شاعیر: ڕێوار ئاودانان
کتێب: ئیکارۆس، ئەڵۊەکەێ بێ‌تاشا
سەرناو: سروود شەهید زیلان و سەما
سەبارەت: نووسین: ئاوات

ژنێگ ئاواز خوەنێ
وە هەزاران گوڵووک سێف
لەناو قوڕگێ
ئوو خوەرگەلێ ک ژە زڵفانێ
نەرمەنەرم تیەنەو بان
تا لە گشت ئاسووەیل، هەڵان.
خوداژنێگ ک دەسەیلێ
ڕێگەێ وێیەردن گشت چەمەیل جەهانە و
نگاێ
ڕێژنگەێ پەپوولەیل و ئاینە
ئەڵ زامەیل خاک.
ئاگر ــ ئاوازێگ لەناو باخ و
سروەێ ک تا وە هەێ
بوو ژنانەێ سێف دەێد!

++++++++++++++++++++++