شاعیر: عەبدوڵڵا پەشێو
کتێب: شەونامەی شاعیرێکی تینوو
سەرناو: بەفر و پشکۆ
سەبارەت: (١٩٧٢ - کوردستان) - نووسین: ناشناس - سەرچاوە: https: //t. me/abdulla_pashew

بمزانیایە
جارێکی تر
سێبەرم سێبەرت شانە ناکاتەوە، 
بمزانیایە
جارێکی تر
خەیامی دەروونی هەڵچووت
پێکی وشەی شیعرەکانم ناخواتەوە: 

پشکۆی هەزار ئاگردانم
دەهێنایە سەر لێوی خۆم، 
تا کتێبی ماچی دوایی بکەینەوە. 
بەفری هەموو نسارانم
دەهێنایە سەر لێوی خۆم، 
تا پێت بڵێم: 
چیتر بەیەک ناگەینەوە!

++++++++++++++++++++++