شاعیر: ڕێوار ئاودانان کتێب: وشەێل، ئەژ هەفت دەلیا گوارننەم سەرناو: کۊ ۱ سەبارەت: نووسین: ئاوات کۊ، هەێ ئەۊ دۆنە ڕێخ کوچکڵەسا ئەڵسەر شۆنەل تەنیای خوەێ نیشتێیە. ++++++++++++++++++++++ سەرناو: دمایین پاچا سەبارەت: نووسین: ئاوات شەو هەزار و یەکمە ت، چیرووکەگەت ئەوپەرتخ بردیتە و وە لەوەیلێگ ک چمانێ هەفت قوڵف بێ‌کلیل لە لێیان دایتە لە بان مۆبڵە وەنەوشەگەێ ژوورەگە، خەو کەفتێیەسە لێت. بەڵام من وە قۆڕشکەگەێ خالیی قاوەگەم ک هیرۆگلیف دۊابینی و پێشزانی لە ویر بردێیە دنووڕم و هۊر لە بانەشەو و شەوەیل داهاتوو دکەم هۊر لە ئەژدەها هەفتسەرەگەێ تەنیایی ک هەمۊشە ها خەوەر؛ هۊر لە وەفرە قورسەگەێ بێ‌دەنگی ئەڵ بان شوون‌پاگان بۊچگ بەختەوەری ئوو هۊر لە یە ک، چۊ وە بێ چیرووک ترەکێ ک دجارە خۊن گەرم دەنگت دەناو داڵانەگەێ سەردوسڕ ڕەگەیلم بخەێدەو ڕێ م لە شارە ڕەش و تیەریکەگەێ مردەیل دژیینید؟ ! ++++++++++++++++++++++ سەرناو: مینەی سەبارەت: نووسین: ئاوات لە سەرەتا، وشە بۊ سەرگەردان و هەڵوەدا وە شوون لێوەگان ت گەردیا! ++++++++++++++++++++++ سەرناو: پەژارەم، هەر ئی باڵنە بیچکڵانەێ تەڕ و تلیکەسا سەبارەت: نووسین: ئاوات پەژارەم، هەمیشە نێیەو وە وشە تا ئەڵ یادگەێ ئسپێی کاغەز بنیسنمەێ و دەناو دەفر نامەێک ڤە ناونشان چاوانێک دە ئەولاێ دیوارەل بەرز زەمان بسپارمەێ ڤە دەس باێ. پەژارەم، تاکەگلێک هەر ئی باڵنە بیچکڵانەێ تەڕ و تلیکەسا ک ئەڵ بان شان چەپم غوژ ئڵاتێیە. نە! ... ڤە بەردەفڕە نەڤاێنەێ قەفەسیش بنە ئەۊلا ک هەرگز ماڵی نێیەو. بێلە تا لە هەێمەێ ناوەێن شریقەێ ئەورەل ئاوازەکەێ بخوەنێ؛ دماێ ڤاران ئەوەندە دەنۊک دەێد ئەڵ زامەکەێ سینەم تا پەنجەرەێ سوورێک چەنە تەز باڵەلێ وەرەو ئاسمان بێ‌پەرتخ، بچەکێ ئێنگل... ++++++++++++++++++++++ سەرناو: پیانۆژەن سەبارەت: نووسین: ئاوات ژەنیارێ ئژناسم ک ئژ ئەۊ دمائێڤارەێ سەردە ک کووڵاژدم پەژارە کلکەلێ چزەن هەر دەسێ ژەێ، لە کات پیانۆژەنین موومدانێکە ڤەگەرد پەنج مووم ئەڵگریسیاێە! ++++++++++++++++++++++ سەرناو: دۆڵفینەیل کەو سەبارەت: نووسین: ئاوات گیژاوەیل دێوئاساێ گومان و باسریشکەیل سامناک وازوەرەن دترسنێ داجمیان کەشتییە شکۆمەندەگەێ پایلد ژە کەنداو دوورەپەرێزی؛ چۊن ک باێەوانە سوورەگەێ دڵت لە بان ئەو هەڵدریاگە ئوو چاوانت لانماێگە ک دە لێڵ‌ترین ڕووژەیل تەمتەمەلۊلان و بێ‌ئەسارەترین شەوەیلیش لێوارەگان 'وڵات ئەوین' گوم نیەکەێ. هناێ ک ئەوبان کەشتییەگەێ چەرمگت، بتەو وسیدن و ئاڵاێ لێوەخەنەت ئەڵ دیلەکەگەێ هەرەبەرز هیوا دشەکنی جەهان، قەشەنگ‌تر ئەژ هەرڤارە شەپووڵەیل بەرز دژواری و ڕەنج لە وەردەمت سەر دچەمنن و گاشەبەردەیل قوت و قوژمەێ مەترسی کز و تووزیاێە، ئەژ تاوت دڤان. ئەسپەیل دەریایی پەژارە وە یەێ ئاماژەت دەسەڵێن دبن و دۆڵفینە کەوەگان شایی لە دەورگردت دەس دکەنە هەڵبەزدابەز. بێ چرچ و سزرگە و دڵەکوتە ئوو وە دڵنیاییێگ ڕووناک‌تر ژە تیشک خوەر ڕێڤار و هاودەم هەراێهەریی تونم لە شازەریا نەناسیارەگەێ ژیان؛ چۊن ک کەشتیوانەگەێ وریا، تونی و فەرمان وەرەو هەرلا بلڕنی دۊرترین پەرتخ و ئامانجەیلیش فەرە نزیکن. ++++++++++++++++++++++ سەرناو: هەنێ ئاهـ ڤەکرە کەرێ سەبارەت: نووسین: ئاوات مانگ، لەۊڤەبار و سەرکزە کلکەل سەرد و سڕێ ئاماژە ڤە پەل هشک هەر دارێ کەرن، بێجەژ بڕێ چکڕ 'ئاهـ' و توڕ ‌پا باێ هۊچ نییە. ++++++++++++++++++++++ سەرناو: وەردەنگ نەناسیار سەبارەت: نووسین: ئاوات ئێرە، ڕووژهەڵات ناڤینە. گەرەک نییە ڤە کڕەیل دوماێ یە هۊر بکەی. هەمیشە، زامێ ئەژ هووز شمشێر یا گولەێ ڤل‌بییەێ ئەژ هووز تفەنگ ئەڵ گرد ئەوەێ ک لار و لەش سەرسڕمەنە و ڤیر پڕ ئاژاوەت دە ژیانەگەێ کوڵت نیسەنێیە خاڵ کووتای دنێ گورجانە‌تر ئەژ ئەوەێ ک تەنانەت خوەدیش بزانی دە لاپەڕەیل دیرووک ڕەژیاێ وە خۊن و پەژارە و ئاگر وڵاتەگەت چە نۊسایدە؛ ئوو تەنانەت وەرژە یە ک وەردەنگێگ خاوارە بخوەنێگەت وەردەنگێگ ک ناو 'ڕووژهەڵات ناڤین' ئەۊ، خەێدە ویر مژەێ نەفت وە ویر ئایەیل خوا (نمەک) واورێز هەگ وە قوڕگ زامدار خاک خوەنریەن. ئێرە، ڕووژهەڵات ناڤینە. وە کڕەیل دوماێ یە هۊر مەکە. هەمۊشە، گوڕەێ بەرز یەێ شمشێر یا یەێ گولە ها وە ڕێیا... ++++++++++++++++++++++ سەرناو: مەڵوەن شلێرەل و هەنار سەبارەت: نووسین: ئاوات ئەژ ڤڵاتەکەم پرسیم: 'ژە چەن دڵووپە ئەسر، شلێرەێک دێیاێ ڤەدی؟ ژە چەن دڵووپە خین، هەنارێک؟ ' هناس سەردێ ئەڵکێشیا و یەێ چیەمێ پڕ ئەژ خین بی یەێ چیەمێ پڕ ئەژ ئەسر. ++++++++++++++++++++++ سەرناو: سێسەد ملیۆن ساڵ تیشکی سەبارەت: نووسین: ئاوات نە! هەڵە مەکە ئێمە هەمیشە سێ کەسێمن: 'من، تۆ' ئیشی ئەنی کەس سێیم کێیە؟ ! سێیمین کەس، بێهنۆکەکەێ ناوهەێنمانە ــ نیشان ئمپراتووریی 'مەودا' ــ ک چەشن ئاهێکە چەنە سێسەد ملیۆن ساڵ تیشکی بڵێن و درێژەدار... . ++++++++++++++++++++++ سەرناو: کارسات سەبارەت: نووسین: ئاوات گوڵێ دە ژێر کەۊشەلەت پلیشخەنی شوون‌پالت ئەژ بوو ئەسر، خینالینن! ++++++++++++++++++++++ سەرناو: گڕان گرتمە، وەکوو قەقنەسێگ سەبارەت: نووسین: ئاوات زامەگەێ دڵم وە لێو خۊنین خواێ ئرمێسکەیلەد ماچ کردێیە. ئەسە، وە پێم نەۊش: 'ت واتاێ ئاگر نمەزانی. ' ++++++++++++++++++++++ سەرناو: گووڕیان سەبارەت: نووسین: ئاوات وەرجلە ت ئاسمانیش پانایی فرەێگ نێیاشت ـــ هاتیدن و 'بێ‌پەرتەخی' دەس وە پێ کرد! ++++++++++++++++++++++ سەرناو: چی گوڵ سەبارەت: نووسین: ئاوات ــ چ ڤشەێ جوور گوڵ، گوشکێ؟ ــ ناوت! ++++++++++++++++++++++ سەرناو: لەش گڵەشکاو ئاو سەبارەت: نووسین: ئاوات بڕێگ لە زامەیل لەواێ گواریین بەڵەم ژە ڕووبارن؛ لەش ئاو تا بن هەست و سخانەیل چەرمگێ گڵەشکاو دبێ، بەڵام خەڵک تا وە چەو خوەێان، خۊن نەوینن باوڕ ناکەن! ++++++++++++++++++++++ سەرناو: دمایین دەسنڤیس نەژناسێک سەبارەت: نووسین: ئاوات ئاو ئەژ یەێجا مەنن، شەکەت دووێ... دڤم ڤە ماسی تا ڤە ڤشەل خین خوەم، پاشخوانێک ئڵارم ئەڵ ئی هەمگە پرس‌نشۆنە ک قولاپەل سەرد و سڕ هەر شەۊ و هەر ڕوو دە ڤەراوەر دەم نقیاێە ئەژ بێ‌دەنگییم دوڕ کەرن: ؟ ؟ ؟ ++++++++++++++++++++++ سەرناو: ئەۊر بلوورژەن سەبارەت: نووسین: ئاوات ڕووژەل ڤارانی... بلوورێکە ڤە دەس ئەۊرەل مەرزیب ئەنجووڵەکە ++++++++++++++++++++++ سەرناو: سوورترین سەبارەت: نووسین: ئاوات وێیەریان بووکەسوورەێگ ژە ئاسمان سەرئێوارە ـــ یە سوورترین ڕێگەس ک تا ئێرنگە وە چەو دیمە. ++++++++++++++++++++++ سەرناو: ڤریسکەێ پرسیارێک سەبارەت: نووسین: ئاوات ڤە خوەم ئەشم: 'چەن دەریا ها ناون من و ئەڤی؟ چەن کۊ؟ چەن دارسۆ؟ چەن سەرداوە؟ ' گەرەک ئەژ قازقوڵنگەل بپرسم. ++++++++++++++++++++++ سەرناو: بڵاچە سەبارەت: نووسین: ئاوات لەناو چاو ت ئەورێگ بڵاچان... ژوورەگە، پڕ بۊ لە جیکەجیک مەلیچگ و دەنگ کەمانچەگەێ واران! ++++++++++++++++++++++ سەرناو: ( خەو ) سەبارەت: نووسین: ئاوات دە یەک دەنکە ڕێخ، چەن چیا خەفتگە؟ ++++++++++++++++++++++ سەرناو: ( بگارە ) سەبارەت: نووسین: ئاوات دە لێڤار ڤەزەنێ... بێجەژ خەنەخەن و گرێڤەل ئاسکین نییە دەنگێ ++++++++++++++++++++++ سەرناو: ( ئرمس و دەریا ) سەبارەت: نووسین: ئاوات چووڕێگ ئرمس، چەن دەریاس؟ ++++++++++++++++++++++ سەرناو: ( گازڕان ) سەبارەت: نووسین: ئاوات گازڕان خودایل و مەتەشخەڵەیلە: بارکوو! ـــ یە هەر ئەو گوورانیی کوانەس ک وە 'شکانن' دەس پێ ئەکا. ++++++++++++++++++++++ سەرناو: ( سەردەوا ) سەبارەت: نووسین: ئاوات ت دڵتەنگەو دبی 'ئاهـ' ئەڵکیشی... لەێوا لە ناکاوا دبێگە 'سەردەوا' ++++++++++++++++++++++ سەرناو: ( دماێ ئەۊگرتن ڤاران دپرسم ) سەبارەت: نووسین: ئاوات ئەڕەێ چە پەژارەێ دارسان، زەرد و نارنجییە؟ ژچە بسکەێ گڵاڵ، ناوێ قەڵوەزە؟ ئەڕاچە هەر کانیی ترنگەکەر، وەک چاو داڵکەیلە؟ ڤەرچە دەمەخەنەل ئاسکین، دبن ڤە ئەسرین؟ ئڕاچە تەمەلۊل، پەلەوەرێگ باڵ‌چەرمێیە نە وەنەوش؟ ژچە هاژەێ تاف، پڕ ئەژ بڵێزەل کەوە؟ ئەڕاچە دۊاڕووژ، چەشن دڵووپ لەرزووکێگە؟ ڤەرچە ژین، تەنیا ڤە بارکووڵەێ ئەڤین، ئەڵکێشێ ئەڵ بنار؟ ++++++++++++++++++++++ سەرناو: ( پژمەێ گوڵە مێخەک ) سەبارەت: نووسین: ئاوات هەڵفڕین شەوانەێ پەپییەل، چمۆنێ گوڵە مێخەکێ پژمەن دە ڕوونایی مانگەشەو ++++++++++++++++++++++ سەرناو: ( وڵات ئازاد ) سەبارەت: نووسین: ئاوات چەنە هەرمانێگ وەگەرد ت ئاواز خوەنم وەگەرد ت ئرمێس ڕشنم وەگەرد ت زەردەخەنە کەم و لە مەرگیش ڕخم نیەچوو؛ هەریە بەسە ک چەن هەناسەێگ ت بۊدە وڵات ئازادم. ++++++++++++++++++++++ سەرناو: ( چمەێتک ) سەبارەت: نووسین: ئاوات ئەر چمەێتک زامەێلمان نەۊیاتا، ڤەچە دتۊنسێمن یەێ گلێ تر ڤەدی بێیاێمن ئەژ ناوڕاس تەریکییەکەێ دەرینمان؟ ++++++++++++++++++++++ سەرناو: ( درەخت ) سەبارەت: نووسین: ئاوات دڵ ت پاساریی بۊچکەڵەێگە؛ سەێر نییە ک تەنانەت تەڵەسانەیلیش ئاوەختێیان 'درەخت‌بۊن'ـە لە هناز هەڵفڕینت. ++++++++++++++++++++++ سەرناو: ( پرتووکەێل نەنیسەنە ) سەبارەت: نووسین: ئاوات هێمانیش 'ئازادی'، ئەلف‌وبێی کرەخەێکە و ئێمە، پرتووکەێل نەنیسەنەێک... ئەڵ پەڕەێل پەتیی یەکترەکی دەس ساێمن و کلکەێلمان ئەژ ڤەشت داخ و ژان کۊنەێک ڤە یەێگلی گڕە گرن. ++++++++++++++++++++++ سەرناو: ( کۊ ٢ ) سەبارەت: نووسین: ئاوات کۊ، هیردەبەردێکە کردێیە ئەۊگەر تەنیای خوەێ! ++++++++++++++++++++++ سەرناو: ( پەپوولە ) سەبارەت: نووسین: ئاوات لەسەر گوڵەگان باخ شەونم نیشتگە؛ لەسەر دەنگ ت پەپوولەێگ! ++++++++++++++++++++++ سەرناو: ( ناسوور ) سەبارەت: نووسین: ئاوات زام ناسوورێکە، دە قەێ دیڤار گزێ ئەۊبردێیە ئەڵ ئاسووەل دەسمەڕەس: پەنجرەکە! ++++++++++++++++++++++ سەرناو: ( ئەێ فرێشتەکەێ مەخمین! ) سەبارەت: نووسین: ئاوات هەێک لچ قوڵ دی گوڵێ ئەژ گوڵەل بهێشت پژڵمێ. هەێک ئەسرین ڕژنی چەمێ ئەژ چەمەل بهێشت هشک کەرێ. ڤەگەرد هەر ڤرەنسکت دارێ ئەژ باخەل بهێشتیش ئشکێ. هەێک 'کووف' ئەڵکێشی... نە! کووف ئەڵسەر کووف نەکێش! ئی دووزەخ گڕەگرتە، دەمەنن نەێخوازێ. ++++++++++++++++++++++ سەرناو: ( واژا ) سەبارەت: نووسین: ئاوات پاش واران سەنگاوێک دە بن دەروەنێ هزار گەزی پەڵە هەور چەرمگێ ک تا مەولەق چییە واژا دکەێ ـــ منیش ڤە ژێر لێڤ ناو ت واژا دکەم ژە بن دەروەنەکەێ تەنیایی. ++++++++++++++++++++++ سەرناو: ( سزرگە ) سەبارەت: نووسین: ئاوات هۊچ سازێ ئشتە خەمبارانە نەێژەنرێ: دە کشماتیی دماێ بمڤاران ڤەرنیسکەێ دتیلکێ ++++++++++++++++++++++ سەرناو: ( نزارە ) سەبارەت: نووسین: ئاوات سەێل جاکەێ چووڵێ کەرم و هناسەێ سەردێ ئەڵکێشم... یاسەمینێ دناو گوڵدانەکە پڵمژگێ! ++++++++++++++++++++++ سەرناو: ( چەپکەگوڵ بیرەوەری ) سەبارەت: نووسین: ئاوات چمانێ سەد ساڵ وێیەرد ئەمانگ لە هەر کوڵەسۊک باخەگە لەتێگ ژە ڕەنگینییەگەت وە جێ ماگە و قسیە کەێد ـــ لەناو گوڵە مێخەکەگان، بوو خوەشد. ++++++++++++++++++++++ سەرناو: ( چەرمێ ) سەبارەت: نووسین: ئاوات بێ‌دەنگی کەمووتەر چەرمگێکە تاکەگلێ؛ نیشتێیە ئەڵسەر بەرف ++++++++++++++++++++++ سەرناو: ( ڕەش ) سەبارەت: نووسین: ئاوات بێ‌دەنگی گل‌گلێکیش ڕەشەداڵێکە؛ ئەڵسەر کۊــ تلێک ڕەش نیشتێیە ++++++++++++++++++++++ سەرناو: ( فێر ) سەبارەت: نووسین: ئاوات ساڵانێگ لە شوون قوڕگ ت گەردییە وشەێ پرچ‌چەرمێی بریندارێگ ک دی دە هۊچ جامەکێ خوەێ وە هۊرەو نیەتیەرێ. ++++++++++++++++++++++ سەرناو: ( داخ ) سەبارەت: نووسین: ئاوات گوڵاڵەسوورەێ سزیاگ؛ کڵاو کڵاو وەفریش بووارێد شاراوە نیەمینید ++++++++++++++++++++++ سەرناو: ( کەسمەزانێک دەسەدژ ) سەبارەت: نووسین: ئاوات خەنجەرێک، دەناو دڵێ نارینەێ خیناولینێک، لەسەر لەۊەیلێ تڵەسان کەڵنێک، ڤە بان شانێ ئەمانگ هاڵێ هەێ ڤە پایل پفڵەکداێە و زامدار خوەێ ڤەرەۊ چکەڵی و سەرئاسوو دچوو ڤەرەۊ ئەۊ گوڵە شلێرە دە ناو وەفرەیل ـــ ئەرێ! ئەڤین ئەیچە چشتێکە. ++++++++++++++++++++++ سەرناو: ( کەڵووڵی ) سەبارەت: نووسین: ئاوات چەنێ چارەڕەش و بەدڕەژەنن! ئەۊ وشەلە ک هیچ‌کات نێیانە خەو هەڵڤەس. ++++++++++++++++++++++ سەرناو: ( دڵەڕپە ) سەبارەت: نووسین: ئاوات دڵووپێک ئاونگم دنگڵاوێز ئەژ پەڕەێ گوڵێ ـــ لرەێ باڵەلت کلیل قوفڵەکەێ ئی بەرزەکەسا ئەێ پەپییەکەێ سەرمەس! ++++++++++++++++++++++ سەرناو: ( دڕک ) سەبارەت: نووسین: ئاوات ــ چە قوومیاێە؟ ــ جەهان بریندارە؛ دڕکێ چییە دە پاێ زاڕووێ. ++++++++++++++++++++++ سەرناو: ( داڵتە ) سەبارەت: نووسین: ئاوات لەناو ئاخڵەێ سەرما و کڕێوە تەنیاییەگەم، گەوەزنێگ بریندارە ـــ دارسان و داڵتەم بە! ++++++++++++++++++++++ سەرناو: ( کەشتیی شکیاگ ) سەبارەت: نووسین: ئاوات ــ ناوت چوەس؟ ــ لە شازەریاێگ ک تنی، 'چکڵ‌چووێگ وێڵ'! ++++++++++++++++++++++ سەرناو: ( قەفەس چووڵ ) سەبارەت: نووسین: ئاوات ڤە بێ پەلەڤەریش قەفەس، هەر ئەڤەسەو ک بی: لەتێ ئەژ ئی دونیا ک هەێتاهەێ ئاخین و داخینە ئاوازەکەێ. ++++++++++++++++++++++ سەرناو: ( ئەژ م ڤێنا... ) سەبارەت: نووسین: ئاوات هەر ساگەێ ک ئەڵ ئەۊ تیلمەڕێی دیرە دکەفێ ڤە خوەم ئەشم: 'ئەڤییە! ' هەرچەن ساگەێ کڵەڤەنێ بوو. ++++++++++++++++++++++ سەرناو: ( ژین‌تاڵ ) سەبارەت: نووسین: ئاوات دریژەێ کووریی دیڤارەلە ئەۊ دەرڤەچە ک ڤەرەۊ ناتنت دچەکێ! ++++++++++++++++++++++ سەرناو: ( دڵەڕکە ) سەبارەت: نووسین: ئاوات ڤەر هەر جاێ ک دچم و نەێڤینمەت دەس ڤە هەر شوون لوورێ دسام و نییەسەت، شوونەوارێک ئەژ ئوورە ئەڵ ڕیی نەخشەێ زەمین نەێمینێ. کەم مەنێیە ک ئی جەهانە یەورەکی ئەژناو بچوو ئەرێ هاینە کوورە دەێ؟ ! ++++++++++++++++++++++ سەرناو: ( شەۊ نزارە ) سەبارەت: نووسین: ئاوات شەۊگار، دەناو ڕەگەلم ڕێ کەری و توڕ پالێ ک ئەۊدماێ خوەت هێلی ڤە جا چمەێتەل پەژارەن ک تا ئەۊلاێ نادیاری، درێژە دێرن و ڤە هۊچ ڕهێڵێ کوورەۊ نێیەون. شەۊگارە، ڤە تیرفڕنگ ڤاران ئەڵ پەنجرەکە ئەژ خەو ئەڵسم و دەناو ئاوێنە سەێل خوەم کەرم: هەێگوا بەرد گڕەگرتەێکم ک ئەژناو دەم ئەفتاو کەفتمە. ++++++++++++++++++++++ سەرناو: ( دارسان سەوز ) سەبارەت: نووسین: ئاوات ئەی هەورە بەرزەگەێ ئاسمانم! ئەڵسەر هەرکام ژە هۊرمانەیلم ک نەێتکی، دبێ وە سەوڵ زەردێگ کلک‌نیشان فەرامووشی. ++++++++++++++++++++++ سەرناو: ( سیزیف‌ئاسا ) سەبارەت: نووسین: ئاوات هەر پەڕێک، ژانێکە شکەنجەێکە زامێکە ئەڵ لەشەکەێ کز و لەڕ ئەۊ باڵنە ک فڕین ئژەێ دزینە. ++++++++++++++++++++++ سەرناو: ( بنجگ سوورەگوڵ ) سەبارەت: نووسین: ئاوات زەردەخەنەێگ بکە... مەگەر ژە پشکڤین بنجگ سوورەگوڵێگ لەناو وەفرا، چشتێگ قەشەنگ‌تر هەس! ++++++++++++++++++++++ سەرناو: ( ڤەداخەڤە ) سەبارەت: نووسین: ئاوات باێەوانەلە ڤەرەۊ تۆ ئەڵدامە ـــ داخم دژەباێی! ++++++++++++++++++++++ سەرناو: ( زەرد ) سەبارەت: نووسین: ئاوات دارسان‌تر ئەژ کراسەکەێ شینت دارسانێ نییە. دەلیاتر ئەژ کراسەکەێ کەوت دەلیاێ نییە. زەرد دە ڤەر نەکە! دڵ سەرداوە خسی ڤە ڕکڕەک. ++++++++++++++++++++++ سەرناو: ( سەد ساڵ تەنیایی ) سەبارەت: نووسین: ئاوات دۊەتڵە دتوورێ... یەمە هەر تیک‌تاک کاتژمار، ئەڕا وەیلکانەگەێ سەد ساڵ تەنیایی ++++++++++++++++++++++ سەرناو: ( گوڕاگوڕ ) سەبارەت: نووسین: ئاوات بێ‌دەنگی، زیڕزیڕنەک پیرێکە ئەژ واژاکردن تەنیا چیرووکەکەێ هەرگز شەکەت نێیەو ++++++++++++++++++++++ سەرناو: ( سەرت سڕ نەمینێ ) سەبارەت: نووسین: ئاوات ئەگەر دەسەیلت دە سەردترین ڕووژ بێ‌خوەر لەناکاو گەرمەو بین سەرت سڕ نەمینێ؛ بزان ژبن دە ئەولاێ جەهان کەسێک وە یاێت دجارە 'ئاهـ'ـێک ئەڵکێشیاێە. ++++++++++++++++++++++ سەرناو: ( گوڵاڵەسوورە ) سەبارەت: نووسین: ئاوات کلگەیلت، گڵاڵەیل خۆرەتاون وەرەو هەرلا ئاماژە بکەی گوڵاڵەسوورەێ ئاگرینێک وەدی تێیاێ! ++++++++++++++++++++++ سەرناو: ( دەریاێ ڕەنج ) سەبارەت: نووسین: ئاوات ــ ئەژ دەریاێ ڕەنج، ڤەچە دگواری؟ ــ ڤە تەنیا کەشتییەکەم: 'برین گیۆن' خوەم ++++++++++++++++++++++ سەرناو: ( پاشخوانەیل کاتی ) سەبارەت: نووسین: ئاوات ژیان، نیشانەێ پرسیار هەراێهەرێگە ئیمە، پاشخوانەیلێگ کاتی. ++++++++++++++++++++++ سەرناو: ( دەرفەت ) سەبارەت: نووسین: ئاوات ژیان، دەرفەتێکە ئەڕەێ 'درەخت‌بیین' دە ناوهەێن دۆ زەردەواێ پایزی ++++++++++++++++++++++ سەرناو: ( دە ڤڵاتێ ک ئازادی، باڵخەنجەرەێ لاڵێکە ) سەبارەت: نووسین: ئاوات پەژارە، ئیسفاێکە ئێمە ئەڵوژنێ. برین، کلکێکە ئاماژە ڤە ئێمە کەرێ. ژۆ، دەمێکە ئێمە چەشێ. هەر ڕوو ئەڵوژێمن ئمداڵەکێ نوخس‌گرتن و پووقە! ژیان، مردنێکە ک چووارشە ڕێ کەرێ. ++++++++++++++++++++++ سەرناو: ( بێ‌کشکی وە پرۆمتە وتیمن ) سەبارەت: نووسین: ئاوات نە، پرۆمتە! تیەریکیی مێژووەگەێ خۊنبار مرۆڤ وە بڵێزە و چۆمەتێگ، ڕووناک نیەود... تکایە ئی‌جارە، 'خوەر' ئەڕاێ ئیمە بدز! ++++++++++++++++++++++ سەرناو: ( ئەڵکەنیاێە ) سەبارەت: نووسین: ئاوات هەمیشە پایزم... دەسێک، باێ گرنگ داێە ئەڵ هەبوونم! ++++++++++++++++++++++ سەرناو: ( ئەڵوژانن ) سەبارەت: نووسین: ئاوات چ سەوز چ زەرد چ کەفەن‌پووش هەر وەیجوورە، درەخت دمینم! دە وڵاتێ ک تۆ شنەباێ هەر چوار وەرزەکەێ بوویی. ++++++++++++++++++++++ سەرناو: ( کاتەیل ئارامشت ) سەبارەت: نووسین: ئاوات هەرچگ فێشتر و فەرەتر خوەم دسپارمە دەس سروەێ زانین ڤەردەۊ داێە، ڤە ڤێنەێ زڵف‌پەرێشانیی دارین! ئۊ ستار، دەناو ناخ و دەرینم قیل‌تر دنیشێ جوور ڤەچڕ 'کۊستان'، ئەڵ چەق قورسیی شێعر 'گەریلا'. هۊر ڤە ئازادی دکەرم؛ سێفستانێ دەناو دڵم گوڵ دکەرێ و هەنگێ، ئەڵ تیەڵیی ڕووژگار هەنگوین دپرژنێ. هۊر لە مرۆڤ دکەم؛ ئەڵ سەر و سەکوت گرد گەردوون ــ ک ئەژ دەروەچ هۊرشەێ ئێمە، تەماشاێ خوەێ دکەێ ــ زەردەخەنەێگ نەخش دبەسێ. هەرچگ فێشتر و فەرەتر خوەم دسپارمە دەس ئافتاو زانسن ئۊ سێف، د ناو ئاینەێ گیانم فرەوا دووێ. ++++++++++++++++++++++ سەرناو: ( هزارەێ هشکەساڵی ) سەبارەت: نووسین: ئاوات جەهان، ڤە بێ تو ئەێ دووس! تونگ ئاو هالییێک بی ـــ ماسی سۊرەیش نەڤیاتام م ئەژ تژنەی دمردم. ++++++++++++++++++++++ سەرناو: ( ئەرا ژن، ژیان، ئازادی ) سەبارەت: نووسین: ئاوات پەلکە و زڵفد ئەودەر کەوشەن وشەگان نۊسم لەناو ڕستەیلێگ وەبێ خاڵ کووتایی شووڕ تا بان شانەیل خۊنین خێیاوان ئوو دەروەچەگانیش چەکیاێە هێلم: ماڵەگەێ دەردەدارمان، پاژێگ لە چیرووکە ڕەنگینەگەێ بانانە ئەگەرچە ئیسکە تا قوڕگ وە ئەزرەت هوونکای سروەێگ سزیاێە! ++++++++++++++++++++++ سەرناو: ( کشمات ) سەبارەت: نووسین: ئاوات ئاسمان وەرد گشت باڵنەیلێ دکەفێیەو خوار دار وەگەرد گرد ئاواتەیل ڕەنگامەێ هشکەو دبێ شەقامیش وەرد گشت ویرمانەیلێ دمرێ و دی هیچ کەسێک وە هیچ ژوانگەێ نەێڕەسنێ ڕووژێ ک وا، عەتر پرچەیل تۆ فەرامووش بکەێ. ++++++++++++++++++++++ سەرناو: ( ڕاڤەێ چاوانت ) سەبارەت: نووسین: ئاوات لە ژێر پێڵوەگانت زۊنەترین هەڵبەست جەهان شەپووڵ دەێد؛ دەریاێگ قۊل ک هەر ساتێگ ژە بێ‌ئارامییەگەێ سەرەتاێ وەرز خەمناکێگ ترەک لە وارانەیل وەرزییە. لە ژێر پێڵوەگانت قەشەنگ‌ترین نهێنیی جەهان خەفتگە دەریاێگ قۊل ک ئارامیی سات‌وەسات وسان و بێ‌دەنگییێ لێوالێو لە پشکڤین گوڵەیل ئاوەزین و ئاشناییە بۊش! پرتووک چەوەیلت چۊ ڕاڤە بکەم؟ تا بێ‌چەتر و بێ‌داڵدە لەناو شەقامەیلێگ ک وەسنگەێ لێزمەگان ناکاو، جێ‌گومانن خافڵگیر نەمینم ئوو وشەیلێ ک وەک دەنکە ڕێخەیل بۊچگ ئەژ ناوەێن کلکەیلم دکەفنەو خوار لە لێوارە وەرفراوانەگان بۊنت بوون وە ماسییەیل سۊەر لێوەخەنە و لەناو دەریاێ ژێر پێڵوەیلت هەروا وەرەو هەرمان مەلە بکەن... ++++++++++++++++++++++ سەرناو: ( ناوەکەت، شووڕشێکە! ) سەبارەت: نووسین: ئاوات ئەژ بن‌بنین دەرڤەنەل ناوەکەت هاوار کردم... شانەیل خوەێ ئەژ بەرف تەکەن، کۊ بییە ڤهار! ++++++++++++++++++++++ سەرناو: ( ڤڕینە ) سەبارەت: نووسین: ئاوات ئەۊرێکیش ها ناو ڕەگەلم ئەژ پەسا، ناوەکەت دڤارێ! ++++++++++++++++++++++ سەرناو: ( ئەگەر وەفر بۊاتاید ) سەبارەت: نووسین: ئاوات ئەگەر وەفر بۊاتاید و شەوانە، نەرمەنەرم دە بان سەرم بواریاتاید منیش دڤیمە کۊەسانێگ وەگەرد سەرکڵاوانێگ سەخت‌تر ژە ئەستەم وەگەرد زنارەیلێگ بتەوتر لە دڵنیایی و دەروەنەیلێگ بێ‌بن‌تر ژە تەنیایی ئەوسا وڵات باوەشم، پڕاپڕ ئەژ بیین ت دڤییە چەرمگیی ڕەها چنەو چەرمگ ک شوون‌پاێ جاران و ئیسە و بانان بریندارێ نەدکرد. ئاهـ! ئەگەر وەفر بۊاتاید و شەوانە بواریاتاید... ++++++++++++++++++++++ سەرناو: ( هەڵسمان ) سەبارەت: نووسین: ئاوات پەێ وێشەێ سووچیاێ چراێ واران دابگیرسن؛ ئڕا چەم بڵێزەێ تارسە و تامازروویی! ئەڵ زام خاک ڤە بنەتۊم همێ، مەڵهەم بنە و ڤا، ژە [قیلەێ کەڵەشێر و] شەوەکیان ئاوایی بئاخنە! ... بەڵام وە نەریت نەورووزانە، ئەی وەهار! ئڕا بەێت‌ئەڵوەسەکەێ تکەڵ خوەرەتاویی سوو بڵێسە ــ وشەیلێ بوو سەوز و سوور و زەرد تا ژە چاڵ و گڵکوو سەرد ساڵان لاڵ قەقنەسەیل هاوار جارێ تر، باڵەو بگرن. ++++++++++++++++++++++ سەرناو: ( بۊشە هەورەیل چاوانت بسرەون! ) سەبارەت: نووسین: ئاوات ساڵانێگ ت ئرمێس دڤارەنی و م 'ئۆدیسە'ئاسا ڕێڤیارە سەرگەردانەگەێ زەریاگان بێ‌ئاگایی بۊم کپ و بێ‌دەنگ، ئەڵ پانتایی ئاوان وەرەو نووا دچیم ئوو دوورگەیل و دیمەنەیل دەور و گژ گشت ژە ئەڤە بۊچگ‌تر بۊن ک دەناو مەتەڵ تیەڵ چارەنۊس، نیشانەێگ لە کووتایی و پەرتخ بوون. ساڵان فرەێگ وێیەرد ئێمکە دەنگت دژنەفم ک سرتەێ ئارام و دۊرێگە ئاوازێگ، بێگانە وەل پێشهاتەیل دواژەیا نیشانەێگ جیاواز، چۊ ئەودی کردن ناکاو توڕ هەڵفڕین باڵندە کووچەرەگان ئەودماێ تەم و کەڕەپیی خەس. 'پێنێلۆپە'ێ چەم وەگریان! ئێسە دی بۊشە هەورەیل چاوانت بسرەون و ئەژ قۊلیی مەودایل تیەریک وە تاسە و تامازروویی فانووس دەریایی ئەویندارێگ ک کەڤرەیل کوڵەگرتەێ مەترسی ئاشکرا دکەێ وە گیانفدایی پەڕاڤ مێهرەبانێگ ک هەڵوەشاندنەوەێ گرد گوماهاتنەیلە بنووڕە پێم! بنووڕە پێم، گەرد چریکەێگ مزگانی‌دەر تا لە ئاکاما ئەڕا شەکەتییەیل کەشتیی ئێ گیانە بەندەرێگ باوش ئەوکەێ... . ++++++++++++++++++++++ سەرناو: ( وەدیهاتن ) سەبارەت: نووسین: ئاوات هەڵبەسەیلم گرد ئڕا تنن؛ گشت وشەیل ئاخەیل و ئەسرەیلم گشت زەردەخەنەیل هیوا و داخەیلم. چۊن ک ئەزانم، ت جامەکە گوم‌بییەکەێ گیان منی چۊن ک ئەزانی، م وێنە گوم‌بییەکەێ تەنیایی تنم. بنیش ئەڵ وەردەمم تا لەناو گلارەیل یەکتری وەدی بایمن. ++++++++++++++++++++++ سەرناو: ( دەنگت، ڕاز جەهانێگە! ) سەبارەت: نووسین: ئاوات دارە گێڵاسێگ دەم‌ڤەخەنە پەپوولە کەوەێ سەرمەسێگ گوڵووپ ڕووناک هەڵبەسێگ دە سۊک تەنیایی گڵاڵی ئەژ ئەسرەل مانگ دارستانێگ ژە ئاسارەیل نوو وەدیهاتە یەێ ڕێی چیایی پڕ لە شوون‌پایل زاڕوویی دەشتێگ، ئەسپەیل هۊرمان باخێگ، سوورەگوڵەیل ئاوات و تاسە پرتووکێگ لێوالێو ژە وشەیل کەمانچە و چەنگ و پیانۆ یانە گشتێ هانە ناو دەنگ تۆ! یانە گشتێ هانە ناو دەنگ تۆ! ++++++++++++++++++++++ سەرناو: ( بۊش، بخەن، بنووڕ! ) سەبارەت: نووسین: ئاوات هەر گل ک قسەێ کەری ڕەنگێ ڤە ڕەنگەل ژین زێیاێ دووێ هەر جار ک خەنیدن گوڵێگ وە گوڵەیل وهار زێیاێ دبێ هەر گل ک ئیسفا گری هەڵبەست تازەێگ دەناو دڵ هەبوون وەدی تێ بۊش! بخەن! بنووڕ! بیلا تا نیمەچڵنگییەل ئی جەهانە کەمتر و کەمترەو بوون. ++++++++++++++++++++++ سەرناو: ( ئەڕا گەوراترین ڕۊداو! ) سەبارەت: نووسین: ئاوات گەوراترین ڕۊداو هەمۊشە هەرئەوە نییە ک لە نزیکت قوومیەێد. جارجارێگ یەێ لق گوڵ ک ئەڵ مەوداێ دۊرێگ پشکڤییە و هەرگز ڕێی دەروەچ چەوەیل ت نازانێ هەرئەو ئاوەخت گوما‌بۊەسە ک بوو و بەرامەگەێ ئەفسووناوییێ ئەڵ کووڵ وا وەتاو تیەێدن تا هەبۊنت بگرێدە وەر و گشت دەرگایل جەهان وە ڕۊ ت بچەکنێ. گل‌گلێ نەناس‌ترینەگەێ دۊەکەت ئمڕوو بوودنە ناسیارترینەگەێ گیانت و سادەترین ناوێگ ک ژنەفتۊدن (یا تەنانەت نەژنەفتۊدن) بوود وە تەنیاترین و قەشەنگ‌ترین بیانگ ژیاینت. گەوراترین ڕۊداو جارجارێگ هەرئەو 'ناشۆ'ترینەسە ک وە ساکاریی وارین وەفرێگ وەناکاو گرێدەتە باڵووش و وە وێنەێ تریفەێ مانگ تیەریکیی دەورگردت لەناو بەێد تا ڕازناکیی گەردوون و ئەوین و ڕاسی باوەڕ بکەی. ++++++++++++++++++++++ سەرناو: ( بوودائاسا ) سەبارەت: نووسین: ئاوات چیا تنی بێ‌دەنگ و بوودائاسا. چ ڤە زەردەخەنە چ ڤە ئەسرین، هەرچێ بووشم بێ‌ژە زایەڵەێ ڕەنگینییت چشتێک نییە! ++++++++++++++++++++++ سەرناو: ( دڵتەنگی ) سەبارەت: نووسین: ئاوات دڵم ئەڕا دەنگت تەنگە جوور شاخێگ ک هیچ چشتێگ ناتانێ کووتایی وە تەنیاییەگەێ بارێ بێجلە پێژن چریکەێ پەلەوەرێگ بۊچگ! (خاک تیەنێ، یە وە واران وەت) ++++++++++++++++++++++ سەرناو: ( داخوازی ) سەبارەت: نووسین: ئاوات وشەێ ئەۊشاردەێکم ئەڵ ناون کڕەیل کلکەلت. ... بنیسنەم! ++++++++++++++++++++++ سەرناو: ( نزیک و دۊر ) سەبارەت: نووسین: ئاوات ژان، وە ژان وە ت نزیک‌ترەو دڤم بەرد، وە بەرد ئەژ خوەم دۊر. زام، وە زام وە ت نزیک‌ترەو دڤم بگدە، وە بگدە ژە خوەم دۊر. ئەزانم لە ئاکاما، ئەنوو ئەنارەگان پەژارەم ک چەنە هەزار پایز چەوەڕێ بینە، ئەڵ ئاسمان شانەیلت بوودە وارانێگ سوور سوور ڕاس لە وێنەێ هەرئەو وشەێ قەشەنگە ک هەرچەنیش دواژەێ بکەی هەرجار ئەڵسەر لەوەیلت شەهید وەدی تیەد! ++++++++++++++++++++++ سەرناو: ( هەڵکزیان ) سەبارەت: نووسین: ئاوات ئەڵکزیانە ژە ئەتر گەرم گیسەیلت ـــ کلگەیل وا (م ئەو دار ڕێوارەسەم ک ئەڵ ڤێیارێ، ئەیچە وتم وە مانگ) ++++++++++++++++++++++ سەرناو: ( شەۊەکی ڤە خەێر ) سەبارەت: نووسین: ئاوات ئەر 'شەۊەکی ڤە خەێر' نەڤەشی ئەڵ پشت چراخ سۊر دمینن، تا شەۊ زەردەخەنەێ من و خۆرەتاو ++++++++++++++++++++++ سەرناو: ( بەرد، زەریا، ئاسمین ) سەبارەت: نووسین: ئاوات بێ‌دەنگییەکەت کەرێکەمە هۊچێک بەردین! چنەو ک ئەڵگەردم وە سەردەم وەرەژ وشە وە سەردەم وەرجە دەسپێک ــ کەفتە، دە بن‌بنین تیەریکی ــ بێ‌زووان و بێ زەمان ئوو لە ویر هەرچێ هەس و هەرچێ خوداس لە هۊر 'زەروان'ـیش دچم. قسەێ بکە! ئەژ ئاو بیش ئەژ کەو... تا بووم وە چمکێ ئەژ زەریا یا لەتێ ژە ئاسمین ک تاهەێ، بوو دەنگەکەت بدەم بووخوەش هەرمان ئەوین. ++++++++++++++++++++++ سەرناو: ( تیرڤاران ) سەبارەت: نووسین: ئاوات ساووڵەل سێ ڤە تفەنگەل کوور، پووقەنن... خین دەرڤەچێک پشکیا ئەڵ قەێ دیڤار. پاساریی زەمان، جوور دمایین دڵووپە ئەسر یەکڵەدارێک لاڵ ئەژ پاسارەکە کەفت ئەڵ ڕیی زەمی. م بیمە چکڕ ‌ــ ئەڵڤەس نووێ ئەڵ پەل پێنڤیسەکە سۊر ڤە ڤێنەێ لەۊەل زەمدارت هەێک دە ژێر پاییزپڵە هنا کەری ئەڵ ئەنارەلەێ باخەکە. ++++++++++++++++++++++ سەرناو: ( وێنا ) سەبارەت: نووسین: ئاوات چاوان زێدەکەم دو زام گەپن دو نیشانەێ پرسیار بێ‌پاشخوان؛ بەڵام ئەژ داووڵەل وێنا دو گلە باڵنەێ پەڕ سوورن لە هیچ چشتێ زاورێیان نیەچوو. ++++++++++++++++++++++ سەرناو: ( دەمەتەقەێگ ک بۊە شێعر ) سەبارەت: نووسین: ئاوات ــ نیشتمانەگەم تنی! ــ تەنانەت نیشتمانێگ یەێکەسییش هەوەجە وە ناسنامە دێرێ ئەسە بیلە تا 'ئەوین'، ناوەگەم و ئاڵاگەێ هەمیشە شەکاوەم بوو. ++++++++++++++++++++++ سەرناو: ( ڕێیەکەێ تاسەخواز ) سەبارەت: نووسین: ئاوات ــ 'ڤەرچە ئێقە دێر بڕ کەری؟ ' ــ ڕێیەکە، خەێراتر ئەژ پالم دچوو! ++++++++++++++++++++++ سەرناو: ( خوەێڕاناێن ) سەبارەت: نووسین: ئاوات تێژترین بگدەت، زەمەکەتە! ++++++++++++++++++++++ سەرناو: ( پەلامار تەریکی ) سەبارەت: نووسین: ئاوات گوڵ‌بەرەفتاوان تاسە، دەناو نامەێک نیسەنن: ــ گرد ڕووژەل دیرییت، شەۊن! ++++++++++++++++++++++ سەرناو: ( ئەگەر بترکێمن ) سەبارەت: نووسین: ئاوات ئاخ! چ گەلەئاسارەیل نووێگ تۊەنن وەدی بان ژە تەپ‌تووز ڕێیەیلێ گ هێمان وەگەرد یەکا نەچیمنە... ++++++++++++++++++++++ سەرناو: ( ماسی‌بیین ) سەبارەت: نووسین: ئاوات هەگ قسە کەید ژە کۊستان وشەیلت وەفراو زوڵاڵ ڕێ داگرێ و دە لاخوار دووڵەیل بێ‌دەنگیی م چەم تازەێ وەدی تێد. دزانم ک زەریایل و شازەریایلێگ ترەکیش لەناو جەهانت هەن ک هێما نەناسیاێ مەننە وەک دریژەێ کەو کراسەگەت یا دریژەێ ملپێچەگەێ فیرووزەییت وە دەم وا. هەگ قسە کەید تەنیا ئاوەختم، ماسی‌بیینە! ++++++++++++++++++++++ سەرناو: ( مەودا و مەرگ ) سەبارەت: نووسین: ئاوات مەوداێ ناوەێن ئیمە منێدە مەرگ! گاجار ئەوقە دۊر ک چمان هەرگز ناڕەسێ گاجار لەبە نزیک ک چمانێ دی دەرفەتێگ نییە. ++++++++++++++++++++++ سەرناو: ( ئەگەر... ) سەبارەت: نووسین: ئاوات ماسییەگان ڕەنگامەێ ئاوەخت دۊر ژە دەلیا ئەڵ شوورەکاتەیل هشک و بێ واران ڤەیجوورە ڤە ترسەترس نەێمردن؛ ئەگەر گڵاڵەیل کوور جەهان ناونیشان دەسەیل ت بزانسیاتان. ++++++++++++++++++++++ سەرناو: ( بێهنۆک ) سەبارەت: نووسین: ئاوات من، تۆ ئیمە، ئیوە ، ، ، بێهنۆکەگان، بەرزترین دیوارەیل جەهانن! ++++++++++++++++++++++ سەرناو: ( ئاماژە ) سەبارەت: نووسین: ئاوات دەریا، پەپۊلە کەوەێ مەزنێگە ئامادەێ باڵەوگرتن ژە سەر کلگەیلت هناێ، ئاماژە کەی وە وڵام پرسیارێگ ک هێمان ئەڵسەر لەوەیل تینگم لەناو پیلەگەێ ها خەو! ++++++++++++++++++++++ سەرناو: ( گووڕسان ناخمان! ) سەبارەت: نووسین: ئاوات ئیسە دی هەر مرۆڤ، گووڕسانێگە! چۊنکە دە ناخ هەرکاممان سۊەرپووسێگ تیرواران کریاێە و لە قوڵتیسەێ گڵاڵ خۊن خوەێ، دۊایین ئاوازەگەێ خوەنێیە کوردێگ ڤە ئاخەبانوو و سەرڤەنەگەێ لە دار دریاێە و دە ناون زەوی و ئاسمان، ئەڕا دومایین جار هەڵپەڕییە جۊلەکەێگ دەنام کوورەێ ئاگر جەهان نوو، سووزیاێە و ئەڵ بارگەێ خوداگەێ 'ئاشویتس' تا دمایین وشەێ نقاگەێ، بییە ڤە خوڵەمڕ. ئیسکە دی لە ناخ هەرکاممان بۆمێگ تووقیاێە شەڕ تازەێ هەڵگیرسیاێە و 'هیرۆشیما'، 'هەڵەبجە' یا 'شەنگال'ـێگ هەس. ئێسە دی دە ناخ هەرکاممان دارستانێگ تا دۊایین وەڵنگ هیواێ سزیاێە و لیکە ئاسارەێگ مردگە پیرە دەلیاێگ، وشکەڵاتێیە و کەژێگ نەمر داخروومیاێە. ئێرەنگە دی لە ناخ هەرکاممان سێیاپووسێگ ئەڵ دەسەل شەو ڤە چوارمێخە کیشریاێە یارسانێگ وە تاوان 'ئەنەلحەق' وتن تەمیرەگەێ لەناو گڵپەگڵپ سەردێگ، سووتیاێە مەسیحییێگ، وە مدووم نادیارێگ مسڵمانێگ کوشتێیە مسڵمانێگیش هەر وە ئەو مدووم نادیارە خۊن مەسیحییێگ ڕژانێیە. ئمکە دەێ هەرچی فرەتر دەبارەێ ژین چنە دێمن کەشتیی وشەل، ئاوەژوو دبێ و ئەژ دەریاپەڕەیل حەقیقەت، دیرترەو دووێمن ئوو دەنگمان جۊ نوقمەوبۊەێگ لە وەردەڵەک گێژاو ناهمێدی فێشتر و فەرەتر بوو مردن دەێدن! ++++++++++++++++++++++ سەرناو: ( لیپاولیپ ) سەبارەت: نووسین: ئاوات جوور وەفر، ک ئەژ کپی چەشن کۊ، لە تەنیایی هە چۊ ماڵ، ژە یادەوەر وەک ئەنار، دە ئەسرین سۊەر وە وێنەێ چەم، ک نیقەڵتووزە ئەژ چیین لیپالیپم ژە دەنگد ـــ تەنیا پیتێگ تریش بووار تا گشت 'خوەم'، دی بوو وە 'خوەد'! ++++++++++++++++++++++ سەرناو: ( گوڵە مێخەک سوور ) سەبارەت: نووسین: ئاوات لەێرە نیید ئەمانگ گش کاتەگان شێعر، شیشەیلێگ پەتیین لێوالێو ژە بووخوەش بۊند! ++++++++++++++++++++++ سەرناو: ( گۆوار ) سەبارەت: نووسین: ئاوات ڕێیەل، بێ‌ڕێین ئەژ پەڕ بێجەژ ئەڤین ++++++++++++++++++++++ سەرناو: ( شەوەزەنگەیل بێ‌پەێ ) سەبارەت: نووسین: ئاوات م سەریاڵ ئی لاێ چەم ت سەریاڵ ئەو لاێ چەم لەی ناوە، تریفەێ مانگەشەویش بێ‌نز و کز ـــ ئاخ ژە دەس دەروەنەیل بێ‌پەڕنگەێ دڵتەنگی! ++++++++++++++++++++++ سەرناو: ( دەسڕێژ گولە ) سەبارەت: نووسین: ئاوات 'نەبیینت، منێ ڤە قەواخ فیشەکەیل پووقیاێە' وەتمە پێت و نەژنەفتی! یەمە، لەش نیشتمان پڕە ئەژ شوون‌پاگان زامەیل تەڵوەنە. ++++++++++++++++++++++ سەرناو: ( بۊش کامە وەرزی؟ ) سەبارەت: نووسین: ئاوات شێوەێ هۊچ‌کام لە وەرزەگان نەێری نە پرۊسنەکەیل کووچەر، ژە ت بار دکەن نە بزەێ هەنارەگان، لە لێوەیلت پاکەو دبێ. نە مەلۊچگەیل، ئەژ ساڕکییەگەت کەمەو دبن نە ئاواز کیەنییەگان، ژە مێرەوانییت گومەو دبێ. لەناو دەنگت بنجگێ هەراێهەر پسا گوڵ دکەێ دەناو بێ‌دەنگییت هەڵۆنەیل، هەمیشە ها سوورەو دبن. هەر ئەو کاتە ک کڵاو کڵاو وەفر ژە کلگەیلت دڤارێ ئاگر خوەرەتاوێگ، لە قۊلایی نووڕیند ڕووشنە. بۊش، ت کامین وەرزی؟ ! ک ئێمکە هەرچی دشمارم نازانم چەن ساڵانم و ئەڵ کوورەێ ڕێگە وسامە ک ئێرنگە هەرچێ دنووڕمە ئاڵبووم هۊرمانەیل ڕۊداوێگ وەناو گشت وێنەگان هەس گ ڕۊچگێ نادیارە. شێوەێ هۊچ‌کام ژە وەرزەگان نەێرید؛ ئوو ساڵان وەبێ ت چ بێ‌وەر چ نیمەچڵ بۊنە! ++++++++++++++++++++++ سەرناو: ( پریسکەێ بیچگ ) سەبارەت: نووسین: ئاوات هەر وتە ک ژە ئاسمان گەلۊت هەڵاێ لەتێگ بمێن، ئەژ هەبۊن تنە ک دە هۊر ڕووژیار مینێد ئاهـ! ئەێ باڵندەێ دەنگ‌خوەش ئەگەرچی ناوەگەم چەنە پرۊسکێگ بوو، جارێگ لەی چراکەران تارە لە قوڕن دڵەو م وە ناوەگەم بچڕ تا لاپەڕەێ ئاگرینێگ ژە چیرووکەگەێ بۊند بووم پیتێگ لە پیتەیل هەتاهەتایی فڕینت. ++++++++++++++++++++++ سەرناو: ( دزەڕای ) سەبارەت: نووسین: ئاوات ئسپێ، هەمیشە وەفر نییە ـــ گاجاریش نق‌بڕینێکە خۊن ڕشیاێەێ بێگوناێک، ئەوشاردێیە. ++++++++++++++++++++++ سەرناو: ( چەمەڕایی ) سەبارەت: نووسین: ئاوات کەلەباێ خێزا... ئەۊ تاقەدار هووسیاێە دە ئاسۆگەیش ئەژم هاتنت درێ ++++++++++++++++++++++ سەرناو: ( ناوەگەێ بۊچگ سیمەرخ ) سەبارەت: نووسین: ئاوات لەناو سینگم مەلێگ زندانییە هەر پەڕێگ ژەێ کلیل قوڵف گیچەڵێگ بەڵام تا وە ناو بۊچگت نەچڕمەێ، ناچریکنێ! ئازاد نیەود! ++++++++++++++++++++++ سەرناو: ( سەمفوونی چوارمینەکەێ کەمووتر ) سەبارەت: نووسین: ئاوات ئاسمۆ، کپ زەمین، کشمات هەلوورک گەل‌ئاسارە، ڤە ساف دشەکێ ئۊ چەقوویش بێ‌دەنگە تا سەرتاسەر گێتی گووش ئەڵ سەمفوونی چوارمینەکەێ کەمووتر، بتەکنێ و ئەنارێ ک ئەژ برینەکەێ 'مەسیح' دڤارێ! (ئەگەر ڕووژهڵات ناوڕاس زاڕوو جەنگ نەڤیاتا، دڤتم) ++++++++++++++++++++++ سەرناو: ( ڤەچەۊ نادیار ) سەبارەت: نووسین: ئاوات گاڤەخت، ناوێک ئەسپ ڤەچەۊ نادیارێکە ـــ زەم و پژارەلت دەرێ تا ڤڵاتەکەێ ساڕێژ. ++++++++++++++++++++++ سەرناو: ( هامدڵانە ) سەبارەت: نووسین: ئاوات ئەژ ئافریقا تا ئاسیا ئەژ ئامریکاێ لاتین تا هەر جا ئەژ داربەلییەلەێ هوورەچڕ زاگرۆس تا نهنگەلەێ تژنەێ باڵگرتنەڤەێ ئوقیانووس ئەژ ئاسارەلەێ نوو گوڵکردە ئەڵ پەل‌پوو شەۊ تا بڵازە ــ بەڵگەل پایزیی بلوورەێ هەر ئی قەنارییە چ فەرخ کەرێ کەشکەشانەکەێ ئێمە و ئێڤە؟ ! مەۊدا چەێکە هەێک دڵەیل ئێمە گرد، هان ئەڵسەر هێڵ ئازادی؟ ! ++++++++++++++++++++++ سەرناو: ( ئاوەخت ) سەبارەت: نووسین: ئاوات ناوەل، لاڵکە و نقان! تا دنیا هەر ئەڤەێ بوو ک دڵ خوازیارێیە ++++++++++++++++++++++ سەرناو: ( گوڵنارەل خینالین ) سەبارەت: نووسین: ئاوات ژینا، نیکا، سارینا... ڤە هەر ناوێ چڕمەت گوڵنارێک وشکێ! ++++++++++++++++++++++ سەرناو: ( ڕێیەگەێ خوەر ) سەبارەت: نووسین: ئاوات 'ژن، ژیان، ئازادی'... ئەگەر پرسیار ناونیشان خوەر کەی هەر وە هناز ئێ ئاوازە بچوو ++++++++++++++++++++++ سەرناو: ( هەێک گێس ژن، ئەژ گولە ئازدارترە! ) سەبارەت: نووسین: ئاوات فیشەکەل هەرچی ڤە پرتاف‌تر دچن بڕ هۊچ شوونێ نەێکەرن... هۆ سەربازەکەێ شەکەت ک زەردەخەنەت بوو ئاگر و بارووت دێ! خێیاوان، پرچ شووڕ ژنێکە ڕەشەباێیش ئەڵبکەری شوون‌پاێ ئەڤین ڤەت نەێسڕێ. ++++++++++++++++++++++ سەرناو: ( ئاهـ ) سەبارەت: نووسین: ئاوات ئێ واوەڕووە هەرئەو 'ئاهـ'ـەسە... ئاهـ پەرپریکێگ ک باڵەیلێ شکانین ++++++++++++++++++++++ سەرناو: ( شووڕش گوڵ ) سەبارەت: نووسین: ئاوات خۊن گوڵ ڕژیا لافاو ئەڵسیا! ++++++++++++++++++++++ سەرناو: ( سۊرترین گوڵدەم ) سەبارەت: نووسین: ئاوات 'ژن، ژیان، ئازادی' ـــ ئەژ ناو گرد گوڵدەمەیل ساڵ سۊرترین هەر یەسا ++++++++++++++++++++++ سەرناو: ( چارەنڤیس سۊەر ) سەبارەت: نووسین: ئاوات کراسەیل لە لەش کوردەیل دترسن! هەمیشە مەترسیی گولە و تیرواران هەس. ++++++++++++++++++++++ سەرناو: ( بەرزەک بێ‌دەنگی ) سەبارەت: نووسین: ئاوات بەرزەک هەر ئێ بێ‌دەنگیی گەوراێ تنەسە ک لە نامێ نە دەرانەێگ وەرەو 'ئەرێ' ئەوکریاێە و نە دەرانەێگ ژە لاێ 'نە' بەسریەد... بێ‌پەرتخێگ ک لەناوێیا دیمەن، هەر خود چاوەنووڕییە دارالۊس دە ناوەێن ئاگر و ڕچیان. ++++++++++++++++++++++ سەرناو: ( وێنەێ نیمەچڵنگ ) سەبارەت: نووسین: ئاوات هەم ئەو ڕەشەواێ گرژە ک وێیەرد و هەم ئێ دار هێمنە ک تا دۊایین وەڵگ، زەردەخەنە کردێیە منم. بەڵام وەداخەو! جامەکەیل، هەمیشە نیوەێگ ژە من نیشان دەن و لە هەر لاێگا وەرەو خوەم گلەو بخوەم وێنەێگ وە جی دمینێ ک دی هاوچەشن هۊچ کەس نییە. ++++++++++++++++++++++ سەرناو: ( ڤەژین ) سەبارەت: نووسین: ئاوات تەڵڤەنەێ خوەم ناو ئاێنەێ چک‌چووڵێ منەی دکردم ک گلارەێ چەۊەل هۊچ کەس نەڤی کات، بێ‌ئەژم بی و هناز، کڕکپ. دەسێک، بەردێ خسە ناو گوڕیی دڵم ئەژ مەرگ ئەڵسیام دیم ک تونم! ++++++++++++++++++++++ سەرناو: ( دۊری ) سەبارەت: نووسین: ئاوات لە هەێمەێ ناونی دەسەیل ئیمە پرچ چەن کاکێشان چەرمگەو بۊ؟ ! ++++++++++++++++++++++ سەرناو: ( چیرووک ) سەبارەت: نووسین: ئاوات ت وا بۊت بۊمە وەڵگ. واران بۊت بۊمە ڕەنگ. ئێ چیرووکە لە هەر لاێگەو بخوەنیدەێ پەرتخێ هەر پایزە! ++++++++++++++++++++++ سەرناو: ( بەدماژە بیین ) سەبارەت: نووسین: ئاوات دارستان، دڵەپرتەێ گەپێکە هەر گوڵوەچ، گازگەورێک دوارە و هەر وەڵگ، وڕینەێکە ـــ هەر ژە ئەو شەوە ک دەسەیل، بوو تەوەر گرتن تا زام باڵاێ دار بووە سێدارە. ++++++++++++++++++++++ سەرناو: ( پژکێ ک ڕچکیا ) سەبارەت: نووسین: ئاوات ئاێنەل جەهان پەنجرەل ڤەسەێکن تا ڤەرەۊ 'نەۊیین'ـت چەکنمۆ باێ دەرێکەم ... ئۊ ئەڤەێک مینێیە جا تەنیا، ڤێنەێکە ک پژک پرسیارێک ئەڵسەر لەۊەلێ کوت‌پڕ ڕچیاێە. ++++++++++++++++++++++ سەرناو: ( ئامووژگاریی چووشخاتەێگ ک تا دما هناسە سزیا ) سەبارەت: نووسین: ئاوات گلەیێگ لە تیەریکی نییە؛ بەڵام گەرەک تەریقی بکیشی ژە 'چرا نەبۊن' خوەت... ++++++++++++++++++++++ سەرناو: ( ڕاگەێ ڕاسی ) سەبارەت: نووسین: ئاوات زەلکاوەلیش زەردەخەنە کەرن ماسی بیچگڵە! بەڵام ڕخد نەچوو دەریا، لە چیرووکەگان ئیمە گەوراترە ئوو ئێ گازڕانەیلە سەرەنجام لە بنەڵبن ژەویرچیین، تاێرمە دەن. زەلکاوەیل فرێودەرن بەڵام ت مل ڕێیەکەت بگر و بچوو ماسی بۊچگڵە! ئەو چشتە ک هایدە شوونێ دماگل، ت وەدی کەێ. ++++++++++++++++++++++ سەرناو: ( ئامووژیاریی مەتەڵڤەش پیرەێ ) سەبارەت: نووسین: ئاوات دارسۆن دماڕوو، دەناو تۊم خەوسەێ ئمڕوو هناس کێشێ ئەژ ڤیر نەڤەر: هەر خێیاڵ، درەخت سەۊزێکە! ++++++++++++++++++++++ سەرناو: ( سەرەوژێری ) سەبارەت: نووسین: ئاوات تیشک و تریفەیلێ هەن ک تیەریکم کەن! ئوو جارجار، ئەو وا ک ئڕا کوشانن چرا هاتگە ڕێنمایکەرێک ڕاسکانییە. ++++++++++++++++++++++ سەرناو: ( گەشبینی ) سەبارەت: نووسین: ئاوات کووف سەرد ئەڵنەکێش! لەتە تاریکەگەێ مانگ، ئەرەێ نەدیینە. ++++++++++++++++++++++ سەرناو: ( ئافراندن ) سەبارەت: نووسین: ئاوات ئەژ بێ‌دەنگیی قەڵێ بەرد تۊەنی پەێکەر قسەکەرێ بتاشی ئوو پارچە زەوینێگ سووتیاگ بکەیە کشتگە و کێڵگەێ پڕپیتێ. وە لیسکێگ تۊەنی قەشەنگیی هەشاربۊە دە بن تیەریکی ئەڵکیشی ئوو لە ڕەنج چارەنۊسێگ لێواولێو ژە شادییەیل بنۊسی. هەناێ 'چۊ تواسن' ت وەگەرد 'شێواز بیین' ئەۊ بپووڕێ ئوو ناوەگەێ ترەک یە، 'ئەوین'ـە. ++++++++++++++++++++++ سەرناو: ( ؟ ) سەبارەت: نووسین: ئاوات لیپاوەیل وێیەردە هن منن ئوو قایخەیل باێەوانیی بۊچک وەرد کوومەێ ڕێوارەیل بژناس. لیپاوەیل لە بەرزیی ڕەپاوڕەپ و ئاشکراێ گابەردەیل وە چوارمێخە کیشریەن و قایخەیل دە لەنگەرگەیل شڕ و چووڵ‌هووڵ ئارام ئارام لەنگەر گرن. م وەگەرد لیپاوەیل و قایخەیل باێەوانیی بۊچکم دەریاێگم نیقەڵتووز گیانەوەرەیل بۊچک و پڕژمار پرسیارەیل ک خوەێان خزاننە ناو قۊلایی سەوز و دێز ئاوانم. دچمەو نووا وە لەف. ژە 'کووردا'ـێ هاتمە تا بچمە 'کووردا'ـێگ وە گوڕەگوڕ ئەژ خوەم وەرەو خوەم! ئەوەێ ک دە ئاسووەیل وەراوەر لە هڵاتن واژاوەێ وەدی تیەێ منم ک تا دۊرتر لە 'م' دانیشتێیە. هەر ئەوجوورە ک دە ئاسووەیل پشت سەر ئەوەێ ک لە خوەراواێ واژاوەێگ ئەڕا ڕەوانە کردنم وساگە منم ک تا نزیک‌تر لە 'من'ـە! ... لیپاوەیل ئێرنگە هن منن ئوو قایخەیل باێەوانیی بۊچک وەرد کوومەێ ڕێوارەیل نەناس. گاهس ڕووژێ ک لیپاوەیل ژە بەرزایی لێڵ و گۆنگ گابەردەیل بانان داوەزن و قایخەیل دە لەنگەرگەێ ئەژ جوگرافیاێ 'هەبوون یا نەبوون' سەفەرێگ نوو بنیا بنەن، نەهەنگەیل هێمن ئەڵ پانتایی ئاوان سەوز و دێز ــ واشم ورسییەرییان شکانۊن! ++++++++++++++++++++++ سەرناو: ( سەفەرێگ ژە قۊلاییەگان ) سەبارەت: نووسین: ئاوات وەل کۊچەباخەگان واێا ئاشناترم! ئوو وەرد هەوش‌خەڵوەتەگەێ پەپوولەیلا ک ئاسمانە! چەوەیلم ــ ئی تیرئاسارەیل سزیاێە ــ ڕێویارەیل 'کوومەڵە ‌ــ هەسارەێگ لە پەرتخ فڕین'ـن لەورە ک هەواگەێ ئاوس و هەڵگر 'بارسایی ڕەوان ڕاسی'ـیە. حەح! خونچە و گوپکەیل هۊرم، چ بوو 'هەڵگەردیان لە مەودایل'ـێ دێرن! ئوو دڵم، هامچڕەێ لاڵکە و نقاێ بەرزەچڕەیلە و هامنەواێ دەنگ گوڵ بەێان ــ ک وەک ڕووح ئاو نزیکە! ــ ئگەرد چەم، گیانەڵگیانی‌ترم! هەێک زڵفەیل شووڕ پڕ ئەژ گوڵدەمەیل کوچگینێ ئەۊکەرێ و ژەگیان‌ــ وێیەردە، لەناو قەڵپەنجەێ خاک‌خوڵین تین و گڕۆ، شەهید دووێ. وەگەرد داران، ڕازێ دێرم ئەوان داڵگەیل وەدی هاتن دوجارەێ منن! گەرد ئەور، خزم هاوخۊنم و لەشم قەڵ‌ــ یادگارێگە ئەژ تامازروویی هشکەڕوو. کلکەیلم، زەۊزارەیل پڕاپڕ لە گەنمن و ئەڵ برج کڕکپ و خامووش دەنگم هۊچ داوڵێگ پاسەوان نییە. ئەز لە درێژەێ قۊلاییەگان تیەم لە هزارتووەگەێ پێچەڵپێچ وەسەرهات ئاغ و ئەڵسان ئوو ڕیشگەیلم، خەوەیل ئەۊڕاس‌یەتەێ زەمینن! ++++++++++++++++++++++ سەرناو: ( سروود ژە ویر نەوردەنیی وڵاتێک نەمر ) سەبارەت: نووسین: ئاوات بنووڕن وە هەردەبانانێ و بەڕۊزارەیلێ وە وەفر سفێد سەرکڵاوان و ڕووبارەیلێ ئوو بارنەمانەو هۊر ئەو ڕووژەیلە ک دی نەودەمان! ئەی مناڵان ڕووژەیل بانان شاد. جوور ئیمە ک نووڕسیم وە هەردەبانانێ و بەڕۊزارەیلێ وە وەفر سفێد سەرکڵاوان و ڕووبارەیلێ ئوو داخ و کەسەر گشت خەڵکان ڕووژگارانێ وەدی کردیم ژە ناخ زەمانەیل و وە یەێ گڕ! ++++++++++++++++++++++ سەرناو: ( دخوازم ئێ جارە، ژە سان بامە دی! ) سەبارەت: نووسین: ئاوات ناخوازم وەڵگ پایزەێ وڵەکەتێک بووم لەناو دەسەیل تیتاڵباز و خاپوورەکەر وا ناتوام گیا خەمبارەێ تەنیاێگ بووم دە ژێر شمڕ تەرزە و واران یا گومەلێک هسکوو ئەوتفیاگ ژە دەم شڵپاوەیل ئاینەیل ئاو، ماوەێگە خەفتنە بەڵام لەناو بەرد، کوناوەنجەێک ئڕا دیدار خەونەگان هەمیشە هووشیارە دخوازم ئێ جارە، ژە سان بامە دی تەڵەبەردێک بووم... دە سەنگ، نەرم‌ونووڵییێ هەس ک لە حەریر ئاو نییە ئوو لەناو هزارتووەگەێ ئەۊ، هەرمانێگ ئەوڕێکەفتەس کوچگ، گوڵەم ڕازەیل ڤەشارتییە و قەشەنگی، قوو چەرمگێک دەسەڵێن‌نەکردەنی و نەرامدار ک لە پانتایی بێ‌سنوور سەنگ، وە ئارامی ئاڤژەنی ئەکا. وە ڕپەڕپ دڵ بەرد، ئیمان هاوردمە ئوو هڕشت و ئەوزێنەێ قوڵچووخەیل ئەڤین ئەڵ قوڕاتە ڕاقەگان ئەۊ، باوەڕ کردمە دخوازم ئێ جارە، ژە سان بامە دی تەڵەبەردێک بووم... لەش بەرد، بووخوەش خەڵسەهێنەر و سەرخوەشکەرێ دەڵنێ ک هووش ئەژ سوورەگوڵ ڕفنێ و شێت و شەێداێ ئەکا تەمۊرەیل، دەناو کوڵیتە دەورێشانەکەێ سەنگ، سەرمەسن ئوو بزەێ قەشەنگ سەرسووڕێنەرێک دەناو چاوەیل بەرد، پشکڤییە ئەچەوە ک دڵ پژکەیل گێڵاس خسێ ڤە ڕپڕەپ. پەڵنگێک ئاگرین لەناو جەنگەڵ سییەێ سەنگ گاتیەێ شەوگاران بەرد، نقانق ئەژ لوورەلوور دڵڕفێن گوڵووم و ماتاون دخوازم ئێ جارە، ژە سان بامە دی تەڵەبەردێک بووم... دەیشتەگان واران‌لێدریاگ کوچگ، لەوەڕگەێ ئاسکەیل هۊرشەن ئوو نکەڵمەس ئەژ بوو خوەش کوورپە وەرکەیل دلۆڤانی گەنم‌جاڕەیل بەرد، گش سەوزن کەژ و کۊەیلێ ئارفانە، لەناو کپیی قۊل ئەوڕەسین، نوقما بۊنە ژیان، ڕەوکە ئەسپەیل سەرکەشێ دێرێ ک دە ڕێگەل شاراوەێ سەنگ، وە پڕتاف دچن ئوو وشەیل بەرد، باڵنەل ڕەوەن و ڕزگارێکن... ڤە ڤێنەێ ئازادی. هەرگز ئاواز هزارەیل هەڵبەس و یاسەمین ژە قوڕگ بەرد، نەژنەفتیدە؟ ! دخوازم ئێ جارە، ژە سان بامە دی تەڵەبەردێک بووم... کراس بەرد، زەڕینەوسیمینەێک ئەفسوونکارە ک لە کەوشەنەیل ئاسمان قاقەز نیەگونجێ ئوو قوتییەیل مەداد ڕەنگی و بووم نگارکێشی ئەژ تاو تووڕەیی نگارکێشەل بنکەفتە هەێڤاێنێ. لە پشت ئاسووەیل بەرد، ئقیانووسێک کەو دەنوێنێ ئەورە ک نەهەنگەیل دەریاوان ئەوینار و دڵبەسە، ڤاز دگرنە ناو ئاوەل بێ‌پەێ و بێ‌بن ژین. چراخەیل دەریایی بەرد، هەمیشە ڕووناکن ئوو کەشتییەگان لە بارەنازەیل بەختەوەریی ئەۊ لەنگەر ئایشتنە. ئاسمان سان، پڕ ژە ئاسارەیل داگیرسیاێ لاجەوەردە باوەشێ، دەروەچێگە وەرەو پەڕاڤ هەتاو ئەرێ هەرگز خەنەخەن و گوڵەگوڵ بەرد ئەژنەفتیدە؟ ! یا هەن‌هەن خوەرئاوا، ئرمێسەگان بلوورینێ چنیدە؟ ! دخوازم ئێ جارە، ژە سان بامە دی تەڵەبەردێک بووم... هناسەیل گەرم بەرد سروەئاسا، ئەڵکەرێ ئەڵ گوونایلم ئوو کلکەیلێ مێرەوان و ناسیارن وەگەرد پرچەیل پەژارەما. داڵانەیل شاراوەێ سەنگ، م دبەن ئەڕا سەرەتاێ ڕووژنا ئەڕا وەرز میوەیل ڕەسییەێ ئاگر! لەناو بەردا دەس پێ ئەکەم وە هەڵفڕین ئوو ئەڕەسمە ژیریی بەرد دخوازم ئێ جارە، ژە سان بامە دی تەڵەبەردێک بووم... وێشەڵان سەنگ، پەژیراێ گەل‌گەل کەمووتەرەیل زانین و ئاگایە ئوو دەنام زڵاڵیی ڕووبارەیلێ ماسییەگان سوور و سییە، وە هەڵبەزدابەز فەرە باڵەو گرن. ئەرێ هەرگز دەناو باخە چڕەگان بەرد سەێران و گەشت کردیتە؟ ! قەت لەناو ماڵەکین دڵگر و پاکژ کوچگ مێوانداری لە دووسەیلت کردیتە؟ ! یا ئێڤاران، دەناو پێیادەڕێیەل بەردەڕێژبییەێ شار سەنگ پێیارسە کردیتە؟ ! یە بوو هەزوێلە و ئەترەل جادوویی سان و بەردە ک دێ ئەۊ پتت! ئەرێ ڤەڕاس، ئەژ مەۊستانەل بەرد ئەنگیر یاقووتی چەشتینە؟ ! یا ئەڵسەر مێز ئەناشتا ڤە پێیاڵەێ قاوە و هل، مکێست کردێیە بەرد؟ ! ڕاشکاوی، لە بەرد فێر بیمە و خەێاڵەیلەم، ڤە تاڵەیل ئاورێشم بەرد چنیمە دخوازم ئێ جارە، ژە سان بامە دی تەڵەبەردێک بووم... زەێم و کەنۊەگەێ بەرد، نیقەڵتووز ئەنگەوین شرین ئەفسانەیلە تۊنی گرد گوورانییەل ئەژڤیرچییە گشت ناوەیل گومەسار گشت گەورا داستانەیل دلێری و ئازایەتی و پاڵەوانی دەناو کڕ ڤە کڕ ڕۆمان بەرد، وە هۊر باری. [لە بانان، ] هووزەکەم دەناو دیەکەیل وڵات بەرد لەنوو وەدی دکەم. لە ڕووژنای شێرەچراێ هەتاهەتایی سەنگ، خوەم ژە نوو ناسمەو ئوو دزانم ک نەمری و هەرمان، تەنیا چرکەساتێکە لە ڕووژگاران بەرد دخوازم ئێ جارە، ژە سان بامە دی تەڵەبەردێک بووم... ++++++++++++++++++++++ سەرناو: ( لووراننەیل دۊایین ١ ) سەبارەت: نووسین: ئاوات شان‌ڤەشان نووڕسنم، پیر مەبوو ڕێگە ــ ئێ ئەسپ ئسپێی پڕخورووشە ــ وەلێ م، گشت سەێر و سەمەرەیل سەفەر لە قاپ ئیسکە تماشا دکەم گرد باڵگرتنەیل و فیشکەیل سۊەر گڕەکەر و برشەکەر گشت خەون و خەێاڵەیلێ ک شەوەکیان چۊزە ددەن ئوو لق‌وپەلەیل سەونز پێڵ، ک وەرەو ڕووژنای ژیان باڵا دکەن! شان‌ئەوشان نووڕسنم، پیرەو مەبوو ڕاگە ــ ئی هیلەهیل سەرکەش هەیتاهەیتە ــ ئوو ئەز، دە هەر وێستگەێ نوواینێ جامەک نقاونق واران و گوڵوەچێگ، کەرمەۊ دی ک ڕووژێگ، لەتێگ ژە حەقیقەت م دە ناو باخچەگەێ بۊچگ خوەێ کاڵۊیی. ++++++++++++++++++++++ سەرناو: ( پاشخوان ) سەبارەت: نووسین: ئاوات باڵگرتنێک بێ مەل؛ چەمێک ژە سان؛ باخێک پڕ لە بڵێسەیل تارسە و وەدی کردن ئاهـ! چ پاشخوان شائرانەێکە 'مرۆڤ' وە پرسیارێ ک لەسەر لێوەیل گەردوون چەقیاێە. ++++++++++++++++++++++ سەرناو: ( سروو چیین و بیین ڤە... ) سەبارەت: نووسین: ئاوات چیین سەرەتاێ سرووەگەێ تنە هەر ئەۊ جوورە ک کووچبار سەرەتاێ قازقوڵنگەلە. مەرگ، بوو بەژن و باڵای ت گرێد بوو خاک بوو ڕەنج ئەتر مرۆڤ ئوو مردن، دی [ئەژیە دۊا] لە نووڕگەێ ئیمە بەددیمەن و ناشیرین نییە. کات، لە وڵاتە بەرزەگەێ دڵ تۆ تا وە هەێ شەوەکییە تا وە هەێ پاکی. گیاێ شەونمینێگە ک هشکەڕێیەل گومان پڕ کەرێ ئەژ بەرامەێ خوەێ. ئوو دە ئاسووەیل دەروەچەگەێ ئەوکریاێ نووڕینت هانە خەوەر باخەوارەیل گوڵوەچکردەێ نارینج. دەسەلت دووسەل زەمینن پاچاێ هەراوهەر خاک و سەۊزینە. ئۊ دەرز و لووچەل ڕەنج فەرهادئاساێ تۊوڵت گەنم‌جاڕەل ڕووژەل بانان. ئەرێ! چیین، بنیاێ سرووەگەێ تنە هەر ئەۊ جوورە ک وەدی هاتن سەفەر دەسپێک ڕێیە... ++++++++++++++++++++++ سەرناو: ( سۊرەگوڵێگ دەناو ئاگر ) سەبارەت: نووسین: ئاوات ڕووژەیل، کرچ‌کاڵن و شەو، چراێگ فرە دۊکەڵکەر ئەۊدارکردە ئەژ لق لەرزووک هەوەس و کەڵکەڵە. دیوار، چەمکێگە نزیک وە لاوار چوارباڵ، ژە بوو گەن‌پێس وێرانی پەنگاوپەنگە. بنووڕ ماڵەگە ڤە بەڵگە و پەڕەێ ناسنامەێ دروویین چۊ هەبۊن سەرەمەرگ خوەێ، وەک مرداوێگ جاڕ دەێد! پەردەیل، پەردەیل بێ‌ئاگا لە پەلەوەربۊن خوەرگەل پەنجەرەگە ئەڕا بەرزەک تیەریکی تاڕاننە و شاروەدەر کردنە ئوو چراێ ئاینە، کوشیاسەو گوڕە و هاوار ڕێویارەیل گوم‌بۊەێ دەلیاگان ئەژنەوی؟ ! وە وێنەێ سان... وێنەێ ئاغم من زەوینم! دووسیامە ئەڵ ئاسانەێ تین و پەێتاو ئوو گیاێ 'ئازادی' چی تەوتەم کەڤنێ دە هێمن‌ترین جاگەێ دڵم و هەشارترین قوڕنەل یاێهووشم وە پاک و ناونازار ئەزانم. لاڵکە و نقا کەرم ڤە وشەیل پڕ ئەژ کەمووتەر و بێ‌دەنگیی کیەوێگ. دووسیامە ئەڵ ئاسانەێ تین و پەێتاو سەرتاپا تەڕ و تلیس! پێڵەیل چاوانم لە ژێر سمکوو ئەسپەیل سەرکێش پەژارە، پەنەمیاێەن هاوشێوەێ ئەو ئاسوور ئاوسە ک دڵ ژە خوان و خواردەمەنییەیل ئاسمان بڕی. چ وەزەن بکوژێگە ڤەرتەرمەێ چەوەنووڕی بنووڕ لاشەێ چرکە ــ گەڵاگان پایزی چۊن لە هسار ماڵەگە ئەۊڕزن! لە ئاسانەێ تین و پەێتاو سەرتاپا تەڕ و تلیک وسامە ئاسووەیل درێژەپێدان، کپ و گیریاێەن ئوو دەشت هەوا لە ژێر پەردەیل کەڕکەڕەمزێ، قورخ کریاێە. گزگ‌جاڕەیل پەنجرە هانە کوورە؟ لۊتگەێ بەرز هەتاو ها کوورە؟ نەێڤینی میلە و زەنجیرەل، مارش بێ‌شەرمیی خوەێان چ ڤە ڕیداری و پێڵی ژەنن؟ ڕازان و چیرووک، تا درەنگانێگ وەیجوورە بییە و م ئێمکە ئەڵ ئاسانەێ تین و پەێتاو هووسیامە بێ ک چەۊەڕێی یارمەتیی 'یار'ێ بووم. ئەرێ! دەسوور وسان وە هۊچ زانسمە و لە داتەکێگ خۆماکی سەرپێچی کردمە ک مرۆڤ ناچار دکەێ تا خوەێ لە بڵێنای بێ‌بایەخ چێژ و خوەشییەیل چوارمێخە بکەێدن. ئەو بەرزەچڕ ڕۊتەنک و بێ‌خەوش یەێ‌مقومە دۊنید ک وەگەرد پاکییەیل وەل تیشکەگان و ڕووبارەیلا پەێوەن زۊنەێ درێ؟ ! ئەو بڕگەێ ڕەنگینە ئەژنەوی ک ژە چگا و گەڕەیل نادیار بەڵام سەوز چۊ ئەڵکەێد، ئوو خار کەێ تا نزیکەو بوو... بڕەسێ، ئوو وەل خۊنما تێکەڵەو بوو؟ ! ئەسە دووارە وە خوەر ئیشم 'سڵام' ئوو بنەتۊمەیل بێ‌دەنگی دەنام لەشم چقیڕە دەن دروودێگ هنارم ئەڕا ئازادی ئوو پەڕەگوڵەیل سۊەر تاسەمەنی، لەناو ڕەگەیلم دپشکڤن ئڕا ئەڤین، لەنوو سروودێگ دەشم [و گوورانییێگ چڕم] ئوو وێشییەگان ئاواز، وەرد سروەێ ک لە گیان منا ڕەوانە هەڵسن وە هەڵپەڕگە؛ تا داسەیل و داوڵەیل هەوا بدریەنە هەراهەریی لەهۊرچیینێگ لێڵ و کەس‌نەزان. ... ئاهـ! من چ لێواولێوم هەگ خەێاڵ، خزێیە ناو لار و لەش چشتەگان و خەسپەن چەم دەس پێ دکەێ... ئەژ دەرڤەچەل ئەۊکردەێ ئاینە ئەۊ کەسنەناس گوجەر خەمگینە دیارە ک لە ئەولاێ ئاسۆگەل پڕ ژە گوڵوەچ شەوەکیان وە خوەشڵەخوەشی، گوورانیی نووێ مەچڕێ و [لە بانان] وەل ئیمەیا ئاشناس. تەماشاێ ئاینە بکە، تا بانان لە ناوێیا وەدی بکەیت! پەردەگان سزیەن و چەوەیل هۊرمان لە نقۊڕەیل [، لە کەل و لاکۆڵانەیل بنبەس] تەڵوەنە و پەشێون. پەردەگان سزیەن و دەسەیل بەدفەڕ و دێزەێ کارەسات لە دۊردەس تراوێڵکە، چرچیاێە و هەراسانن. باڵەیل گووشماسییەگان، وەرەو ڕووشتا ئەوکریانە و پەلەڤەرەل دەریایی، دەسان کردێیە ئاڤازخوەنن وژ. بژمار! دەریاپەڕ هەۊشەگەێ پشتین ماڵ، پڕ ئەژ کەلاک و تەرم باێکردەو پڕ ئەژ ڕێیەلێ ک ڤە 'هیچ‌کوورە' ئەۊ پەرتەخ ڕەسن. ئوو م، ئێسە ئەڵ ناوەێن فەقارەیل ڕووناک سەرتاپا فیسیاێە دە لیسک ئەفتاو بەردەڵان تیەریک وەرەو ئەو جیگە ک پێویستە، بڕم و هیلمە جی... سۊرەگوڵێگ دەناو ئاگر کردمە ئەۊدی سۊرەگوڵێگ دەناو ئاگر کردمە ئەۊدی. ++++++++++++++++++++++ سەرناو: ( لووراننەیل دۊایین ٢ ) سەبارەت: نووسین: ئاوات لەناو دڵەیل ئێمە، ئەڤین و هیوا و هەڵقوڵان هەس لەناو دڵەیل ئێمە، وڵاتێگ ئەول داربەڕۊەگان قەۊێ مانگ ورشەدار کۊەسان و کیەنییەیل پاکێ هەس لەناو دڵەیل ئێمە، کاکەشانێگ لە هەست تاسەبزوێن ئازادی زەردەخەنە، درسی و ڕاس‌ئۊشی هەس ئوو هەڵبەت، گولە و برینێگ وەسنگ ئێ هەمگە! ++++++++++++++++++++++ سەرناو: ( گوورانییەیل پایزەێ شاخان ) سەبارەت: نووسین: ئاوات ئاواز چیا، لە ناخ دڵم دەنگەو دەێد و ئەرواێ دەلیاگان، خزێیە ناو گووش‌ماسیی لەشم! دووم ڤە پاییز... ئەرێ! پاییز پڕاوپڕ ئەژ ویتەویت بەلۊزار ... ئوو وە سەرپەنجەیل وژ، ژە ڕەنگ چنێکەم وا. ++++++++++++++++++++++ سەرناو: ( دەمتەقەێ سێ و ئسپێ و زەرد و سۊر ) سەبارەت: نووسین: ئاوات ــ '... ' ــ '... ' ــ '... ' ــ '... ' 'نە! هەوەجە وە وەرگێڕ و ئەڵگەردانن نییە' چەوەیلمان یە وە یەکتری وەتن. ++++++++++++++++++++++ سەرناو: ( هەڵاڵە زەردەیل میزۆپۆتامیا ) سەبارەت: نووسین: ئاوات ئەێ وا! بۊشە ژنە بەێت‌ئەڵوەسەگەێ شیراز کراس زەرد بکەێدە وەر هەڵوەس هەناێ لەبارەێ هاوسا زاگرۆسییەگەێ هەڵوەسێد. لێرە، تەنانەت گامەیل ڕووباریش زەردن کوچگ، وە لاوەلاوەێ زەرد زەمان، چوودە خەو کۊە، وە بڵووزەیل زەرد پاییز، خەمین خوەنێد و هەڵاڵەیل، وە پژنگ و سەروەن زەرد کوردییان، وە هەڵپەڕگە دچنە پیری سووا وەی خەێاڵە ک بەشکا هەر ئی سووە وهار بوو ... وهار سوور و سەوز! ئەێ باێ! بیشە ژنە بڤەشەکەێ دەشت و ناوڕووەل پڕ ساز و ئاڤاز ئاناتۆلی دەناو وشە وە وشەێ هەڵبەسەیل زەرد، سەفەرنامەێ ئاهیی چەوەیلێ [وە یادگار بێلێ] ئەڵ هەر کڕێ ژەێ، بەرف کوت‌و‌پڕ لێوەخەنەێ و ئەڵ هەر بەرزکردنەوە و نیشتنەوەێ پێنووس، جگێ لە لۊل زڵف مەدیتەرانە ڤە یادگار بێلێ چۊن ک لە وڵاتەکەێ زەرد م، ماوەێ فرەێکە وهار نەهاتێیە هەڵاڵەیل، چەوەڕێین و زام کۊ نا‌ئارامە و بێ‌تاوی کەد ــ فێر داربەلییەیل پیر بکە! ... چ سەرەتاتگی دکەن پەێ دیین تەنانەت یەێ جوڕەپووپنەێ فرەڤەش! ــ ئەێ ڤا! بووشە ژەنە هەڵبەستڤانەکەێ هەزار و یەک شەو بەغدا هەریە گ ئەڕا کەش‌کۊ ئەتر چەویر و نەعنا بارێ، بەسە چۊن ک ئێ نام ڤڵاتەکەێ زەرد م، تەنانەت گوڵەمئاو گوجین لاوانن و لەۊەخەنەێک ئەر ئاشکرایی هوشکەڕوو زەمەلمان مەڵهەمە چۊن ک ئیمە، ژە نام ڕەنگینییەل کەشکەشانە کەڵنەکەێ ئەڤین، فرەتر خوەشمان ئێ لەۊەخەنە ماێ... هەرچەن تەنانەت نزیک‌ترین لەۊەخەنەیژ، دەس‌مەڕەس‌ترین هەسارە [ئێ نام ئاسارەل] بوو. وڵاتەگەێ من، پڕە لە جوڕەپووپنەیل لاڵ هەر وەی بوونەوە، شێعر باڵەوگرتن بهوونەوە ئەێ ژنە بۊیشەگەێ شیراز! جوڕەپووپنەیل، لە قسیەێ تو ک ئەڵگەردان ڕەوان ئاسمانە، خاس ڕەسنەو. ڤڵاتەکەێ م، پڕ ئەژ ئاوەخت و ئارزووەل گوم‌بییەو هەێ ڤەی مدووە، ئەڵوەسەکەێ دڵت بخۆ ئەێ ژنە بڤەشەکەێ دەشت و ناوڕووەل پڕ ساز و سروو ئاناتۆلی! ئارەزووەیل، وەرد داڵانەگەێ تووئەڵتوو دڵ ت ک وەرەو ڕووژنا ئەوکریاێە، ئاشنان. وڵاتەگەێ م، نەتڵ پەژارەیل زەردە ئەسە، هەڵبەس واران بخوەن ئەێ ژنە بوێژەگەێ بێ‌ناو و کەسنەناس بەیرووت و شام! پەژارەیل زەرد جەهان، زڕدۊت ئەسرەیل تونن ــ ک ئەڵ پشت و ئەۊلاێ ئانە، شایی ڕووژەیل بانان نیشتێیە ــ وڵاتەگەێ من، زەردە زەرد، وەرد دەنگ سمکوو ئاسکەیل تێژپا و گورج ژان زەرد، وەگەرد وەفر کوت‌و‌پڕ خەما زەرد، وەل لۊل نەرم گیسەیل شیرازا زەرد، ڤگەرد زەێتوونەل مێرەبان مەدیتەرانە هەنێ شانەیل بریندار چیا ماچ دکەن. لە وڵاتەگەێ من، وەی هەمکە کەژاڵ و کانی و سروەێ زەردە بەڵام، وەهار سوور و سەوز ها کوو؟ ! وەهارەگەێ سوور و سەوز ئێمە هەڵبوەس ئەێ ژنە هەڵبەستڤانەگەێ هەزار و یەک شەو کەسەر! دە ڤڵاتەکەێ م، تەنیا باێە ک بێ گوزەرنامە و ڤیزا سەفەر کەرێ! ... بێ ڕێدان و وشکانن. لە وڵاتەگەێ من، 'میزۆپۆتامیا' ئازادی، ژنە خوداوەن خوەتەن‌ڕەژیدەێگە ک لە زەردەخەنەێ ئەو ئەسارەێ دۊۊۊۊۊۊۊرە وە دەسماڵە زەردەگەێ ئاێر، هەڵپەڕکە کەد ئوو ڕووژێگ، لە هەر کات و سات شێعر، دێیاێ و گرد ئاسۆگەل ژە بووخوەش چەویر و نەعنا، پڕەو کەێ. دە ڤڵاتەکەێ من، هەر ژنە بەێت‌ئەڵوەس خەمبار جەهان هەڵبەسەیل زەرد فرەێ چنێ و سەوەتەکەێ خوەێ پڕاپڕ ئەژ لەۊەخەنە دەرێ پڕاپڕ ژە هەڵاڵە سوورەیل ئەڕا شەوییەکەێ سەوز خەوەیلێ تا کشکڵە زەڕەدار و ڕەنگینەکەێ ڕووژەیل بانان بووخوەش هەزوەیل کۊیی ڤڵاتەکەێ م بێ بوو ئازادی... بوو دووسی... ئەتر ئەڤین! پاش دمایین چای هەر ئی سەرئێوارەێ دڵتەنگکەر و خەمبارە ڤە چەمەدانێک پڕ ژە هەڵاڵە زەردەیل ئەژ ئیسگا زەرد و وەجاهێشتەێ چووڵێ ڤرەێ ڤهار سەفەرە مەکەم... ئوو ڤهار بەم ئەڕا لێوارەیل مەدیتەرانە، ئڕا دەروازەیل شیراز، ڤەر دڵەکەێ ڕپڕەپکەر 'ئۆرووک'! بلیت وا گرتمە و گوزەرنامەێ سۊر هەڵبەس دەناو گیرفان کراسەکەێ زەردم، مۊر کریاێە. ... قەتار زەردێ، لە وەر واران وە فیکەکیشانەو تێد ئاهـ هـ هـ! ... شیراز چەنێ نزیکە و زەێتۊن‌زار دیەکەگەێ هامسا، چ مێمان‌دووس! ++++++++++++++++++++++ سەرناو: ( ماڵەگەێ خوەر ) سەبارەت: نووسین: ئاوات هێز گر و وەناو دڕگ‌جاڕ نووتەک گومان کڵپە و بڵێزەێ وەگوڕ ئیمان بوو ک ئەژ زام تینگی تا ساڕێژ ئاو تەنیا، گرم‌هڕێگ مەنێیە. وەناو قایخ خەێاڵ، پاڕووەگەێ دڵ بوەشن ک لە گێژاو دڵەڕاوکەێ دڵووپە تا لێوار هێمنی و ستار دەلیا چراێ مزگانی‌دەر ئەوین، ها خەوەر و وریاس. بژنەو! کڵەشێرەگەێ بەێان، قۊلنێ: 'تا کەفتن و شکیان شەو تەنیا، سەنگەرێ ماگە'. جەنگاوەر، هەنگاو هەڵگر [ــ پات بنە! ] ماڵەگەێ خوەر نزیکە. ++++++++++++++++++++++ سەرناو: ( ئارێنا ) سەبارەت: نووسین: ئاوات هەریە بەسە بێشی 'ئەرێ'! تەنیا هەریە بەسە تا دە ڕزگ ئانی بوویی. گاڵتەجاڕەل گرێڤنەو، ڤەسنگەێ پریک‌پاک سەروەرەل یا دەمەل ئەڵچەقەنە، ئەڵ گەلیی هاوخۊنەل [ــ کەس و کیژەل] ... تەنیا هەریە بەسە برانگ هەریە بەسە بێشی: 'ئەرێ'! ++++++++++++++++++++++ سەرناو: ( تەل هشک‌بییەێ خێیاڵ ) سەبارەت: نووسین: ئاوات ڤە دەشت ڤتم: ڤەرچە مەخمینی؟ ــ تەرم چەم، ڤرەۊ مرداو دەرم. ــ چەم! ... بەڵۆم ئاخر ژچە؟ ــ ئاخ! تەنیا گڕێ گڕێ تەنیا، ڤە گومۆنێ دەریاێ کیەو ئەفسانەێکە. وە ئاسمان وەتم: ئڕا گیرە کەید؟ ــ کەلاک پەلەوەر، ئەڕاێ وڵات بەرد و بێ‌دەنگی بەم. ــ پەلەوەر! ... ئەمانگ ئاخر ئڕاچە؟ ــ ئاخ! تەنیا گڕێک گڕێک تەنیا، خوەێ نەخستە ناو مەترسیی باڵگرتنەوە. وە زەمین وتم: ئەڕا موور چڕید؟ ــ خوڵەکوو باخ، ئسپارمە دارتەرم وا. ــ باخ! ... بەڵام ئاخر وەسەر چە؟ ــ ئاخ! تەنیا دەمێک دەمێک تەنیا، وە گومانێ وێشیی خێیاڵەکەێ وهاری نیەچنیەێدەو. ڤە بەێت‌ئەڵڤەس ڤتم: ڤەرچە زوێری؟ ــ لەشەکەێ پیک مرۆڤ، دنمە گڵکوو فرامووشی. ــ مرۆڤ! ... بەڵۆم ئاخر ئەڵسەر چە؟ ــ ئاخ! تەنیا گڕێ گڕێ تەنیا، ئەژ ئەڤین ئازادی بڕیا و کەفتەۊ گەرد گەنی. ++++++++++++++++++++++ سەرناو: ( چریکەێ ئاگرین ) سەبارەت: نووسین: ئاوات ئاسن، گوڵوەچ دەرکەێد و پەنجەرەێگ وە پانایی بسکەخەنەێگ لە ڕۊچگ گرژ ئێ دیوارە سەوز کەێ ئاخ ئەگەر تەنیا جارێگ، قوڕگت گوڕ بگرێ لەی زمسان لاڵ بنبەسە! ++++++++++++++++++++++ سەرناو: ( بڵنگای سەوز ) سەبارەت: نووسین: ئاوات بنووڕە سێدارەیل وەتۊم ک جوگرافیاێ نیشتمانەگەم پڕ وێشەس! گرم‌هڕ ــ وشەێ 'نە' لە دەم من بژنەو؛ وەتۊم... وەتۊم ک هەواێ نیشتمانەگەم لاسامە و واوەڕووەس! بڵێنیی نیشتمانەگەم بۊن چ 'بە رز تر' ژە ئاست زەلکاویی ئیوەس ئاغاێ دادوەر! ... فڕین م نیەوینی؟ ! ++++++++++++++++++++++ سەرناو: ( ئێوارەێ ڕووداوەکە ) سەبارەت: نووسین: ئاوات خار ئەدەن جوور تریشقە؛ نەڕنن وە وێنەێ وا؛ تا لە بن وێشەیل تەمین ڕووداوەکە بنیشنن دە مکوڵ ڕووژگار گەن و پرۊسک زام دڵێیان وە یەێ جارە، بووارن. ... ئەرێ! چوار سووار کورد ئەڵ کووڵ ئەسپ زەرد گرژی و تووڕەییان وە پڕتاو وەرەو ئەوراز زاگرۆس بڵێسە دەن. ++++++++++++++++++++++ سەرناو: ( ڤیرووشە: ڤیر تاسەبارانەێ وێیەردە ) سەبارەت: نووسین: ئاوات چەترەکەێ زەردت ئەۊکردی هەنێ ئەژ لاکیچە تاریکەکەێ زمسان پلیای ـــ گوڵەبەڕووژەێ ئەڵ شوون خوەر بین! گرد یە دین دەروەچەل دۊکەڵگیرەل شەقامەل. دەناو زڵەزڵ جەماوەر دەناو دەلیا دەلیا لەف لۆ کردن دو باڵنە دەناو نێیەت یەکێ ئمێ یەکێ ئژەو خەم! گرد یە دین واێ سەرد پەلەکەێ ڕیت درەخت دارتەێلەل. پەنجە بیچگەکەت گورمچەو کردی پڕۊکە وەفرەیل دەنام هڵم و گڕەێ هناسەیلت تاویان زەردەخەنە کردی ئەڕا ئاسمان ئەڕا زەۊ ئەڕا جەماوەر ئمجا دەنگ هاوارت وەردێیان بەرزەو کردی: 'بژی ئازادی! '... 