شاعیر: هێمن تەنیا
کتێب: نەسیحەت
سەرناو: وڵاتی چەتەکان
سەبارەت: نووسین: هێمن نیک بین

ژیان له وڵاتی چەتەکان 
هەموو دەمێک بێ بەهایە 

ماندوو بوونت بێ وچانە
حەسانەوت بێ سەودایە

بۆ ڕاگرتنی دڵ و هەستت
گوریسی ئەوین یک هەودایە

تەمەن خەونێکی ئاڵۆزە 
شێوەی ووشەی وشکە بایە

سارد و سڕن ژیان و ژین
پێستی هەستت وەک پۆڵایە

مناڵ کە لە دایک دەبێت 
بە خەفەتان دەکا کایە 

تامی ژیانت لێ دەگوڕێ
تامی شێوەی قاوە و چایە

هەر کەس هات قسێکت پێ دەڵێ
تۆش بە ناچار دەڵێی وایە

زۆر جار ڕێگاکەت دەگۆڕی
هەنگاو شلن و لە دوات نایە

ژیانێک کە دەبا خۆش با 
تێ دابا مۆسیقا و نایە

دەبێتە سەرسامی و هێڕی
شێتت دەکا لەو هەوایە

بڵیند و نەوی و شەپۆلاوی 
کاتی تۆفان نێو دەریایە

منیش بەلەمێکی تەنیا و
تەنیا هاورێکەم خودایە

++++++++++++++++++++++