شاعیر: هێمن تەنیا
کتێب: نەسیحەت
سەرناو: تێپەڕ بوونی کات
سەبارەت: نووسین: هێمن نیک بین

ژیان و تێپەڕ بوونی کات
ڕێگایێکی دور و درێژە
مێشک لەو هەموو ئاڵۆزیە،
لێک هاڵاو و هێڕ و گێژە

خۆشی گۆچانی گرتە دەست
گەیشتۆە بە ڕیزی کۆتایی
کۆگای ناخۆشی لیپاو لیپ
لە هەموو لایێک سەر ڕێژە

وەفاداری بێ بەها بووە و
بۆتە خەون و خەیاڵی خۆش
بەڵام ناپاکی پێویستە
پێنج فەڕزەی ئایین و نوێژە

مەرگی ئازیزی برا گەورە
دەستی لە دەستی ژیان دا
بۆ مانا کردنەوەی خەون،
مەرگ باشترین داوێژە

بۆ مافی تەنیا خەندەیێک
بۆ گرێبەست و واژۆ و سوڵح
سەدان پسپۆڕ و شارەزا
پێویست بە کورسی و ڕاوێژە

ئاخر ئەورۆ پێکەنینێک
لە بەرامبەر کێوێک خەفەت
گریانێک لە قوڵایی دڵ
دەرمان و چارە و ساڕێژە

رواڵەتمان لە دور ڕا پیرە
پێش گەیشتن بە ساڵ داچوین
بەڵام تەمەن بدایەتەوە و
ڕۆژ ژمێرمان گەنج و لاوێژە

باسی غەم و کەسەری ژین
کتێبخانەی پڕ پەڕتووکە
کە وا کەم دێت وشە و پیت و
ڕەستەو دەستەواژە و  وێژە

لە گۆڕەپانی گەیشتن
تەنیا ئاواتی نەماون
قۆڵی هیمەتێک هەڵماڵە و
دەنک دەنک بیان نێژە

++++++++++++++++++++++