شاعیر: ڕێوار ئاودانان
کتێب: ئیکارۆس، ئەڵۊەکەێ بێ‌تاشا
سەرناو: زاڕوو زاگرۆس
سەبارەت: نووسین: ئاوات

بنچینەت، ژە داربەلییەلەێ زاگرۆسە!
ئێ ڕازە
تەنیا م زۆنمەێ
ک تا بن نادیار تەڵەنەل تەنیاییم
ڕەگ و ڕیشە شەنینە و
مریژەل و شێرکەدارەلێ ک
هەر ساڵ، زاد و تووشەێ زمسۆنیی خوەێیۆن
ئەژ ناوتوو چرچ‌لووچەل کراسە سەۊز و دڕەکەێ تاوسۆنییت
ڤە چنگ خسنە.
بنچینەت، ژە گڵاڵەیلەێ سەرکەش زاگرۆسە!
ئێ ڕازە
تەنیا خڕکەبەردەلێ زۆننەێ
ک ئەژ بەرزیی کەش‌کۊ بێ‌دەنگی
ڤیر همارییەل بێیاز دەمتەقە بردینەسۆن
‌ئۊ م، تەنیا ماسیی ئازادێ ک
دە ناوگەر کڕەیل دەسەلت
ڕێی هەۊگل‌کردن ڤەر جاماڵگەم، گوم کردمە.

++++++++++++++++++++++