شاعیر: ڕێوار ئاودانان
کتێب: ئیکارۆس، ئەڵۊەکەێ بێ‌تاشا
سەرناو: پەژارەێ ئازادی
سەبارەت: نووسین: ئاوات

لەێرە
دە نیشتمانەگەم کوردستان
ئەڵ سەر و پرچ دارەل و
بێ‌دەنگیی دیوارەل
ئەڵ ئاماژەێ دیار پێڵەل و
شەو قیرتاو ڕێیەل
ئەڵ ناوچاوان بەرز چیا و
بێ‌گەردیی گڵاڵەل
ئەڵ کراس وەفر و
لەش وا
ئەڵ پەڕەیل ئاگر و
دیرووک خاک
خۊن ئەڵپشیاگە؛
لەێرە
دە نیشتمانەگەم کوردستان
سێ‌هزار ساڵە ک
ئازادی
وە بێ‌هچان
ئەڕا گیانەیل زامدارمان
ئاهـ ئەڵکێشیاگە!

++++++++++++++++++++++