناو: وانەی سێیەم سەبارەت: نووسین: ناشناس - سەرچاوە: https: //t. me/abdulla_pashew مناڵەکان ئێوە زەلکاو دەشڵەقێنن ئێوەن ئەو بوومەلەرزانەی سبەی کانی دەتەقێنن. ئێوەن سبەی سنووری دەستکرد دەشکێنن قەفی زنجیری لێکپچڕاو بە یەکترەوە دەلکێنن. ئێوەن سبەی لە قامیشلی لە دیاربەکری شێخ سەعیدا لە سلێمانیی بریندارا لە مەهابادی 'قازی' دا بە یەک فەلسەفە پێدەگەن: گشت تێدەگەن ئەوەی کورد بێ، نەوەی نوێ بێ دەبێ تێشووی، ڕێی یەکیەتیی کوردی پێ بێ! ++++++++++++++++++++++