شاعیر: ڕێوار ئاودانان
کتێب: ئیکارۆس، ئەڵۊەکەێ بێ‌تاشا
سەرناو: وشەێلەم کرێکارن!
سەبارەت: نووسین: ئاوات

وشەێلەم
کارکەرەێل ڕەنجدەر و ڤەکارێکن
ک ئەژ گوڵ بەێان تا سەرئێڤارە
کار دکەرن و ئەرەخ دڕژنن
تا دیڤارەلێ ئەژ ئاێنەێ پەتی
دە ڤراوەر ڕەنگینییت ئەڵارن.
ئاونی، شەۊەل شەل و شەکەت دخەون و
خەو زەردەخەنەت دڤینن
شەۊەکی ک ئەڵسن و
ڤە دڵێ پڕ ئەژ همێ
دچنە سەر کار ڕووژانە
دڤینن گرد دیڤارەلەێ ڤە ئاێنە ئەڵڕازەنەێ دۊنە
ڕمیانە و
داڵ ئەژ نوو، ماڵ ئەژ نوو!
دووارە مێیا بنیا بنن...

++++++++++++++++++++++