شاعیر: کامەران موکری
کتێب: دیاری
سەرناو: تینوومە
سەبارەت: پێداچوونەوە: دیلان جبار

ئەمڕۆ تینوومە... .
زۆرم تینووە، هەر وەک بیابان
لمی سوتاوم، تاسەی تاساوم،
تینوون، بۆ نەختێک دڵۆپی باران
سا دەی هەورەکەی ژیان، بارانێ
ڕاماڵین پوشی نائومێدیی دڵ ــ خەندە و گریانێ ــ
شۆڕشی لێشاو
با هەستێ بەتاو
بۆ سەر قەڵاکەی سەختی، دەروونی،
سزا و نەبوونی... .
دەرهێنێ لە بێخ ژاڵەی پەژارە، ژیانم تاڵە
ئەمرۆ تینوومە هەر وەک بیابان

++++++++++++++++++++++