شاعیر: عەبدوڵڵا پەشێو
کتێب: دوانزە وانە بۆ مناڵان و چەند شیعرێکی قەدەغە
سەرناو: ئاشتی
سەبارەت: (١٩٧٣/٥/٢٣ - کوردستان) - نووسین: ناشناس - سەرچاوە: https: //t. me/abdulla_pashew

خوا دەزانێ
باڵای تفەنگم خۆش ناوێ! 
بەڵام، ئاخ! کۆترەکەی ئاشتی
کڕە وەکوو شێرەبەفرینەی بەیانی، 
لەسەر لوولەی تۆپی ماتی وەستا ڕەجەب*
دەنووکی خۆی
خستۆتە ژێر باڵەکانی

وەک بیستوومە، 
ئەو کۆترە مانگرتووە، 
لە ئاسمانی وڵاتێکی بێئاڵادا، 
بە شریخەی تفەنگ نەبێ، 
قەت لە شەقەی باڵی نادا! 


* وەستا ڕەجەب: چەکسازێکی بەهرەداری کورد بوو، گەلێک تۆپی بۆ شۆڕشی پاشای گەورەی ڕواندزی دروست کرد، تا ئێستاش هەندێکیان هەر ماون.

++++++++++++++++++++++