شاعیر: عەبدوڵڵا پەشێو
کتێب: دوانزە وانە بۆ مناڵان و چەند شیعرێکی قەدەغە
سەرناو: وانەی یەکەم
سەبارەت: نووسین: ناشناس - سەرچاوە: https: //t. me/abdulla_pashew

مناڵەکان! 
ئەی یاخییە ژینتاڵەکان
سبەی ئێوە کە گەورە بوون
لە لاوکا، لە حەیرانا
لە مزگەوت و دیوەخانا
لە چیرۆکا
لە هۆنراوەی شاعیرێکی ترسنۆکا... 

ڕەنگە زۆرتان بەرگوێ کەوێ
باسی ئێمە و ئازایەتی
باسی ئێمە و کوردایەتی
بەڵام نەکەن بڕوا بکەن
هەمووی درۆن، درۆی پەتی!

++++++++++++++++++++++