شاعیر: عەونی
کتێب: چوارینەکانی خەیام
سەرناو: خاکەکەی ژێر پێی هەر هەرزەکارێ
سەبارەت: نووسین: میدیا

خاکەکەی ژێر پێی هەر هەرزەکارێ
پەنجەی شۆخێکە و گۆنای نازدارێ
هەر خشتێ لەسەر چینی دیوارێ
دەستی وەزیرە و سەری سەردارێ

++++++++++++++++++++++
سەرناو: دەڵێن: ئەوانەی چاک پاک دەبنەوە
سەبارەت: نووسین: میدیا

دەڵێن: ئەوانەی چاک پاک دەبنەوە
چۆن دەمرن وەها زیندوو دەبنەوە
هەر لە ئێستاوە من و یار و مەی
تاکوو لەو دنیاش تێ هەڵ چینەوە

++++++++++++++++++++++
سەرناو: لە هەر جێ باخ و لالەزارێکە
سەبارەت: نووسین: میدیا

لە هەر جێ باخ و لالەزارێکە
لە خوێنی سووری شەهریارێکە
لە خاک وەنەوشە کە سەر دەربێنێ
خاڵی سەر گۆنای نەو نیگارێکە

++++++++++++++++++++++