'بمرێ چەکمەبوور! '... گولە و ئاگر بی خۊن بی و قیلتاو. گرد یە دین دەروەچەیل شەقامەیل پەلەکەێ ڕیت درەخت. سی ساڵ وێیەرد دەمەڵوەس ملهوڕەکەێ چەکمەبوور نوویش کەفت بەڵام سوورەگوڵەکەێ دەنگ ت هێمانیش جوور بڵێسەێ ئاگرێ ئەڵ ناوڕاس ئاسمانە کەوەکەێ شار باڵەپیتە کەرێ! گرد یە دڤینن م ڤەگەرد دو باڵنە ک دەناو نێیەم لۆ کردنە یەکێ ئمێ یەکێ ئژەو خەم! ++++++++++++++++++++++ سەرناو: ( گوورانیی چریک ) سەبارەت: نووسین: ئاوات ئەوین، هەڵفڕینە دەلیا، ئاسمان هەڵفڕین دڵووپەیلە وەداخا، ک لە نەبۊن گەورەێ ئەوین مرۆڤ، مرداو خەون و خەێاڵەیلە! ت ئەی ژە لانەماێ کانییەگان و چەمەگان، چریک! وە چریکەێ تفەنگەکەێ تۊڕەیی و گرژیی خوەد گوورانییێک ئەڕاێ ئەوین... گوورانییێک ئەڕاێ ژیان بخوەن شەوانە لە بڵێنای کەش و چیاێ دۊر. بەشکەم هەم بچەقن، لەناو ڕەگەیل شەکەت و کەو زەێن مەردمان شار هەڵاڵە سوورەیل نۊر. ++++++++++++++++++++++ سەرناو: ( ڕاو ) سەبارەت: نووسین: ئاوات ساڵان ساڵە دەناو چەمەکەێ گڕگڕ لێخن و گلێک لرپەکەر ناخم سەرگەرم مەلە کردنم. هەر ڕوو، تاسەخواز و دەس‌ئەڵنەگر تا دیردەس دیرێ دچم و ڤە قولاو پرسیارێک نوو خوەم، خوەم ڕاو کەرم! ... ئۊ هەر ئی مەرگ ڕەنگین واژاوە، م (ماسی سۊرەکەێ تەنیاێ ناو چەم و ڕاوکەرەکەێ) ژیینێ. ++++++++++++++++++++++ سەرناو: ( ئاویی دۊر ) سەبارەت: نووسین: ئاوات تارمایی یا شەوەێ شەوانە نییە ئێ قڵاسییە ـــ ڕاسیی خەمناک ڕووژانەێ ئیمەس ک هەر وە سات پەێ دۊرییەکەت قیژنێ ئەێ ئاویی دۊر! ک ناوت 'ئازادی'ـیە. ++++++++++++++++++++++ سەرناو: ( ساز بێ‌دەنگی ) سەبارەت: نووسین: ئاوات ساز بێ‌دەنگییم ئەز بژنەوەم، بێ پێژەن... ++++++++++++++++++++++ سەرناو: ( ئی زامە، ئاشارەو نێیەو! ) سەبارەت: نووسین: ئاوات ئەرێ لەناو بێ‌دەنگیی ڕەها هەڵفڕین خۊنالین کەمووتەرێ چەوەیل خەمسەرد خەڵک وەرەو ئاسمان ئەڵگەردنێ؟ ! ـــ لە ژێر هێرش وەفر تەنیایی سەدە ژە م نەخواز هاوار نەکەم ئی زامە، ئاشارەو نێیەو! ++++++++++++++++++++++ سەرناو: ( کەمێ مەنە وە مانگ ) سەبارەت: نووسین: ئاوات چیا، هەرچێ بڵێن‌تر بوو خەمبزوێن‌ترە ـــ چمان کەمێ مەنە وە مانگ بڕ نەکردێیە! ++++++++++++++++++++++ سەرناو: ( ئەسپ چوویین ) سەبارەت: نووسین: ئاوات ئەسپەکەێ چوویین ئێمە ڤە بن‌بنین دووزەخ ڕەسەن ـــ ئاخ زاڕووییم! ئێمکە ڤە پاپێیا گرەک ئەژ ئی ڕێیە گلارێمن. ++++++++++++++++++++++ سەرناو: ( ڤەدڵ‌چڕ ) سەبارەت: نووسین: ئاوات دەمم، ناو کەس دە ڤیرێ نییە ڤە دڵم دووس چڕم! ++++++++++++++++++++++ سەرناو: ( نسمەێ تەریک ) سەبارەت: نووسین: ئاوات هەێگوا ئی جیلەێ سەرد ناو ڕەگەل ئێمە خین مۆنگە. 'گردیلک پڕ'ـیش ک بووێم نسمەێ تەریکێ دێرێم! ++++++++++++++++++++++ سەرناو: ( داک پەژارە ) سەبارەت: نووسین: ئاوات زەڵەت نەچوو! ئی داکە ک ئەژ دەرز تێوڵم درەتێیە پەژارەێکە (کوتێ ژەێ ئەنوو، کوتێ تر ئەسر) سڕ و کوڕ ڕێی گەلی و چەۊم گوم کردێیە! ++++++++++++++++++++++ سەرناو: ( زام هەنار ) سەبارەت: نووسین: ئاوات دە بنچڕ تەنیایی زیڕزیڕەکێ بێ‌دەنگی پاشنێ ئەڵ ساتەیل ـــ ویرمانەیل وە بێ‌مدوو هەوگل کەن لە ژێر واران، وە وێنەێ زام هەنارەیل پایزی! ++++++++++++++++++++++ سەرناو: ( دووانە ) سەبارەت: نووسین: ئاوات تا مەزگ سقان گیانم، دووانەێکم! یەێ نسمەم هابیل و نسمەێ تر قابیل. تیرپشک نەێخسم گەرد هەرکامێیان بکەفم، ئەوەێ ترەک خینم ڕشنێ! باس زارووەل لفانەێ زەمان کەرم: 'یاێهووش' و 'فرامووشی'. ++++++++++++++++++++++ سەرناو: ( ئەلف‌وبێی مەرگ ) سەبارەت: نووسین: ئاوات دەێرە، د ناو 'ئەلف‌وبێ'ـیش مین و بم کاڵینە! قسە کەرێمن؛ ژۆن و ئێش ڤارێ نیسنێمن؛ کارەسات و هەواڵ دڵتەزن کەفێ ئەۊ ڕێ خۆنێمن؛ جهانێ گڕە گرێ. ئەۊبڕەسن ئەژ بێ‌دەنگیی ئی ڤڵات ئاخین‌داخین و خەمبارە! دەێرە، ئەڵ پشت بزەخەنەێ هەر وشە مەرگ کوڵە گرتێیە. ++++++++++++++++++++++ سەرناو: ( زوان بەرد ) سەبارەت: نووسین: ئاوات کۊەگانیش کەفتنەسە وەر گولە ـــ خوەزەو چەسپ زام لە زوان بەردەیل ئەوبڕەسیاتا! ++++++++++++++++++++++ سەرناو: ( هادەێ، بەرجد وشەێ تاریک و لێڵێکە! ) سەبارەت: نووسین: ئاوات ــ 'هاتێ'! لەی وشەێ بۊچگە بگدەێ هەس و مەڵهەمێ هیواێ هەس و هەراسێ بانانێ هەس و هۊچ‌کاتێ ... وە دڵنەرمی ژیینێ و وە دڵڕەقی کوشێ! ++++++++++++++++++++++ سەرناو: ( تەقەێ شەنگێ ئەژ گوپ سەردوسڕ فێڵ! ) تاکەگلێ سەبارەت: نووسین: ئاوات زەردەخەنەێک بڵنگیی دیڤارەل زندان دیاری کەرێ و لاوەنن، دووە پڵتووکەێ تا چوارپاێەکەێ ژین ئەژ ژێر پات فڕ بێ. ئەۊ ماچ گەرمە، تەقەێ شەنگێکە ئەژ ناو گوپ سەردوسڕ فێڵ ... تا بخوازی خوەت بییەۊ لا، کوشیاینە! ++++++++++++++++++++++ سەرناو: ( تەنیا شوون‌پا ) سەبارەت: نووسین: ئاوات یەکڵەدار ئەڵ پەراوێز هشکەڵەتەێ هەڵەت چووڵ باڵاێ دەناو بڵێزەل تین و گڕۆ سووزێ. ئەژ ڕێیەل ئاسمۆنی بێجەژ تەپ‌تووسێک جیلەکەرێ نەێگوارێ. 'ــ هۆ ڕێڤارەکەێ تەنیا! ئمێد کامین ئامانج دیر ئشنە گڕگرتە، ڤەرەۊ نووا دەرێکەت؟ ' ئەڵ ڕێیەل زەمینی جیلەکەرێ وێیار نەێکەرێ بێجەژ تەپ‌تووسێ ئۊ جا‌پاێ ڤرەۊ نادیار ک بارکووڵەێ قورسێ ئەژ تین و گڕۆ ئگەرد خوەێ ڤە کووڵ کێشێ. ++++++++++++++++++++++ سەرناو: ( باڵنە و ئاوازە سۊرەکەێ ) سەبارەت: نووسین: ئاوات ئەڵ پەلێ ئەژ دار ڕەگەلم باڵنەێ نیشتێیە ک هەمیشە، ئاواز سۊرێ چڕێ. هەر من و ئەڵوەسەلم دەنگێ ئژنەۊێمن و گولەێ (منێ ڤە ئەنووێ) ک دە بلوورەێ گەلیی تفەنگ مەرگ، چەۊەڕێیە تا یەێ ڕوو باڵ بگرێ و دەناو گێژگێژاو سۊرەێ ئەۊ ئاوازە خوەێ ڤە کوشت بێ! ++++++++++++++++++++++ سەرناو: ( واق‌وڕی ) سەبارەت: نووسین: ئاوات ئەڤەێ ک مێیا بێیەتا، چی ئەڤەێ ک مێیا درگا بچەکەنا، کپیا ئەڤەێ ک مێیا بمەنا، گوم بی ئەڤەێ ک مێیا باڵ بگرتا، کەفت چ دنیاێ چەپی‌چەوارشەێکە! تا دخوازی باڵ ئەڵماڵی و بژیی ڤە جاڵ کەسێ دمری ک قەت خوەت نەڤییە. ++++++++++++++++++++++ سەرناو: ( ئاهـ ! ) سەبارەت: نووسین: ئاوات فەڵسەفەێ ڤەدی هەتن جەهان هاتێر هەر ئێ 'ئاهـ'ـە بوو ک مەکیشیمن ـــ هەنێ دارەل ئەنار، گوڵە مەکەن ++++++++++++++++++++++ سەرناو: ( ئاشارئاشارەکی ) سەبارەت: نووسین: ئاوات چەۊەلت ک نیقەنی م ڤەر هەێتاهەێ نادیارەۊ بیم. ئاخ ئەڵنەکێش! ... نەگرێڤ! ... هەڵەێ تو ک نەڤی مەرگ، ئاشارئاشارەکی سەرێ نێیەو! ++++++++++++++++++++++ سەرناو: ( پرسیار کەڵێن ) سەبارەت: نووسین: ئاوات هەبوون، پرسیار کەڵێنێکە و ئەڤین، دەمەلاڵکیی دڵێک نەسرەو ئەڕا زانسن واوێژ! ++++++++++++++++++++++ سەرناو: ( نوقم‌بیینێ ک ڕەنگینە! ) سەبارەت: نووسین: ئاوات بنیشنەم ڤەلاێ بێ‌دەنگییەکەت ک ئوورە قیل‌ترین ئقیانووس جەهانە و دڵووپ، تەنیا ڤە نوقم‌بیین ستار گرێ ++++++++++++++++++++++ سەرناو: ( ئەڵشکیان گەپ ) سەبارەت: نووسین: ئاوات ئاو کوشتیمن ئاگر وە دیل گرتیمن خاک زامدار کردیمن و هەوا شکەنجە دایمن. لەێوا بۊ ک ئیمەێ مرۆڤ وە تاجێک ژە خۊن سوورەگوڵ دە بان سەرمان و بەێداخێگ لە بێ‌دەنگیی قەناری دە قول مشتمان بیمنە گەوراترین سەرکەفتەێ ئەڵشکیاگ کاکشان! ++++++++++++++++++++++ سەرناو: ( وارشت ) سەبارەت: نووسین: ئاوات واریدن و لە قۊلایی گیانم چۊزەرە دەم چۊ داربەڕۊ کۊەسان ک نیوەێگ لە لێ هەڵبەس فڕینە و نیوەێ ترەکێ لاوەلاوەێ سان ـــ ئوو ئەوین، ئاسمانێگە ک لە ساڕووکییەگەت داکاسیاێە. ++++++++++++++++++++++ سەرناو: ( ئاوێ ئەرەێ گەلیی هوشک‌بییەێ وشەیل ) سەبارەت: نووسین: ئاوات قسەێ بکە ئەێ دووس! تەنانەت وە بیچکیی دڵ باڵندەێ دەنگ‌چڕێ تا دارسانێک ڕازی و قانێ ببێ ڤە مەنن ئەڵ سەر ڕەگ و ڕیشەێ وژ. ++++++++++++++++++++++ سەرناو: ( ژان ) سەبارەت: نووسین: ئاوات ئێ شوون‌پاێ بان وەفرە ئۊشێ ک چیدە. ئەو تەم تیرەێ سمنجە ک وێنەێ پەلەوەرێگ، باڵەیلێ ڕاخستێیە تا ئەوپەڕ ئاسۆ ئیشێ گلەو دما نیەخوەی. ـــ هەمیشە هەر لەێوا کەم‌قسە بیتە و کاریگەر وەک مەوداێ تێخێگ وە بان پووسەو ک بڕێ و دەم سۊەر هەنارێ تا بنچڕ ژان ڕۊت کەێدەو. ++++++++++++++++++++++ سەرناو: ( پایزەچڕ ) سەبارەت: نووسین: ئاوات ژۆ کەرێ، سەراپاێ ماڵەکە ئاهـ! ڤە بێ دووس... ++++++++++++++++++++++ سەرناو: ( هەرمان ) سەبارەت: نووسین: ئاوات هزار ساڵێ ترەک... ئەۊ هیردڵە تووس بێ‌ناوە منم! ++++++++++++++++++++++ سەرناو: ( بەردتاش ) سەبارەت: نووسین: ئاوات ــ ها چە کەری پەژارە؟ ــ ئەژ بەرد دڵ، پەێکەرێ تاشم ++++++++++++++++++++++ سەرناو: ( ڕەنج بێ‌ڤەر ) سەبارەت: نووسین: ئاوات هشکەگڵاڵ ڤەرەۊ دەریا دەرێ تەنیا، باێ! ++++++++++++++++++++++ سەرناو: ( شەکەتی ) سەبارەت: نووسین: ئاوات سەۊز ک نییم ڤەرچە باێ نەێڤەرێکەم؟ ! ++++++++++++++++++++++ سەرناو: ( نادیار ) سەبارەت: نووسین: ئاوات دیر و نزیک، نیمەکەێ نسار مۆنگە: مەرگ ++++++++++++++++++++++ سەرناو: ( گەل‌ئاسارەێ پەژارە ) سەبارەت: نووسین: ئاوات دڵێک لەرزا هەزار هەزار ئاسارە داجڕیا لە تەزبێیەکەێ موولەق ++++++++++++++++++++++ سەرناو: ( گناتە ) سەبارەت: نووسین: ئاوات پاێ ئەقڵت چقیا دە خەڕە مەر دەس دڵ درارێکەت! ++++++++++++++++++++++ سەرناو: ( بێ‌کەسی ) سەبارەت: نووسین: ئاوات زەمدار و تەنیا نە یەێ ساڵ، سەد ساڵ نە یەێ کەس، یەێ گەل! ++++++++++++++++++++++ سەرناو: ( پێشگر ) سەبارەت: نووسین: ئاوات ساێەم، ئەفتاو نەێڤینێ ئەفتاو، ساێەم ـــ 'م' چ دیڤار بەرزێکە! ++++++++++++++++++++++ سەرناو: ( دەمتەقە ) سەبارەت: نووسین: ئاوات دۊ ئەسکەملی دۊ نێیەێ گەرم و دۊ دڵ پڕاپڕ ئەژ بەۊش ـــ ڤە دەمتەقە، شێعر ڤەدی دێیاێ ++++++++++++++++++++++ سەرناو: ( هەڵچین ڕەنجێگ! ) سەبارەت: نووسین: ئاوات ــ ئەو برج بەرزە، وەچە تا ئەورەیل باڵا کردێیە؟ ــ وە باڵەیل ئشکیاێەێ هزاران خێیاڵ نامراێ. ++++++++++++++++++++++ سەرناو: ( شارڤەدەرەل ) سەبارەت: نووسین: ئاوات ئەژ ئی کتاو... ڤر ئەۊ کتاو شارڤەدەرن تاهەێ ـــ ئسکەندەر و چەنگێز و هیتلر! ++++++++++++++++++++++ سەرناو: ( چارەنویس ) سەبارەت: نووسین: ئاوات 'چارەنڤیس'ـێ نەێرێم بێجەژ، 'سەرهات'ـمان! ++++++++++++++++++++++ سەرناو: ( دیر و نزیک ) سەبارەت: نووسین: ئاوات هەم ئەۊ ئاسارەێ دیرەسەم هەم ئی هیردڵە تووس نزیکە ـــ نە نزیکم و نە دیر! ++++++++++++++++++++++ سەرناو: ( دەمتەقە وەگەرد باێ ) سەبارەت: نووسین: ئاوات 'وەڵگەیل، وشەیل ڕووژانەمن هەڵبەس پاێارم ها لە ڕەگ و ڕیشە' ... وە وا وتم! ++++++++++++++++++++++ سەرناو: ( ئاکام ) سەبارەت: نووسین: ئاوات ــ یەیش ئەژ دمایین سەنگەر: خوەم دە وەراوەر خوەم! ــ کێ سەرکەفتەێ مەێدانە؟ ++++++++++++++++++++++ سەرناو: ( بڤە ) سەبارەت: نووسین: ئاوات 'تەنیایی'، گورگ دێرێ وریا بە! ++++++++++++++++++++++ سەرناو: ( ئاواخت بەردین ) سەبارەت: نووسین: ئاوات ــ باێ! بەرەم تا ئەۊپەڕ دنیا ــ دەرم... ئەژ بەرگ بەردینت درا ++++++++++++++++++++++ سەرناو: ( پەرتووک لاڵ ) سەبارەت: نووسین: ئاوات ژە تاسەم ئەۊنەێڕەسی... ئەڵگەردیاێەێ دەنگ دڵم لە دنیاکەت تەنیا بێ‌دەنگییە ++++++++++++++++++++++ سەرناو: ( ئەڕا؟! ) سەبارەت: نووسین: ئاوات تا چنمەت دی ڕەنگینەکەێ جاران نیید ئەڕا؟ ! ++++++++++++++++++++++ سەرناو: ( هیرۆگلیف ) سەبارەت: نووسین: ئاوات تەنیا، ئەڤین تۊەنێ هیرۆگلیف دەسەیلمان بخوەنێ! ++++++++++++++++++++++ سەرناو: ( هەناسەێ سەرد ) سەبارەت: نووسین: ئاوات ــ ئی کاخ ڕەنگین و گەپە، مڵاتێ چەو؟ ــ ئاهـ! ... هەناسەێ سەرد کارکەرەیل. ++++++++++++++++++++++ سەرناو: ( ڕووژ و مۆنگ و ساڵ ) سەبارەت: نووسین: ئاوات ڕووژەل هەفتە ئژماری ناو دنی ئەڵ مۆنگەل و ساڵەل ئەژ کیست دچن! ++++++++++++++++++++++ سەرناو: ( دوونادوون ) سەبارەت: نووسین: ئاوات سۊرەگوڵ، دوونادوون کوم ئاوەختە؟ ! ++++++++++++++++++++++ سەرناو: ( داڕمیان ) سەبارەت: نووسین: ئاوات ــ ڕووسەمی یا سۊراو؟ ــ چ فەرخێ کەرێ؟!... ڤڵاتێ خەڵتان ڤە خین بی ++++++++++++++++++++++ سەرناو: ( گووشگر ) سەبارەت: نووسین: ئاوات هادەێ تەنیا پەپییەل دەنگ پیانۆژەنین گوڵەل بژنەۊن! ++++++++++++++++++++++ سەرناو: ( پێشهاتێ دە باێ‌باێەڕووە ) سەبارەت: نووسین: ئاوات گوڕگوەڕ باێەڕووە... بڕیار داێە ک بمینێ پەڕە گیاێ نازکێ ++++++++++++++++++++++ سەرناو: ( چەۊنیقەنە دخۆنم ) سەبارەت: نووسین: ئاوات ئی سۊرەگوڵەیش کتاوێکە ڤە وشەیلێ ئەژ بوو! ++++++++++++++++++++++ سەرناو: ( ژە بەێان تا واێ ئێوارە ) سەبارەت: نووسین: ئاوات گوڵ سۊ، ڤهارمەۊ سەرئێڤارە، پاییزم... وەرزەلم چەنێ کوڵن! ++++++++++++++++++++++ سەرناو: ( بەرخوەدان ) سەبارەت: نووسین: ئاوات دە سەردەم ئمپراتووریی ئەسر بژی بەرخوەدان زەردەخەنە! ++++++++++++++++++++++ سەرناو: ( کزە ) سەبارەت: نووسین: ئاوات کزەباێ لاوەلاوەو یا مووە دە گووش دار؟ ++++++++++++++++++++++ سەرناو: ( داکەفتن ) سەبارەت: نووسین: ئاوات باڵنەێ بیچک وە بێ‌تاشا نیشت داووڵ کەفت! ++++++++++++++++++++++ سەرناو: ( وڵات باێ ) سەبارەت: نووسین: ئاوات وەڕاس، کێ ئاڵاێ وڵات باێ شەکەن؟ ! ++++++++++++++++++++++ سەرناو: ( بێ‌دەنگی ) سەبارەت: نووسین: ئاوات بێ‌دەنگی، تاریکی نییە بێ‌دەنگی، کاکێشۆنێ پڕ ئەژ ئاسارەل بێ‌ناوە! ++++++++++++++++++++++ سەرناو: ( کزەبا ) سەبارەت: نووسین: ئاوات کزەبا، چە نا بن گووش دارەل ک ڕەنگ‌ڕییۆ ئەڵگەردیا؟ ! ++++++++++++++++++++++ سەرناو: ( نامە ) سەبارەت: نووسین: ئاوات باێ، نامەێکە هەرگز نەێڕەسێیە مزڵ! ++++++++++++++++++++++ سەرناو: ( گوورانی ) سەبارەت: نووسین: ئاوات ــ ئەژ ناو گوورانییەل، کومۆ ڕەنگین‌ترینە؟ ــ بێ‌دەنگی... هەنێ ڤە ئشق، تەماشاێ دنیا کەری. ++++++++++++++++++++++ سەرناو: ( وتووێژ ) سەبارەت: نووسین: ئاوات چۊ لە زوان یەکتر ئەوڕەسن زەلان و باێ شەماڵ؟ ! ++++++++++++++++++++++ سەرناو: ( سەرئاسۆ ) سەبارەت: نووسین: ئاوات ئەر بەرز و سەرئاسۆ بووم تۊ ڤهارێک ئێقە دیری ک هەمیشە تەڵوەنەم دە بەرف! ++++++++++++++++++++++ سەرناو: ( چراێ خەنسن ) سەبارەت: نووسین: ئاوات سەد ساڵ تەریک، گرێڤسی یەێ گلیش، چراێ خەنسنێ بگریسن! ++++++++++++++++++++++ سەرناو: ( ئەۊرەل ) سەبارەت: نووسین: ئاوات ئەرێ ئەۊرەل، خەوەل زەمینن یا ئاوەختەلێ ک پەیتاپەیتا شێوە گوەڕنن؟ ! ++++++++++++++++++++++ سەرناو: ( زۆن زنە ) سەبارەت: نووسین: ئاوات زنەترین زۆن دنیا هۊچ وشەێ نەێرێ: زۆن ئەسر و لەۊەخەنە! ++++++++++++++++++++++ سەرناو: ( دمایین ئاسارە ) سەبارەت: نووسین: ئاوات ئەۊلاێ دمایین ئاسارە، کێ ژییێ؟ مەل ناهروو تەریکی یا دەلیاێ بێ‌لێوار بێ‌دەنگی؟ ! ++++++++++++++++++++++ سەرناو: ( خەوەژی ) سەبارەت: نووسین: ئاوات مۆنگ چواردە... ئای! ئەژ خەو ئەڵواڕکیاینە گوڵ بەرەفتاو؟ ! ++++++++++++++++++++++ سەرناو: ( چراخ ) سەبارەت: نووسین: ئاوات ڤەر مردەلە یا ڤەر زنەل چراخ ئەڵگرسیاێەێ ناو گووڕسۆ؟ ! ++++++++++++++++++++++ سەرناو: ( چەم ) سەبارەت: نووسین: ئاوات چەم، ڕازانەێکە بەێت‌ئەڵوەسەکەێ، کانی ++++++++++++++++++++++ سەرناو: ( بەختەڤەری ) سەبارەت: نووسین: ئاوات ــ ئەژ کوم لا ئڵاێ بەختەڤەری؟ ــ ئەژ ئەۊ لاێ ک چەمەڕا نیید. ++++++++++++++++++++++ سەرناو: ( دما لاپەڕە ) سەبارەت: نووسین: ئاوات مەرگ، خوەنن دما لاپەڕەێ کتاوێکە تا دەس بکەرییە خوەنن کتاوێ تر! ++++++++++++++++++++++ سەرناو: ( تۊم ) سەبارەت: نووسین: ئاوات چە گۆوار کرد ئەڵ یەکمین تۊم ک باڵا کرد ئەژ قیلی ڤەرەۊ ڕووژنا؟ ! ++++++++++++++++++++++ سەرناو: ( خوەنستن ) سەبارەت: نووسین: ئاوات خۆنمەێ بێ هۊچ کڕ و نیسەنەێ، بەێبوونێک ئسپێ ++++++++++++++++++++++ سەرناو: ( بۊەش ) سەبارەت: نووسین: ئاوات ڤە چەن وشەێ ڕەنگ و بوو و دڕک چ بۊەش نازارێکە گوڵ! ++++++++++++++++++++++ سەرناو: ( هەر ئازەێ پڵمژکیا! ) سەبارەت: نووسین: ئاوات پژک ئسپێ م ئاهـ ئەڵنەکێشیاێە، پڵمژیا ـــ دۆنێ بەرف بی! ++++++++++++++++++++++ سەرناو: ( زاڕوویی ) سەبارەت: نووسین: ئاوات ئەڵ پەل دارەکە چەن زەردەبەێ، چەۊەڕێین باڵا بکەرێ زاڕووییم ++++++++++++++++++++++ سەرناو: ( ململانێ ) سەبارەت: نووسین: ئاوات هەن قەتار بەسان باێەگێژەیش دە ڤەراوەرۆ کپێ ـــ گوڵەیل کۊستان ++++++++++++++++++++++ سەرناو: ( بەێداخ خین ) سەبارەت: نووسین: ئاوات بەێداخ خین ئەڵداێە نە گەرد ئاسمۆ چنە دێ، نە زەمی تەێل دڕکدار ++++++++++++++++++++++ سەرناو: ( لیکە ) سەبارەت: نووسین: ئاوات چەن بەڵگ دار، ڤە هناسەێ سەردم ڕزیا؟ ! چەن گول گەنم، ڤە زەردەخەنەم جیک دا؟ ! ++++++++++++++++++++++ سەرناو: ( پەپی سۊرە ) سەبارەت: نووسین: ئاوات ناهەڵمۆنە شێڤیا بێ‌دەنگییەکەێ هۊــ تلێ: پەپی سۊرەێ نیشت ++++++++++++++++++++++ سەرناو: ( چیرووک خەمبارانە ) سەبارەت: نووسین: ئاوات دڵێ ئشکیا؛ باێ ئەڵکرد و ئاسارە جڕیا ++++++++++++++++++++++ سەرناو: ( فرەزۆنا ) سەبارەت: نووسین: ئاوات ئەۊڕەسیم ک نەێزۆنم؛ ئێمکە نزیک‌تر بیمە ڤەت فرەزۆناێ گەپ ++++++++++++++++++++++ سەرناو: ( ڤێ لێڤە ) سەبارەت: نووسین: ئاوات ناو یە 'ڤێ' و ئەڤەێتریش 'ڤارۆ' ناوت چەو 'ڤێیەکەێ قاو شووڕکردەێ ژێر ڤارۆ'؟ ++++++++++++++++++++++ سەرناو: ( گوم‌بییە ) سەبارەت: نووسین: ئاوات جاێ تر منەی نەکە؛ ئەر دە ناخ دڵت نەدینەێ ئەۊدی نێیەو دەێ ++++++++++++++++++++++ سەرناو: ( ئاواختەل ) سەبارەت: نووسین: ئاوات ئاواختەل وەچە ڕێ کەرنەۊ دی دە تەریکی؟ ! ++++++++++++++++++++++ سەرناو: ( یەکڵەدار و دارسان ) سەبارەت: نووسین: ئاوات یەکڵەدارێ، پا داێە گەز دە وەراوەر تووفان دارسانێ، مل خوەێ چەمانێیە ئەڕا تەوەر! ++++++++++++++++++++++ سەرناو: ( هەلوورک ) سەبارەت: نووسین: ئاوات گرمەێ تووپ و تانک... هەلوورکێ لە چوو ئەرخەوان تەڕ ئێرنگە تەرم سوور یەێ کوورپە ++++++++++++++++++++++ سەرناو: ( ناو ) سەبارەت: نووسین: ئاوات هزار ڕەنگ و یەێ ناو: بەڵگەل پایزی ++++++++++++++++++++++ سەرناو: ( قڕ ) سەبارەت: نووسین: ئاوات خین هزار دار ڕشیاێە دە لار یەێ پەڕە قاقەز ++++++++++++++++++++++ سەرناو: ( پاییز پڵە ) سەبارەت: نووسین: ئاوات پاییز پڵە... قیل‌تر ئەژ دەروەنەیل بێ‌بن پەژارەێ کووچبار ++++++++++++++++++++++ سەرناو: ( تەنیای ) سەبارەت: نووسین: ئاوات شەۊ بەرفین... هۊچ ڕێوارێ دیار نییە بێجەژ من و مۆنگ ++++++++++++++++++++++ سەرناو: ( ویرووشە ) سەبارەت: نووسین: ئاوات دماێ ڤارۆ بووخوەش ئەزبووە کۊیی ـــ ئەی! زاڕوو‌ییم گل‌ئاورد ++++++++++++++++++++++ سەرناو: ( مەتەڵ ) سەبارەت: نووسین: ئاوات لیلەێ گورگ: تەنیا مۆنگ دیارەۊ تەنیایی ++++++++++++++++++++++ سەرناو: ( هڕبکیش ) سەبارەت: نووسین: ئاوات ئەێ باێ! دەس ئەڵگر ئەژ پەڕەێ گوڵ بەردێ ژە جاکەێ ئەڵکەن ++++++++++++++++++++++ سەرناو: ( مەلیچک زەردە ) سەبارەت: نووسین: ئاوات مەلیچک زەردەێ باڵ گرێ، نیشێ ئەڵسەر دڵم پەژارەێ ++++++++++++++++++++++ سەرناو: ( ڕێ ) سەبارەت: نووسین: ئاوات ڕێی دیرێ... ڤە سەر خوەێ ڕامۆ دنێ ڕەنج ++++++++++++++++++++++ سەرناو: ( ڕۆمان ) سەبارەت: نووسین: ئاوات هەر تاڵ میی ئسپێ کڕێ ئەژ ڕۆمان نەنیسیاێەێ ـــ نەنک! ++++++++++++++++++++++ سەرناو: ( پەنابەر ) سەبارەت: نووسین: ئاوات ئەژ گاڵەگاڵ پەنا ئاوردمەۊ هەڵبەس ـــ ئەژ خوەم ڤە کوو پەنا بەرم؟ ++++++++++++++++++++++ سەرناو: (دەنگدانەوە ) سەبارەت: نووسین: ئاوات دەنگ سەێرە... ئاخ! ئەگەر چیاێک بیاتام ئەڵ ڤەراوەرێ منیش دچڕیم ++++++++++++++++++++++ سەرناو: ( لێڵە ) سەبارەت: نووسین: ئاوات لێڵەێ پایزە... دە ئی سەردەم بێ زەردەخەنە ئەڵکەفتێکە مۆنگ یەکشەۊە ++++++++++++++++++++++ سەرناو: ( ئەژ ناو تەم ) سەبارەت: نووسین: ئاوات ڤیرمانێ دیر... ئاخرێ سۊرەگوڵەل کردەۊ دی پەرپریک ئەژ ناو تەم ++++++++++++++++++++++ سەرناو: ( دڵنیایی ) سەبارەت: نووسین: ئاوات تا مۆنگ نەچیمە؛ دڵنیام ئەمان ک دەۊرەیش 'تەنیایی' سەنگێ قورسە ++++++++++++++++++++++ سەرناو: ( باێ ) سەبارەت: نووسین: ئاوات گژەگژ باێ... چەن بەڵگ زەرد و سۊر ئاوردێیەۊ ڤیرمۆنێ دیر! ++++++++++++++++++++++ سەرناو: ( ئەزرەتمەن ) سەبارەت: نووسین: ئاوات گوڵ کەڵمەس! نەێڤەشی ک پایزەل ئەزرەتمەن چەی؟ ++++++++++++++++++++++ سەرناو: ( شەڕ ) سەبارەت: نووسین: ئاوات ئەڵ دەفتەرڤێنەێ زاروو هاڵێم فڕووکە و تانک و تفەنگ ـــ شەڕێ ترەک هە ئەڵ ڕێ ++++++++++++++++++++++ سەرناو: ( قەپێ بەرف ) سەبارەت: نووسین: ئاوات خاکەلێوە... تەنیا قەپێ بەرف مەنێیە ئەژەۊ هەمکە سەختییە ++++++++++++++++++++++ سەرناو: ( دماێ کووچ ) سەبارەت: نووسین: ئاوات شەۊەکینێ بێ باێ کەفتێیە لەرە، لار ئسپێدار دماێ کووچ پەلەوەرەیل ++++++++++++++++++++++ سەرناو: ( هیلە ) سەبارەت: نووسین: ئاوات کەمەر ــ دەنگ‌کەرە... هیلەهیل مهۆنێ ئسپێ ڤە پرتاف دێیاێ ++++++++++++++++++++++ سەرناو: ( سەردەباێ ) سەبارەت: نووسین: ئاوات تەنیا گڕێ بی هەنێ سەردەباێ ئەڵکرد: گرد ئەۊ سەرهاتە ++++++++++++++++++++++ سەرناو: ( تاریکەڵان ) سەبارەت: نووسین: ئاوات چەن چراێ ترەک، گرەک بگریسنم تا بۊیینم 'وژ' دە تاریکستان 'خوەم'؟ ++++++++++++++++++++++ سەرناو: ( خین ئەنار ) سەبارەت: نووسین: ئاوات یەکڵە ئەنارێ ئەڵ ژێر هڕشت پایزەێ ـــ دڵ تەنیاێ کێیە؟ ++++++++++++++++++++++ سەرناو: ( چووڵ‌هووڵ ) سەبارەت: نووسین: ئاوات دنیاێ چووڵ‌هووڵ... هەرلا دچم، عەترت ها دەۊرە ئاخ! گوڵە نادیارەکە ++++++++++++++++++++++ سەرناو: ( دیمەن ) سەبارەت: نووسین: ئاوات دیمەن دڵفرێڤێ... ئەێ چەم، نەڤووس ڤە فێرێ ک مری! ++++++++++++++++++++++ سەرناو: ( ئاسارە ) سەبارەت: نووسین: ئاوات تریسکەێ ئاسارەێ؛ ڕووشن کەرێ ئێمکەم یاد فرە دیرێ ++++++++++++++++++++++ سەرناو: ( بێ‌ناو ) سەبارەت: نووسین: ئاوات ــ ئێڤەیش ک نەڤن، بێ‌ناو ئەڵکەرێمن. باێەل ڤتن ++++++++++++++++++++++ سەرناو: ( پرس ) سەبارەت: نووسین: ئاوات پرسەێ دۊتڵە؛ گژکەل زەردەخەنەێ کەفتنە بەۊیلە پەڕوویینە ++++++++++++++++++++++ سەرناو: ( دماێ مەرگ ) سەبارەت: نووسین: ئاوات فێر کە... ! دماێ مەرگم، شکووفەێ ئەڵسەر ڕێ ++++++++++++++++++++++ سەرناو: ( سەرکەفتن ) سەبارەت: نووسین: ئاوات باێەڕووە کپیا... کلک سەرکەفتن بڵۊ کردنە دۊ گول گیاێ بتەۊ ++++++++++++++++++++++ سەرناو: ( دمایین قسە ) سەبارەت: نووسین: ئاوات کێ دمایین قسە کەرێ دە وتووێژەکەێ ناون من و خوەم؟ ! ++++++++++++++++++++++ سەرناو: ( خەم و تەم ) سەبارەت: نووسین: ئاوات دما، خەم نووایش تەم ـــ تەنیا دڵم ددی! ++++++++++++++++++++++ سەرناو: ( شەش لا ) سەبارەت: نووسین: ئاوات ــ گوم‌بییەکەم هە کوورا؟ ! ــ دەۊرە ک ئاگربەرەکەل، گیرساننە هەر شەش لا ++++++++++++++++++++++ سەرناو: ( دەسەل ئەسرین! ) سەبارەت: نووسین: ئاوات وێنەکێش کارامە زەردەخەنەێ گەل ڤەێ نەکێشیا دەس‌ئەڵنا ڤە گرێڤە! ++++++++++++++++++++++ سەرناو: ( هس! ) سەبارەت: نووسین: ئاوات هس... ! ئەڵ ڕزگ دماین ئی هایکۆوە خەوسێیە شاپەریکێ ++++++++++++++++++++++ سەرناو: ( گوڵ هێروو ) سەبارەت: نووسین: ئاوات هێروو ئەرخەڤانی... تا ناخ گیۆنم ژێرڕوو کردم، نەڤی هیچ، بێجەژ 'ئاهـ! ' ++++++++++++++++++++++ سەرناو: ( ڕووسەم ) سەبارەت: نووسین: ئاوات ڕووسەم نهات‌گرتە! ڤڵگ پلکیاێە دە خین سۊراو چەۊ ئسپەنیارەکەێ تنە ++++++++++++++++++++++ سەرناو: ( ئاڵووزی ) سەبارەت: نووسین: ئاوات دنیاێ ئاڵووز... یە هەێ ئەۊ خێیاڵ ڕەنگینەسەو دە ماڵ‌زاروو دیمەێ؟ ! ++++++++++++++++++++++ سەرناو: ( ڕەنگ ) سەبارەت: نووسین: ئاوات ــ هۆهۆ کزەباێ، وەگەرد ئی هەمکە ڕەنگ پایزە چە کەری؟ ــ تابڵەو 'تەنیاییەکەێ گەپ' کێشم. ++++++++++++++++++++++ سەرناو: ( کەشتی ) سەبارەت: نووسین: ئاوات ئەر ئشق، کەشتیڤانە کەشتیی تووفانەکەێ خوەت بوو ++++++++++++++++++++++ سەرناو: ( ماڵەکەێ دووس ) سەبارەت: نووسین: ئاوات ــ کووە مەچین، ڤەی تەورە بێ ئاگر و چرا؟ ! ــ دۊرتر ئەژ وژ... ماڵەکەێ دووس... نادیارا. ++++++++++++++++++++++ سەرناو: ( ناونیشان ) سەبارەت: نووسین: ئاوات ستار، ناو ڤڵاتێکە ڤەۊلاێ خاس و خراو ++++++++++++++++++++++ سەرناو: ( ساووڵ ) سەبارەت: نووسین: ئاوات ــ ئەۊ ساووڵ سامدارە کێیە؟ ــ ساێ من بێ‌خوەم. ++++++++++++++++++++++ سەرناو: ( ئەسر ) سەبارەت: نووسین: ئاوات گوورەمێی دەسچنێ ئەژ داێاپیرەێ فرووشیارێ سینم ـــ ئەڵ بەنەلەێ، چەنێ ئەسر؟ ++++++++++++++++++++++ سەرناو: ( هووفەێ باێ ) سەبارەت: نووسین: ئاوات ئاخ! گوڵدەمەل... ک باێ دەس کردە هووفە، زۆنسم ئەڤەێ گرەک ++++++++++++++++++++++ سەرناو: ( هۊچ ) سەبارەت: نووسین: ئاوات حەح! چ گەپە ئەۊ 'هۊچ'ـە، ک دنیا ئەژەێ سازیا ++++++++++++++++++++++ سەرناو: ( ماڵبار ) سەبارەت: نووسین: ئاوات بار کردن بەڵگ و پەلەڤەرەل، ئەژی ڤەرزە باێ مەنێیە... تەنیا باێ ++++++++++++++++++++++ سەرناو: ( پلوور ) سەبارەت: نووسین: ئاوات گووشم ڤە پلوور؛ ها بلوورەکەێ مەژەنێ ئیسە دووارە ڤاران ++++++++++++++++++++++ سەرناو: ( سۊرەگوڵ ) سەبارەت: نووسین: ئاوات ئاگادارم کە ئەژ هەڤاڵەل دە ژێر خاک خەویاێە، سۊرەگوڵەکە! ++++++++++++++++++++++ سەرناو: ( هەواڵ ) سەبارەت: نووسین: ئاوات شووڕشێ هە ئەڵ ڕێ: دخوازێ بووە ئەۊر تەڕێ کەنیلک ++++++++++++++++++++++ سەرناو: ( ڤەرچە ) سەبارەت: نووسین: ئاوات ڤەرچە پەژارەل پایزەل گوڵ کەرن؟ ! ++++++++++++++++++++++ سەرناو: ( دماێ چەن ساڵ دیری ) سەبارەت: نووسین: ئاوات ــ 'بێ بەرف، نەژناسیمەت! ' ڤتمە کەۊر کۊ ++++++++++++++++++++++ سەرناو: ( پشمە ) سەبارەت: نووسین: ئاوات پشمەێ لاسار؛ ئەڵ کووڵەکەێ کووشک دێرین تلیشێ تر! ++++++++++++++++++++++ سەرناو: ( یەکڵەدار ) سەبارەت: نووسین: ئاوات یەکڵەدارێ خەمبار ئەژ دیریی ڤارۆ تابووت خوەێە! ++++++++++++++++++++++ سەرناو: ( شاپەریک ) سەبارەت: نووسین: ئاوات شاپەریک! بنیشنەم ئەڵسەر باڵت و بەرەم تا ڕووژنای ++++++++++++++++++++++ سەرناو: ( هاڵێ ) سەبارەت: نووسین: ئاوات دما پرتەێ چرا... هاڵێ ڕێیەکەم ڕووشن کەرێ ڤیرێ ++++++++++++++++++++++ سەرناو: ( پەڵنگ ) سەبارەت: نووسین: ئاوات مۆنگەکە! نەچی ئەۊ نوواتر هۆ! ـــ پەڵنگێ کوڵ گرتێیە ++++++++++++++++++++++ سەرناو: ( تا چکەڵی ) سەبارەت: نووسین: ئاوات تا بەرف ئاکوو ڤە دڵەۊ مێیا بچین پا چ کارەو؟ ! ++++++++++++++++++++++ سەرناو: ( کاڵە ) سەبارەت: نووسین: ئاوات شیپەێ کاڵە دا ئەۊدەر ئەژ ناو تەم ـــ ڤیرمۆنێ دیر ++++++++++++++++++++++ سەرناو: ( کەێ؟ ) سەبارەت: نووسین: ئاوات کەێ کپێ ئی باێە ک دەرێکەم ئگەرد خوەێ ڤەرز ڤە ڤەرز؟ ++++++++++++++++++++++ سەرناو: ( تەنیاییم ) سەبارەت: نووسین: ئاوات 'تەنیایی'ـیم نیمەچڵنگ نییە تاهەێ ـــ گل‌گلیش مۆنگ پڕە ++++++++++++++++++++++ سەرناو: ( ئەر ) سەبارەت: نووسین: ئاوات بەرزەهەوایلە؛ ئەر باێ کەمێ تن‌تر ئەڵکردا دڕەسەنەم ڤە مانگ ++++++++++++++++++++++ سەرناو: ( ناپاک ) سەبارەت: نووسین: ئاوات تەڤەرێ ڤە زەڤەرد ئەڵ دارێ دا ـــ ماچ یەهوودا ++++++++++++++++++++++ سەرناو: ( ڕێگەێ دیر ) سەبارەت: نووسین: ئاوات هاڕەێ گڵاڵ: ڕێڤارەل ڕێگەێ دیر پا ئەڵگرن! ++++++++++++++++++++++ سەرناو: ( هەڕەشە ) سەبارەت: نووسین: ئاوات ــ کام وەرزا زووردارترە؟ ــ پەژارە! ++++++++++++++++++++++ سەرناو: (بڵێزە) سەبارەت: نووسین: ئاوات بڵێزەێ ئەڵەۊ دیرە دە ژێر ڤارۆ، سەێلێ کەرم چەنە دڵگەرمییێ ++++++++++++++++++++++ سەرناو: ( پاشمەنە ) سەبارەت: نووسین: ئاوات کووچ پایزە... خەمبارترین پاشمەنە ئەنار زەمدارێ ++++++++++++++++++++++ سەرناو: ( قڕان ) سەبارەت: نووسین: ئاوات ــ ئڕا وا هشک دە خۊنە؟ ! ــ لە وڵات ئاوەختەیل ئیمە وێیەرد. ++++++++++++++++++++++ سەرناو: ( ئاواز ئەڤین ) سەبارەت: نووسین: ئاوات دونیا، دڵ گەپێکە هەر یەک ئەژ ئێمە، ڕپەێ ++++++++++++++++++++++ سەرناو: ( دیرتر و نزیک‌تر ) سەبارەت: نووسین: ئاوات هەرچێ ئەژ 'م' دیرتر کەفم، ڤە 'خوەم' نزیک‌ترم! ++++++++++++++++++++++ سەرناو: ( دە بن تەریکی ) سەبارەت: نووسین: ئاوات بڵاچەێ... خوەم گڕێ کردمەۊ دی دە بن تەریکی ++++++++++++++++++++++ سەرناو: ( ژین ) سەبارەت: نووسین: ئاوات ژین، پرتووکێکە ڤە پێنڤیس ڕەنج دنیسێ ++++++++++++++++++++++ سەرناو: ( یاێ و باێ ) سەبارەت: نووسین: ئاوات دنیا، بێ عەتر: نە یاێ دێیاێ و نە باێ ++++++++++++++++++++++ سەرناو: ( گەردوون ) سەبارەت: نووسین: ئاوات ئەڵ بەرزیی تەنیایی؛ ئێمکە گەردوون کوو بییە دەی 'ئاهـ'ـمە ++++++++++++++++++++++ سەرناو: ( پەژارەێ ئەۊر ) سەبارەت: نووسین: ئاوات خوڕەێ چەم پاشمەنەێ پەژارەێ ئەۊرە یا تاسەێ دەریاو؟ ++++++++++++++++++++++ سەرناو: ( لاکیچە ) سەبارەت: نووسین: ئاوات ــ ناو چووڵ‌ترین لاکیچە چەو؟ ــ ڤڵات گەپ بێ‌دەنگی! ++++++++++++++++++++++ سەرناو: ( دار سێف ) سەبارەت: نووسین: ئاوات لەفاوێک خاپوور‌کەر... ئەڵ پەل‌وپوو ئشکیاێەێ دار سێفەکە گوڵدەمەل، تەڕوتازە! ++++++++++++++++++++++ سەرناو: ( ئەسر و لەۊەخەنە ) سەبارەت: نووسین: ئاوات ئەڵەۊ ئاسوو دیرە نە ئەۊرێ دیارە دەێ، نە مۆنگ ـــ ئای! ئەسر و لەۊەخەنەێ زی‌تر ++++++++++++++++++++++ سەرناو: ( سووسەن ) سەبارەت: نووسین: ئاوات سووسەن گوڵێ دەس دەرم و ئای! نەێچنمەێ عەترەکەێ، زەردەخەنەێک ++++++++++++++++++++++ سەرناو: ( کوورا؟ ) سەبارەت: نووسین: ئاوات بەرف ئەڵسەر بەرف بێ‌دەنگی ئەڵ‌دم بێ‌دەنگی ـــ ئەرێ هاێمنە کوورا؟ ! ++++++++++++++++++++++ سەرناو: ( ژین‌تیەڵی ) سەبارەت: نووسین: ئاوات ــ بێ مانگ، شەو چ پەژارەێ بێ‌بنێکە! ــ ئەرێ... هەر زام 'تەنیایی'، دارسان چڕێکە. ++++++++++++++++++++++ سەرناو: ( پەژارەێ جەهان ) سەبارەت: نووسین: ئاوات ــ پەژارەێ جەهان ئەژ کوو دەس‌ئەڵنا؟ ــ ئوورە ک خین سۊرەگوڵ ڕژیا. ++++++++++++++++++++++ سەرناو: ( ئافرێنەر ) سەبارەت: نووسین: ئاوات ئەڤی ئافرێنەر و ئێمە باڵڤەسەێ ئازاد ئەۊ: کات ++++++++++++++++++++++ سەرناو: ( کزەێ ڤا ) سەبارەت: نووسین: ئاوات کزەێ ڤا دیم هەنێ ها دگواریا ئەژ دەرڤەن ئەرخەڤان ++++++++++++++++++++++ سەرناو: ( باێ شەماڵ ) سەبارەت: نووسین: ئاوات دووڵ مین‌ڕێژ... مل ڕێیەکەێ هەل کەرێ باێ شەماڵ ++++++++++++++++++++++ سەرناو: ( قازقوڵنگ ) سەبارەت: نووسین: ئاوات کەژێ تەماوی... ئگەرد دەسەێ قازقوڵنگەل باڵەۊ گرێ 'ئاهـ! ' ++++++++++++++++++++++ سەرناو: ( پەپی ) سەبارەت: نووسین: ئاوات پەپییەکە چی مەنێیە، دە بووخوەش مێخەکەلە هاڵێ نەرمیی باڵێ ++++++++++++++++++++++ سەرناو: ( پیرەدار ) سەبارەت: نووسین: ئاوات پیرەدار تاق و تەنیا، دە لێڤار کەن قیلێ ـــ باێ دما همڕازێیە ++++++++++++++++++++++ سەرناو: ( پەلەڕێ ) سەبارەت: نووسین: ئاوات ئەۊگرتن ڕفت ڤهار؛ ئەژ هزار پەلەڕێی بریقەکەر چڕێکەم بنار ++++++++++++++++++++++ سەرناو: ( کپووکرەک ) سەبارەت: نووسین: ئاوات کووکووکەرە و کۊ ڕی‌ڤەڕی یەکتر: کوو، کوو… کوو، کوو ئەژ یەک چە دپرسن؟ ! ++++++++++++++++++++++ سەرناو: ( خێیاڵ ) سەبارەت: نووسین: ئاوات خێیاڵێک مناڵ، دەی سەردەم شلووقە دەسێ ڤەرد نەێم ++++++++++++++++++++++ سەرناو: ( شەۊ ) سەبارەت: نووسین: ئاوات 'شەۊ'، ساێ کێیە؟ ! ++++++++++++++++++++++ سەرناو: ( ئازیەتبار ) سەبارەت: نووسین: ئاوات ــ کەلەواێ گوڵ‌وشکن ئەڕا نات؟ ! ــ ئازیەتبار باڵنەیل کووچەرن هێمان، دارسان و ئاسمان. ++++++++++++++++++++++ سەرناو: ( پەلام ) سەبارەت: نووسین: ئاوات ئەژ هێرش دژمن پەنا بەرمەۊ سەنگەر ـــ ئەژ خوەم ڤە کوورا؟ ++++++++++++++++++++++ سەرناو: ( زامدار ) سەبارەت: نووسین: ئاوات شاپەریکێ زامدار... تاریکەشەو دڵخوەش دچم تا ڕووژنای، ئەڵس‌بڕم ++++++++++++++++++++++ سەرناو: ( دما پێچ ) سەبارەت: نووسین: ئاوات ئەڵ دما پێچ ئاهەڕا مردنیش ڤە هناسەبڕکێ مەنە جا ئەژ کاروان گەریلا ++++++++++++++++++++++ سەرناو: ( تفەنگ ) سەبارەت: نووسین: ئاوات ئەژ جاسووسەێ تفەنگ گوت کردنە ئەڵ بنار قەندیل، سەربازەل شەکەت ++++++++++++++++++++++ سەرناو: ( ئەڵسیاێن ) سەبارەت: نووسین: ئاوات ئگەرد شنۆ ئەڵسن گژ و گیایلێ ک چەمیاوین دە ژێر چەکمەێ سەرباز ++++++++++++++++++++++ سەرناو: ( تیلەڕێ ) سەبارەت: نووسین: ئاوات تاکەگلێ مۆنگ ملەتەتکی کەرێ ئەژ ناو تەم ـــ پەڕ تیلەڕێیەکە، مین‌ڕێژ ++++++++++++++++++++++ سەرناو: ( سەدەێ جەنگ ) سەبارەت: نووسین: ئاوات کڕکەڕ زەنجیر تانک ـــ مردەیلیش دە بن خاک خەوەژی بینە! ++++++++++++++++++++++ سەرناو: ( بوو بارووت ) سەبارەت: نووسین: ئاوات مێیا چەن ساڵ بڤارێ تا بوو بارووت ئەژەێ بسڕێ ڕووژهەڵات ناوڕاس؟ ++++++++++++++++++++++ سەرناو: ( بەندیخانە ) سەبارەت: نووسین: ئاوات قازقوڵنگەل کل دوون ئەژ ئاسمۆن بەندیخانە ئگەرد هناسەێ سەرد دیلێ ++++++++++++++++++++++ سەرناو: ( تاوان ) سەبارەت: نووسین: ئاوات باێ: 'ئی هەمکە ڕەنگ پایزە، تاوانەل منن؟ ' بەڵگ: 'نە! ... بێ‌تاوانیی منن. ' ++++++++++++++++++++++ سەرناو: ( مزگانا ) سەبارەت: نووسین: ئاوات هەن پایزەپڵە؛ کێ ڤە گیا مزگانا دا ک نووڤهارە؟ ! ++++++++++++++++++++++ سەرناو: ( هەناز ) سەبارەت: نووسین: ئاوات ــ ماڵەکەێ 'هەرمان' هە کوو؟ ــ گڕێ هەناس ئازاد ++++++++++++++++++++++ سەرناو: ( ئەوانەێ ک دە وەراوەر مەرگ وسان ) سەبارەت: نووسین: ئاوات وتن 'نە! ' و لە خۊن خوەێان گەوزە کردن ـــ تا ئەوین، هەراێهەر بوو ++++++++++++++++++++++ سەرناو: ( دەرد دەۊران ) سەبارەت: نووسین: ئاوات ــ کێ ئەۊڕەسییە ئەژ دەرد دەۊران؟ ــ دەردەدارێ ک نەڤای ژە دەرد و داخان. ++++++++++++++++++++++ سەرناو: ( کەلگە خراوە ) سەبارەت: نووسین: ئاوات هەر گل ک ئەژ نوو بنیا دنم ئەۊدماێ خوەم کەلاوەێ هێلم ئەژ خوەم؛ تەنیا زەردەوا ئەۊڕەسێ ئەژەم ++++++++++++++++++++++ سەرناو: ( ڤایین ) سەبارەت: نووسین: ئاوات باێ ڤت: ئەرێ ئەژ تاو خوەم بڤامە کوورا؟ ! ++++++++++++++++++++++ سەرناو: ( بزەخەنە ) سەبارەت: نووسین: ئاوات جەنگێ ها دە ڕێ... بزەخەنەێ دۊ سەرکوومار مزگۆنا دا! ++++++++++++++++++++++ سەرناو: ( وشەیل وارانی ) سەبارەت: نووسین: ئاوات بۊیش دڵ‌پەرێشان پەژارەێ گەل، وەێ ئەڵنەوەسیا گشت وشەیلەێ بینە واران ++++++++++++++++++++++ سەرناو: ( لف ) سەبارەت: نووسین: ئاوات ــ لف کاکەشانەیل کێیە؟ ــ خێیاڵ بەێت‌ئەڵوەس ++++++++++++++++++++++ سەرناو: ( بەرد و باێ ) سەبارەت: نووسین: ئاوات ڤت 'ئێرە پەرتەخ خێیاڵە' بەرد باێ ڤە چەۊ پرتەننێ، ئەژەێ وێیەرد ++++++++++++++++++++++ سەرناو: ( پەشێڤی ) سەبارەت: نووسین: ئاوات ــ پەرێشان بکەرم زڵف پەژارەت؟ ــ دووییە بەردێ، باێ! ++++++++++++++++++++++ سەرناو: ( ڤهار ) سەبارەت: نووسین: ئاوات ــ ڤهار کێیە؟ ــ ئەڤەێ ک نەتە، چی ++++++++++++++++++++++ سەرناو: ( خشەێ بەڵگ ) سەبارەت: نووسین: ئاوات بەڵگ دەم با! گەورا‌ترین پێشهات ئەژ یەۊ دما خشپەێ ژێر پا ++++++++++++++++++++++ سەرناو: ( ڤە منەی گوڵ ) سەبارەت: نووسین: ئاوات هاڵێم ڤە منەی گوڵێ گرێڤم ک باێ ئگەرد زارووییم بردەێ ـــ شاپەریکەل، ئێڤە نەینەێ؟ ++++++++++++++++++++++ سەرناو: ( سەوزەڵانی ) سەبارەت: نووسین: ئاوات سەوزەڵانییەکەێ پاێمان کەش... ڕەوک ئەسپەیل وەرەو هەرلا ڕەو بکەن وە خێیاڵەیل زارووییم ڕەسن ++++++++++++++++++++++ سەرناو: ( تریفەێ ئێش ) سەبارەت: نووسین: ئاوات ئێش دڕکێ دە تاریکیی ڕێ نییە چراخ گرشەدارێکە! ++++++++++++++++++++++ سەرناو: ( ڕزگاری ) سەبارەت: نووسین: ئاوات ــ کەێ خوەت ئەژ سەردەم گەن، ڕزگار کردی؟ ــ هەێک ڤە خوەم ڤتم: 'زڕگێژنووک، شیرین‌ترە ئەژ بن‌دەسی. ' ++++++++++++++++++++++ سەرناو: ( وەرگری ) سەبارەت: نووسین: ئاوات ــ ها چە کەری 'مەجنوون'؟ ! ــ کەڵەکچن دڵ ک ئەقڵ، تیش هرووم بردنە ++++++++++++++++++++++ سەرناو: ( گلینەێ هەڵبەس ) سەبارەت: نووسین: ئاوات چ نزیکە! لەناو گلینەێ چاوەیل هەڵبەس دۊرترین خێیاڵ ++++++++++++++++++++++ سەرناو: ( دەسڕ ) سەبارەت: نووسین: ئاوات کام دەسڕ تەپ‌تووز تەنیایی سڕێ؟ ! ++++++++++++++++++++++ سەرناو: ( پەڕ سۊر ) سەبارەت: نووسین: ئاوات مەل پەڕ سۊرێ ئەفڕێ و ئەچڕێ، دڵ منیش نەپووڕە گەرد قەفەس ++++++++++++++++++++++ سەرناو: ( چمەێت‌ئەڵگر ) سەبارەت: نووسین: ئاوات چمەێتکێ هە ڤە دەسێ تا گڕە بنێ ئەژ هەرچی ئازادییە: پەێکەر ئازادی! ++++++++++++++++++++++ سەرناو: ( گریمانەێ وەدی هاتن جەهان ) سەبارەت: نووسین: ئاوات 'هەبوون'، ماچ ئەڤینە ئەڵ تێوڵ 'نەبوون' ++++++++++++++++++++++ سەرناو: ( ئازا و خوەشاڵی ) سەبارەت: نووسین: ئاوات ــ م بەردم و سەنگینم ئەڵ جاكەێ خوەم... ئێڤە کێین؟ ــ شنە و خێیاڵ و چەم... یەێ‌مجۊ دچێم، تا بمینێمن ++++++++++++++++++++++ سەرناو: ( سەردەم سەرد ) سەبارەت: نووسین: ئاوات سەردەمێ سەرد... کێ ڕپەێ گەرم دڵێ نەفرۊتێیە ڤە حەقدەس مانگانەێ؟ ! ++++++++++++++++++++++ سەرناو: ( باڵەل ) سەبارەت: نووسین: ئاوات دۊ باڵ یەێ 'فڕگرتن'ـێم من و تۊ، ئێمە و ئانی ـــ تا ئازادی ++++++++++++++++++++++ سەرناو: ( فیشکە ) سەبارەت: نووسین: ئاوات کۊ، فیشکەێ کام کانییە؟ ++++++++++++++++++++++ سەرناو: ( پریسکە ) سەبارەت: نووسین: ئاوات گرد گەردوون، پریسکەێکە ئەژ بڵووزەێ نادیار و تاهەێ ڕووشنێ ++++++++++++++++++++++ سەرناو: ( ژین و مەرگ ) سەبارەت: نووسین: ئاوات ژین، ماژەیل فرەێ دێرێ مەرگ، یەکێ ++++++++++++++++++++++ سەرناو: ( ئاواتێگ ) سەبارەت: نووسین: ئاوات وەرجە گشت باڵندەیل ئاواتێگ، باڵا کردێیە تا ئاسمان: کۊەسان ++++++++++++++++++++++ سەرناو: ( گڕ ) سەبارەت: نووسین: ئاوات 'گڕ'، قرم‌قاڵە تەنیا ئەمان، چریکەێ بێ‌دەنگییە 'هەرمان' ++++++++++++++++++++++ سەرناو: ( تا کوو؟ ) سەبارەت: نووسین: ئاوات ــ ژیان، شکووفەێکە و مردنیش، شنەشن کزەێ. ــ عەترەکەێ تا کوو دەرێ؟ ++++++++++++++++++++++ سەرناو: ( گوڵ بێ‌ناو ) سەبارەت: نووسین: ئاوات ئەڵ دیرترین ئاسارەیش ناو دنێمن، ئەمان هەرگز نەێشنەۊێمن قیژەێ گوڵێ بێ‌ناو دە ژێر پامۆ! ++++++++++++++++++++++ سەرناو: ( مەۊدا ) سەبارەت: نووسین: ئاوات مەۊداێ ک ڤە چەۊ، کەم دیارە ڤە دڵ، فرەو ++++++++++++++++++++++ سەرناو: ( دروو ) سەبارەت: نووسین: ئاوات بەدماژەتر دووێ هەرچێ خوەێ فرەتر ئەڕازنێ ـــ دروو ++++++++++++++++++++++ سەرناو: ( خوداڕەیشتە ) سەبارەت: نووسین: ئاوات ــ کێ خوداڕەیشتەترینە؟ ــ ڕاسی ++++++++++++++++++++++ سەرناو: ( وشەیل ) سەبارەت: نووسین: ئاوات وشەیل، خێیاڵەیل بەردینن دە نام دەسەیل بڤەش، گوڵ کەن ++++++++++++++++++++++ سەرناو: ( پێیاڵە ) سەبارەت: نووسین: ئاوات ئشق، دەریاو دڵ ئێمە، پێیاڵە کوچکڵەێ ++++++++++++++++++++++ سەرناو: ( وەگەرد باێ ) سەبارەت: نووسین: ئاوات باڵفڕنەک ڤت: ئاوەختێکم ڤە دەس زاڕووێ وەگەرد باێ، تا مانگ دچم ++++++++++++++++++++++ سەرناو: ( ئەقڵ و دڵ ) سەبارەت: نووسین: ئاوات ئەقڵ وەت: 'ئییە منم، کتاوەگەێ ڕێنمایکەر ژیان. ' دڵ وەت: 'نیەخوەنمەد، بێ‌ڕێ! ' ++++++++++++++++++++++ سەرناو: ( ئاسمان ) سەبارەت: نووسین: ئاوات ــ داڵ‌گەێ ئاسمان ها کوو؟ ــ خێیاڵ و ئاوەخت ++++++++++++++++++++++ سەرناو: ( ئاسمان ) سەبارەت: نووسین: ئاوات ــ داڵ‌گەێ ئاسمان ها کوو؟ ــ خێیاڵ و ئاوەخت ++++++++++++++++++++++ سەرناو: ( ئاسمان ) سەبارەت: نووسین: ئاوات ــ داڵ‌گەێ ئاسمان ها کوو؟ ــ خێیاڵ و ئاوەخت ++++++++++++++++++++++ سەرناو: ( ئاسمان ) سەبارەت: نووسین: ئاوات ــ داڵ‌گەێ ئاسمان ها کوو؟ ــ خێیاڵ و ئاوەخت ++++++++++++++++++++++ سەرناو: ( ئازادی ) سەبارەت: نووسین: ئاوات فرە گەردیم، سۊرتر ئەژ 'ئازادی' هیچ وشەێ نەدیم ++++++++++++++++++++++ سەرناو: ( بەرد ) سەبارەت: نووسین: ئاوات بتەۊترە بەردێ ک دووە وشەێ دە هەڵبەس ++++++++++++++++++++++ سەرناو: ( کوشت‌وبڕ ) سەبارەت: نووسین: ئاوات مەنتق پەتی هۊــ تلێکە پل دێیارێیە مل ڕەنگینییەل ++++++++++++++++++++++ سەرناو: ( درگا ) سەبارەت: نووسین: ئاوات هزار ڕێگەێ هەل، هێشتمەۊ دما تا یەێ درگاێ حەق، ئەۊ نووام چەکیا ++++++++++++++++++++++ سەرناو: ( چراێ مانگ ) سەبارەت: نووسین: ئاوات شەو وە چراێ گرشەدار مانگ ها منەی چە؟ ++++++++++++++++++++++ سەرناو: ( چاوان ئەسرین ) سەبارەت: نووسین: ئاوات دە ژێر وارانیش هەرکە زانس ک ئەسرینن چاوانمان خۊن لێیان تکیا، پەێ نیشتمان ++++++++++++++++++++++ سەرناو: ( شار ) سەبارەت: نووسین: ئاوات زاڕووەل نەلاونن پشت دەرگا و دەروەچەیل شار پڕ ئەژ مەردەزماو! ++++++++++++++++++++++ سەرناو: ( همێ ) سەبارەت: نووسین: ئاوات ــ همێ چەو؟ ــ یەکڵەنەمام تا بن مل چقیاێە دە بەرفێ، گوڵ کەرێ ++++++++++++++++++++++ سەرناو: ( ناهمێدی ) سەبارەت: نووسین: ئاوات ــ ناهمێدی چەس؟ ــ گڵاڕێزان دارسانێک، دە ناوڕاس وەهار ++++++++++++++++++++++ سەرناو: ( ڕەش‌مار ) سەبارەت: نووسین: ئاوات ڕێ، ڕەش‌مارە یا گەسێکەت یا ڤە مراێ ڕەسنێکەت ++++++++++++++++++++++ سەرناو: ( ئەژ پرسیارەلەم ) سەبارەت: نووسین: ئاوات یەکەۊ گرتن 'ڤرەژیە، ئمکە و ئەژیەدما' ناوێ 'مەرگ'ـە یا 'ژین هەێتاهەێ'؟ ++++++++++++++++++++++ سەرناو: ( گەریلا ) سەبارەت: نووسین: ئاوات لەۊەخەنەێ ئازادییە گوڵ کردێیە ئەڵسەر لەۊەیل کورد و کۊ ـــ گەریلا! ++++++++++++++++++++++ سەرناو: ( نەهات ) سەبارەت: نووسین: ئاوات 'نسر'ت پەڕی، بین ڤە 'نسار'! ++++++++++++++++++++++ سەرناو: ( شوون دەژ ) سەبارەت: نووسین: ئاوات ــ دەژترین شوون دنیا، کوورەو؟ ــ ئەۊ وڵاتە ک دە هیچ نەخشەێ نییە: دڵ! ++++++++++++++++++++++ سەرناو: ( هات و نهات ) سەبارەت: نووسین: ئاوات بڕێ 'هاتـ'ـن ک ئەژ بنچەک 'نهاتـ'ـن! ++++++++++++++++++++++ سەرناو: ( دیار و نادیار ) سەبارەت: نووسین: ئاوات ــ ئاخ! دە لا دیارەکەێ دنیا گومەۊ بیمن ــ خەفەت نەخوە، بەشکم دە کەس‌نەزانەکەێ بووێمنەۊ دی ++++++++++++++++++++++ سەرناو: ( هەڵەبجە ) سەبارەت: نووسین: ئاوات ئەۊ دماێ بمواران شەرمن و بێ‌کش گوڵ کەرن دار سێفەیل هەڵەبجە ++++++++++++++++++++++ سەرناو: ( سەرهات ) سەبارەت: نووسین: ئاوات سەرهات کورد: ئەڵ نزیک چەلاو، چەمێ پلیا ڤرەۊ دەریا ++++++++++++++++++++++ سەرناو: ( وشەل داڵکی ) سەبارەت: نووسین: ئاوات وشەل داڵکییم هەنە کوو؟ هەرچی گوت کەرم ئەڵ چەۊەلم نەێتۊنم خوەم بخۆنم! ++++++++++++++++++++++ سەرناو: ( دارەل ) سەبارەت: نووسین: ئاوات هەێک دۊییننەم دارەل دە بن گووش یەکترەکی پچپەچ کەرن: 'چل ساڵ باڵا کرد و گلێ چقیڕ نەدا! ' ++++++++++++++++++++++ سەرناو: ( کاژە بەرف ) سەبارەت: نووسین: ئاوات ڤەۊ کاژە بەرف دۊەشەۊە قیل‌تر و بەرزترن ئەژ هەرڤار ـــ بێ‌دەنگی و کۊسار ++++++++++++++++++++++ سەرناو: ( بێ‌قسە ) سەبارەت: نووسین: ئاوات ڤەختێ هیچ قسەێ ڤەر ڤتن نەێمینێ دڵ دێیاێ ئەۊ زۆ شێعر، دەس‌ئەڵنێ! ++++++++++++++++++++++ سەرناو: ( ئاڵا ) سەبارەت: نووسین: ئاوات ئاخرێ باێ کپێ بێ‌دەرەتان، ئاڵاێ قت‌قووز! ++++++++++++++++++++++ سەرناو: ( وێشە ) سەبارەت: نووسین: ئاوات ــ وێشە ئەڕا کپ و بێ‌دەنگی؟ ! ــ چەوەڕێی هاتن گوڵێک نەشناسم. ++++++++++++++++++++++ سەرناو: ( پارچا ) سەبارەت: نووسین: ئاوات 'هەرچێ مووشن، بیلا بووشن! م ئەر بان ئی کەمەرە سەوزە مەکەم' ـــ گوڵێ ک سەر وژ ئەڕا ڤا نەچەمانێ ڤت ++++++++++++++++++++++ سەرناو: ( دەلیا ) سەبارەت: نووسین: ئاوات ــ توام بوومە دەلیا، بۊش چە بکەم وا؟ ــ هەر چەم بمین، نەوس ++++++++++++++++++++++ سەرناو: ( دمایین پەلوەچ ) سەبارەت: نووسین: ئاوات ــ ئای! باڵنەکەێ ژار و تەنیا پیرەدار ئاخرێ کەفت، ئەژیەدما چارەنویست لانەوێزییە. ــ ئەنوو پەلوەچ دماین، منم... دمینم! ++++++++++++++++++++++ سەرناو: ( دماخترێ ) سەبارەت: نووسین: ئاوات باێ، کڵاو ئەژ سەر داووڵ ئەڕاقەن ئەفتاویش، دڵە سەردسڕەکەێ بەۊی‌بەرفینە ـــ ئەژ ئێمە چە مینێ دماێ ئی گەمە؟ ! ++++++++++++++++++++++ سەرناو: ( ئەسپ ) سەبارەت: نووسین: ئاوات هۊچ ئەسپێ ئاز ڕەسەنن م ڤە خوەم ناشت بێجەژ 'شێعر' ++++++++++++++++++++++ سەرناو: ( دەلیلە ) سەبارەت: نووسین: ئاوات شەۊ چیا... گوڵ‌ئاسارەێ ئەڵ پێڵاوەکەێ هەڤاڵێ ڕێنماێ تاریکی ++++++++++++++++++++++ سەرناو: ( ئەڵ بنار ) سەبارەت: نووسین: ئاوات ئەۊ دماێ ڤارۆ هەفت گەریلا ئەڵ بنارێ ـــ تیل سەۊز و سۊر ++++++++++++++++++++++ سەرناو: ( کڕێڤە ) سەبارەت: نووسین: ئاوات کڕێڤەێ سەخت... ڤە دەمتەقەێ خێیاڵ خوەم تا سەرکڵاوەێ دیر ++++++++++++++++++++++ سەرناو: ( سەێرە ) سەبارەت: نووسین: ئاوات بچڕ سەێرە! ئەژ بەرف ئی ملە بگوارێمن دەێ خاکەلێڤەو ++++++++++++++++++++++ سەرناو: ( سەرچەۊە ) سەبارەت: نووسین: ئاوات ڤەرەۊ سەرچەۊەێ چەم؛ کەفتنە ڤە شوون چوار گەریلا چەن مای کوچکڵەێ سێیا ++++++++++++++++++++++ سەرناو: ( مەێدان جەنگ ) سەبارەت: نووسین: ئاوات چ ئازانە گواریای ئەژ ئاخڵەێ تانکەلۆ تەمەڵ ئەۊپاکەر! ++++++++++++++++++++++ سەرناو: ( هەڤاڵ ) سەبارەت: نووسین: ئاوات 'شاگە هەڤاڵ'! تا ڤتم، جاوەڵجا گوڵدەم ڤاری ئەژ بنجک و دار ++++++++++++++++++++++ سەرناو: ( ئاپۆ ) سەبارەت: نووسین: ئاوات تەریکیی شەۊ... دەۊرە ک 'ئاپۆ' ئەژەێ کلەۊ بی هەێگوا گوڵ بەێان ++++++++++++++++++++++ سەرناو: ( ڕووژنا ) سەبارەت: نووسین: ئاوات شەۊ ئەۊرین... دۊ هەڤاڵ، نیشتنە ڤە دەمتەقە ئەڵ ڕووژناێ یەکتر ++++++++++++++++++++++ سەرناو: ( تاش ) سەبارەت: نووسین: ئاوات مزڵگەێ گەریلا: بۆن سەر، تریسکەێ ئاسارەل خوار، تەنیا وازەن ++++++++++++++++++++++ سەرناو: ( ئەڤین ) سەبارەت: نووسین: ئاوات دەسێک لاوێنەر ئەڵ گڵکوو شەڕڤانێ دە کووبانی؛ هاڵێم هەێ ڤارۆ ++++++++++++++++++++++ سەرناو: ( خەم ) سەبارەت: نووسین: ئاوات تۊ نییەسەت هەڤاڵ... زەمی، ڤە هزار مۆنگ چواردەیش ڕووشن نێیەو دەێ ++++++++++++++++++++++ سەرناو: ( مامووستا ) سەبارەت: نووسین: ئاوات خوەت ئەۊنەشار! ئی بەرفە یەێڕەنگت کەرێ ـــ کۊ، ڕام دنێ ++++++++++++++++++++++ سەرناو: ( دۊنە و ئمڕوو ) سەبارەت: نووسین: ئاوات ڤێنەێ هەڤاڵێ... نیقەڵتووز دۊنە دوو ئمڕوو ++++++++++++++++++++++ سەرناو: ( هەنینێ ) سەبارەت: نووسین: ئاوات هنا کرد 'هەڤاڵ... ' تا کل چەۊ دامەۊ دما مۆنگ چواردە ++++++++++++++++++++++ سەرناو: ( سیروان ) سەبارەت: نووسین: ئاوات دۊکوت شەۊگار داێمن ئەڵ ئاوەکەێ 'سیروان' ـــ دەس هەڤاڵێ بەڵەمم بی ++++++++++++++++++++++ سەرناو: ( وەنەۊشە ) سەبارەت: نووسین: ئاوات ڤە لەۊەخەنەێ وەنەۊشەێ کاڵی دە ڤیرم نێیەێ هەڤاڵێ ++++++++++++++++++++++ سەرناو: ( لرە ) سەبارەت: نووسین: ئاوات لەتێ ئەژ کۊ ڤە لرەێ هرووم دەرێ، گرد م بێ تۊ هەڤاڵ! ++++++++++++++++++++++ سەرناو: ( قاوگیر ) سەبارەت: نووسین: ئاوات بۆم ناپاڵم... ئاخ! تەنیا قاوگیرێک مەن ئەژ ئەۊ زڵف‌دڕە ++++++++++++++++++++++ سەرناو: ( سەێل کە! ) سەبارەت: نووسین: ئاوات سەێل کە هەڤاڵ! گرد دارەل، دە ڕزگ ئێمە هانە ڤەراوەر تووفان ++++++++++++++++++++++ سەرناو: ( شیرین‌خەو ) سەبارەت: نووسین: ئاوات شیرین‌خەوێ... ڕێیەکەمۆ ئەژ یەک جگا نییە هەڤاڵ! ڤەۊلاێ مەرگیش ++++++++++++++++++++++ سەرناو: ( دۊتەل شەڕکەر ) سەبارەت: نووسین: ئاوات دۊتەل شەڕکەر کورد! ئەژ کوم ژۆن و ئێش داڵکەلتۆ چەک سازینە؟ ++++++++++++++++++++++ سەرناو: ( ئەڵکردن ) سەبارەت: نووسین: ئاوات زەردەخەنەێ هەڤاڵێ... شنەباێ ئەڵکەرێ، ئەژ شەش لا تا کوورە ک نەێچم! ++++++++++++++++++++++ سەرناو: ( گووچنگ ) سەبارەت: نووسین: ئاوات شەۊەزەنگ... ئەڵی ڕێی ناهمارە، گووچنگەم دەس ئاواڵێ ++++++++++++++++++++++ سەرناو: ( ئامانج ) سەبارەت: نووسین: ئاوات تریسکەتریسکێ دیر... ئەی! ئەژ پەرتخ، ڕەژیدەتر خود ڕێیە ++++++++++++++++++++++ سەرناو: ( نەسرینەل ) سەبارەت: نووسین: ئاوات ئگەرد نەسرینەل ئەژ ژێر بەرف باڵا کەرن گەریلال ++++++++++++++++++++++ سەرناو: ( شەهید ) سەبارەت: نووسین: ئاوات ڤهار ساڵێ ترەک... دەۊرە ک 'بنەفش' شەهید بی گوڵ بنەفشەێ ++++++++++++++++++++++ سەرناو: ( زەردەخەنەێ مۆنگ ) سەبارەت: نووسین: ئاوات هە دە ڤیرم هەڤاڵ! هەنێ ئەژ یەکتری دەرڤڕیاێمن زەردەخەنەێ مۆنگ پەڕی ++++++++++++++++++++++ سەرناو: ( سەرکڵاوان ) سەبارەت: نووسین: ئاوات چ نزیکن! سەرکڵاوان بەرف‌گرتەێ بریقەدار ئەژ دەرڤەچ گلارەێ هەڤاڵەکەم ++++++++++++++++++++++ سەرناو: ( گوڵپەڕەیل ) سەبارەت: نووسین: ئاوات زەردەخەنەێ هەڤاڵێ؛ گوڵپەڕەیلێ ئەۊکردەن داوودیی زەرد ++++++++++++++++++++++ سەرناو: ( سەریاڵ ڕەنگینی ) سەبارەت: نووسین: ئاوات دچمە بان یاڵ ئاهـ! ئەو نوواێ م خوەێان ڕەساننە ـــ وەنەوشەیل ++++++++++++++++++++++ سەرناو: ( لێزگا ) سەبارەت: نووسین: ئاوات دە ئی ڕفتە کلوور داربەلییێ لێزگەمە؛ بێلە بووارێ! ++++++++++++++++++++++ سەرناو: ( پێچەڵپێچ ) سەبارەت: نووسین: ئاوات بێ مۆنگ ئەڵەۊ پێچەڵپێچ تیلەڕێیە؛ ڤیرم ڕووشن ++++++++++++++++++++++ سەرناو: ( جگاکاری ) سەبارەت: نووسین: ئاوات ئای! هەڤاڵ ناو ئەۊ ئەڵکردنەلە گردۆ، تۊ ناو ئی هەمکە پژارەلە، م ++++++++++++++++++++++ سەرناو: ( بنجک ) سەبارەت: نووسین: ئاوات دە پەنا بنجک گوڵکردەێ لیل تفەنگ گرتمە ڤەرەۊ ئەۊ لا ک دڕکەل ڤەر کردنە ئەڵەێ ++++++++++++++++++++++ سەرناو: ( باێەڕووە ) سەبارەت: نووسین: ئاوات دماێ باێەڕووە دەناو ئی باخە مەنێیە گوڵدەمێ؟ ئای! زەردەخەنەێ هەڤاڵێ ++++++++++++++++++++++ سەرناو: ( جمیاێن ) سەبارەت: نووسین: ئاوات لێڵە دا گژەێ گژەباێیش کپیا؛ هەنێ گەریلا جمیا ++++++++++++++++++++++ سەرناو: ( ئەژ ناو بەرف ) سەبارەت: نووسین: ئاوات ڕزگێ گەریلا ئەژ ناو بەرفەل گواریا شوون زەردەخەنەێ ++++++++++++++++++++++ سەرناو: ( بتەۊ ) سەبارەت: نووسین: ئاوات تاویاێن بەرف... پێڵاێ سۊر هەڤاڵێ کردمەۊ دی بتەۊ، تا گۆم دماینێ ++++++++++++++++++++++ سەرناو: ( ڕنوو ) سەبارەت: نووسین: ئاوات ڕەنگین بین ڕنوو! تا ڤەختێ هرووم نەڤردۊیین ڤە سەر هەڤاڵەلم ++++++++++++++++++++++ سەرناو: ( ئێڤەت ) سەبارەت: نووسین: ئاوات ڕنگەێ ڤارۆ ئەڵ دووارێ هەڤاڵێ، ڤە ملپێچەکەێ خوەێ پێچنێ زەم هەڤاڵێ ++++++++++++++++++++++ سەرناو: ( سەنگەر ) سەبارەت: نووسین: ئاوات گرمەگرم تووپ نێیەێ هەر هەڤاڵ، سەنگەرێ ڤەر ئەۊیەکەێ تر ++++++++++++++++++++++ سەرناو: ( تەریک‌ترین ڕێ ) سەبارەت: نووسین: ئاوات ئەڵ تەریک‌ترین ڕێ هۊچ ڤەرزێ گوم نەێکەرم ـــ زەردەخەنەێ هەڤاڵم هەس ++++++++++++++++++++++ سەرناو: ( چیین ) سەبارەت: نووسین: ئاوات هەڤاڵێ چی، نەێڤەچێ تا پرچەلێ هە دەناو بەرف ++++++++++++++++++++++ سەرناو: ( دیمەن ڕەنگین ) سەبارەت: نووسین: ئاوات کل چەۊ دمەۊ دما گوڵدەمەل، شەۊنمینن هاڵێم هەێ دەۊرە ک هەڤاڵەلم هووسیانە ++++++++++++++++++++++ سەرناو: ( دەرڤەن ) سەبارەت: نووسین: ئاوات 'دەۊ دەرڤەن قیلە بێلە تا ڕێیەکەت ڕووشن بکەرم. ' مانگ ڤە گەریلا ڤت ++++++++++++++++++++++ سەرناو: ( مۆنگ کەل ) سەبارەت: نووسین: ئاوات دماێ شەڕ... ئەڵ ڕووشناێ مۆنگ کەل یەکێ ئەژ هەڤاڵەل، کەم ++++++++++++++++++++++ سەرناو: ( گڵکوو ) سەبارەت: نووسین: ئاوات مەۊداێ نییە دە ناون من و هەڤاڵەکەم، بێجەژ سەنگ گڵکووەێ ++++++++++++++++++++++ سەرناو: ( تەنیا هانا ) سەبارەت: نووسین: ئاوات سەردە ڤا... زەردەخەنەێ گەریلا تەنیا هانا ++++++++++++++++++++++ سەرناو: ( ملە ) سەبارەت: نووسین: ئاوات قازقوڵنگەل ها ئەژەۊ ملەێ پڕ بەرفە گوارن ک گەریلا شەۊەکی ڕچێ ئشکەن ++++++++++++++++++++++ سەرناو: ( قەندیل ) سەبارەت: نووسین: ئاوات بنار قەندیل... دەۊرە ک تاویاێە بەرف گڵکوو گەریلاێکە ++++++++++++++++++++++ سەرناو: ( هەڵاڵەبرمە ) سەبارەت: نووسین: ئاوات بەژن و باڵاێ کۊ ڤە یەێگل هەڵاڵەبرمەو ئەڵسەر تەرم شەهید ++++++++++++++++++++++ سەرناو: ( هاوڕێ ) سەبارەت: نووسین: ئاوات لە دریژایی تۊلەڕێ بێ وچان وەگەرد گەریلا مانگ ++++++++++++++++++++++ سەرناو: ( گورجانە ) سەبارەت: نووسین: ئاوات دۊتەل چیا زی‌تر ئەژ کەلەوا ئەڵکەرن ڤە بووخوەش مزگانا ++++++++++++++++++++++ سەرناو: ( ئاهەڕێ ) سەبارەت: نووسین: ئاوات پایزەشەۊ ئەڵ ئەۊ ئاهەڕاێ ک ڤەێ چینە، هەڤاڵ! کەڵمەسەل هانە خەڤەر ++++++++++++++++++++++ سەرناو: ( ڕەنگینی ) سەبارەت: نووسین: ئاوات ئەڵ یەێ شۆ کڵاشنیکۆفێ ئەڵ ئەۊ شۆنێ پەرپریکێ ـــ ژنە گەریلاێ کوردێ! ++++++++++++++++++++++ سەرناو: ( گوڵ‌هەسارە ) سەبارەت: نووسین: ئاوات تریسکەێ گوڵ‌هەسارە ئەڵکەنیا ئەژ سێیاتیی دەۊرگردێ؛ ڕێوار ڕێگەێ دیرم ++++++++++++++++++++++ سەرناو: ( جەنگاوەر ) سەبارەت: نووسین: ئاوات ــ کوورا دچی جەنگاوەر؟ ــ دەۊرە ک ئاولەفاو دچوو ++++++++++++++++++++++ سەرناو: ( کووچ دماین ) سەبارەت: نووسین: ئاوات ــ ئەژ کووچ دماین، کێ گل‌ناورد؟ ــ قازقوڵنگەل، سێ‌پریسکەل... ئاخ! یاران ++++++++++++++++++++++ سەرناو: ( زمگە ) سەبارەت: نووسین: ئاوات ئیلا کۊ، ئەۊلا کۊ مانگ ژە کام پەلەڕێ هڵات ئەڵ زمگەێ گەریلا؟ ++++++++++++++++++++++ سەرناو: ( زاگرۆس ) سەبارەت: نووسین: ئاوات ئاهەڕا بنار زاگرۆس نوقم بەرف، دەرێکەمۆ ڤەرەۊ نووا مزگانا گوڵدەم سۊر ++++++++++++++++++++++ سەرناو: ( ئەژ دیر ) سەبارەت: نووسین: ئاوات هەڤاڵێ هەنین دەس ئەرم ئەڵشەنێ ئەژ دیر ـــ دەێرە دار، گوڵدەم دڤارنێ! ++++++++++++++++++++++ سەرناو: ( چوار گوڵ سۊر ) سەبارەت: نووسین: ئاوات دماێ بمڤارۆ... چوار گوڵ سۊر، ئەڵ پەڕەێ بەرف ڕۆمان 'ڤهار زیڕەس' ++++++++++++++++++++++ سەرناو: ( دە ڤیرم ) سەبارەت: نووسین: ئاوات مانگ چی و ساڵیش... کاڵەۊ نەڤی دە ڤیرم، زەردەخەنەێ هەڤاڵێ دماێ چیین ++++++++++++++++++++++ سەرناو: ( ئڵاتن ) سەبارەت: نووسین: ئاوات ئگەرد ئڵاتن خوەر ئەڵ مزڵگەێ شەۊانەم، همساێ: گوڵ هێرووێ! ++++++++++++++++++++++ سەرناو: ( فێر بکە! ) سەبارەت: نووسین: ئاوات فێر بکە! دە ڕووژهڵات، ڕیشە کوتیاێە ساێ ئەڵ ڕووژئاڤا ++++++++++++++++++++++ سەرناو: ( خەڵتان خین ) سەبارەت: نووسین: ئاوات دما نێیە ئەڵ ئێڤارەێ پایزەڕووێ ـــ لەشێ خەڵتان خین ++++++++++++++++++++++ سەرناو: ( کڵ ) سەبارەت: نووسین: ئاوات ئشنەۊێمن ئەژ تلیلیی داڵک شەهیدێ، گرد قسەلەێ نەڤتەێ ++++++++++++++++++++++ سەرناو: ( ماڵگە ) سەبارەت: نووسین: ئاوات لێزمەێ ڤارۆ... ئمکە لێزگەێ چەن مەلیچک زمگەێ گەریلا ++++++++++++++++++++++ سەرناو: ( شایی ) سەبارەت: نووسین: ئاوات ئەژ نوو ڤهار؛ یاڵ دراێ ئەژ ناو تەم م ئەژ خەم ++++++++++++++++++++++ سەرناو: ( ختی‌متی ) سەبارەت: نووسین: ئاوات کڵاشەل دڕیاێە... دە ڕێیە دژوارەکەێ شاخ ختی‌متییم دێ، شنەباێ ++++++++++++++++++++++ سەرناو: ( نەرگس ) سەبارەت: نووسین: ئاوات چەپەێ گوڵ نەرگس شەکەتیی کۊگەردی ئەژ لەشم سڕی ـــ لەۊەخەنەێ ئاواڵەلم ++++++++++++++++++++++ سەرناو: ( کەنیلک ) سەبارەت: نووسین: ئاوات وچۆنێ ئەڵ بنار قەندیل؛ یەکەۊ گرتن زەردەخەنەێ مۆنگ و گەریلا دەناو کەنیلکێ ++++++++++++++++++++++ سەرناو: ( هشکەساڵ ) سەبارەت: نووسین: ئاوات قسەێ کەری هەڤاڵ... بنجکێ گوڵ گرێ دەی هشکەساڵە! ++++++++++++++++++++++ سەرناو: ( ڕێنما ) سەبارەت: نووسین: ئاوات تاریکەشەۊ... خوڕەێ چەم لێڵێ تەنیا چراخم ++++++++++++++++++++++ سەرناو: ( داڵاهوو ) سەبارەت: نووسین: ئاوات دووازە گەریلا... ئەڵ بەرف بنار داڵاهوو یەێ شوون پا ++++++++++++++++++++++ سەرناو: ( خوەشی ) سەبارەت: نووسین: ئاوات ڤەرەژ گوڵدەم مزگاناێ بهار ڤەم دا؛ گەریلا ++++++++++++++++++++++ سەرناو: ( گولە ) سەبارەت: نووسین: ئاوات ئەژ هەر لا گیزەێ گولە... لەۊەخەنەێ هەڤاڵەل نەێلێ ئەۊ ڕاو زەمێ بڤینم ++++++++++++++++++++++ سەرناو: ( بنەفش یا نەرگس؟ ) سەبارەت: نووسین: ئاوات بنەفش بی، یا نەرگس؟ ڕاس دەۊرە ک ڕەشەۊ بی ئگەرد کەفتن بمێ ++++++++++++++++++++++ سەرناو: ( گڵکوو بێ‌ناو ) سەبارەت: نووسین: ئاوات گوڵێ سۊر ئەڵسەر گڵکووێ بێ‌ناو ـــ هێمن خەوسێیە جەنگاوەر ++++++++++++++++++++++ سەرناو: ( یەێ ئەنە ) سەبارەت: نووسین: ئاوات شەکەت نەڤی ئاسارە ئەژ تریسکەتریسک خێیاڵم ئەژ باڵا کردن ++++++++++++++++++++++ سەرناو: ( پەت ڤەم نەێ! ) سەبارەت: نووسین: ئاوات شکووفەل یەێڕووە؛ تا دخوازم یەک یەک بژناسمۆ هووفەێ باێ ++++++++++++++++++++++ سەرناو: ( دڵگاوی ) سەبارەت: نووسین: ئاوات دڵ ڤەسیمە ڤە کۊ تا نەکەفم! ++++++++++++++++++++++ سەرناو: ( بێ‌کەرخ ) سەبارەت: نووسین: ئاوات باڵنەێ کووچەر... گەریلایش، زەمی چی ئاسمۆ بێ‌کەرخ دۊیینێ ++++++++++++++++++++++ سەرناو: ( پەلە ) سەبارەت: نووسین: ئاوات پا ئەڵگر! ڕێیەکەێ هەردکمۆ پێچەڵپێچە؛ ڤە لیلووپەڕێ ڤتم ++++++++++++++++++++++ سەرناو: ( ڤڵەشە ) سەبارەت: نووسین: ئاوات کووبانی؛ دماێ تاڕەنن تارماییەل شەۊمۆنگ ++++++++++++++++++++++ سەرناو: ( تاهەێ ) سەبارەت: نووسین: ئاوات ڤەرەژ ئێمە ئەۊ ئاسارە بییەسەێ ـــ دماێ ئێمەیش ++++++++++++++++++++++ سەرناو: ( دە ئەۊ سەنگەرە ) سەبارەت: نووسین: ئاوات زەمەقێ بنەۊش... ڕاس دەۊ سەنگەرە ک ئەژ هەڤاڵێ تەنیا قەڵێ پرتاڵ خینین مەن ++++++++++++++++++++++ سەرناو: ( شەۊنم ) سەبارەت: نووسین: ئاوات لەش خینین ئاواڵێک... شەۊنم ئەڵ گوڵەشەرمووکە نیشتێیە یا گژنیژەێ ئەرەخ؟ ++++++++++++++++++++++ سەرناو: ( ساڵەل شەڕ ) سەبارەت: نووسین: ئاوات ساڵەل شەڕ... چ ئازاێ پیرەۊ دوون داڵکەل! ++++++++++++++++++++++ سەرناو: ( دمایین هناس ) سەبارەت: نووسین: ئاوات سێ تەقەێ ئەڵ‌دم یەک... دەس‌ئەڵنا، ئگەرد دمایین هناس ڤارشت شکووفەێ گێڵاس! ++++++++++++++++++++++ سەرناو: ( ڤەسنگەێ مەنن ) سەبارەت: نووسین: ئاوات دەێرە هەر خێیاڵ چەک خسێیە ئەۊ شۆنێ، تا بمینێ ++++++++++++++++++++++ سەرناو: ( سەنگەر چیایی ) سەبارەت: نووسین: ئاوات ئێرە و پەژارە؟ ! دە ناو کەڵەکە ــ سەنگەرێک نیشتمە همساکەم، ئاسارەزلە ++++++++++++++++++++++ سەرناو: ( تەنیا بەرف ) سەبارەت: نووسین: ئاوات ئەڵ سەریاڵ... تا چەۊ بڕ کەرێ، تەنیا بەرف هەڤاڵێ هنا کەرێ: 'بەهار'! ++++++++++++++++++++++ سەرناو: ( ئەرخەوان ) سەبارەت: نووسین: ئاوات ئەڵ پەل ئەرخەوان یەێ شکووفەێ تەنیا، چنیینێ قەت ++++++++++++++++++++++ سەرناو: ( ڤڵات ئازاد ) سەبارەت: نووسین: ئاوات دە ناوتوو پەڕەیل یەێ گوڵیش تۊنم بژییم ـــ ئەر 'ڤڵات ئازاد' م بوو ++++++++++++++++++++++ سەرناو: ( جیک ) سەبارەت: نووسین: ئاوات دە ژێر ڤارۆ جیک دا یەکم گیاێ گورج؛ زەردەخەنەم! ++++++++++++++++++++++ سەرناو: ( سەرکەفتن زەردەخەنە ) سەبارەت: نووسین: ئاوات زەردەخەنەێ شەڕڤانێ دە ڕووژئاڤاێ کوردستان، ئاوردەۊ خوار ئاڵا کرژئڵەتەکەێ داعش ++++++++++++++++++++++ سەرناو: ( پێشهات ) سەبارەت: نووسین: ئاوات ئەڵ قەێ تل گەپێ پێشهات گەپ‌ترێ: گوڵێ! ++++++++++++++++++++++ سەرناو: ( کەمێ ئەڤین ) سەبارەت: نووسین: ئاوات نە باڵ و نە بڵنگییێ، کەمێ ئەڤین خوازێ 'فڕین! ' ++++++++++++++++++++++ سەرناو: ( بیین ) سەبارەت: نووسین: ئاوات تێژتر ئەژ زق سەرهشک‌تر ئەژ بەرد؛ 'کوڵە ئەڵوەس'ـەکەێ گوڵ نەسرین! ++++++++++++++++++++++ سەرناو: ( ئاشتی ) سەبارەت: نووسین: ئاوات تلیلیی داڵکەل ئاشتی بەرزتر ئەژ شین‌وەێ شەڕ! ++++++++++++++++++++++ سەرناو: ( دەرڤەن باێ ) سەبارەت: نووسین: ئاوات دە لێڤار دەرڤەن باێ یەکڵەدارێ پاڤەگەزدێ ناوێ 'همێ'! ++++++++++++++++++++++ سەرناو: ( گل‌گلێ ) سەبارەت: نووسین: ئاوات گل‌گلێ گی‌ئاسارەێ دارسۆنێ داگیرسنێ! ++++++++++++++++++++++ سەرناو: ( بێ‌دەنگیی ئاسارە ) سەبارەت: نووسین: ئاوات چریکەێ بێ‌دەنگیی ئاسارە ئژنەۊی؟ ! ++++++++++++++++++++++ سەرناو: ( پەرجوو ) سەبارەت: نووسین: ئاوات ژن خەنس دار ژین، گوڵ کرد هەن ڤارین بەرف! ++++++++++++++++++++++ سەرناو: ( تەمیرەێ ڤارۆ ) سەبارەت: نووسین: ئاوات ڤەڕاس، ژەنیار تەمیرەێ ڤارۆ کێیە؟ ! ++++++++++++++++++++++ سەرناو: ( مۆنگە‌شەۊ ) سەبارەت: نووسین: ئاوات کرم شەۊچراێ کوچکڵەێکە مۆنگە‌شەۊ ئی دارسۆنە! ++++++++++++++++++++++ سەرناو: ( داووڵ ) سەبارەت: نووسین: ئاوات بێ دڵەڕاوکێ باڵنەێ نیشتێیە ئەڵسەر شۆنێ: داووڵ! ++++++++++++++++++++++ سەرناو: ( هوورە ) سەبارەت: نووسین: ئاوات ڕووح ئاو، لیپالیپ ئەژ هوورەو... ڤەرچە؟ ! ++++++++++++++++++++++ سەرناو: ( دیرترین ئاسارەل ) سەبارەت: نووسین: ئاوات ئەرێ زەردەخەنە ڕووژناێ ڕێڤارێکە ئەژ دیرترین ئاسارەل؟ ! ++++++++++++++++++++++ سەرناو: ( ڤەچە؟ ) سەبارەت: نووسین: ئاوات باێ بێ‌ پاسپۆرت و پشکنین ڤەچە سەفەر کەرێ؟ ! ++++++++++++++++++++++ سەرناو: ( پڕتافانن ) سەبارەت: نووسین: ئاوات شەۊەزەنگ... مۆنگ، ئەسپەکەێ ڕووژنا تاو دا ڤەرەۊ کوورا؟ ! ++++++++++++++++++++++ سەرناو: ( ڕفت ) سەبارەت: نووسین: ئاوات ڕفت کوم ئاگر تین دڵ خاک ئشکەن و سەۊزمۆ کرد؟ ! ++++++++++++++++++++++ سەرناو: ( ڕێوار ) سەبارەت: نووسین: ئاوات ڕێوارەکەت کێیە دەریا سێڵاو ڤهارە یا پایزەپڵە؟ ! ++++++++++++++++++++++ سەرناو: ( بەرزەهەوایلە ) سەبارەت: نووسین: ئاوات ئەڵوەسێ ئەڵڤەسێکەم بێ‌ڤچۆ تا یاڵەکەێ خوەر: بەرزەهەوایلەێک بێ‌باڵ و پەڕ! ++++++++++++++++++++++ سەرناو: ( ڕووژهەڵاتی ) سەبارەت: نووسین: ئاوات بێیا 'ڕووژهەڵاتی'ـیە دڵم باوڕ بکە ئەفتاو! ++++++++++++++++++++++ سەرناو: ( ئاێنەل گرێڤەکەر ) سەبارەت: نووسین: ئاوات ئشکیا دە دەفتەر ئاێنەل گرێڤەکەر، کڕێ: ژن ژین ژۆ ++++++++++++++++++++++ سەرناو: ( بێزە ) سەبارەت: نووسین: ئاوات تەمسق‌تر ئەژ گرد میڤەل ئی ڤەرزەسەو هاڵێ: کیزێ ئازادی! ++++++++++++++++++++++ سەرناو: ( بەێچەڵی ) سەبارەت: نووسین: ئاوات بەڵگ پاییزی شەکەت ئەژ بەێچەڵیی باێ، ئاوەخت خوازێ: خوەشاڵە ئی‌گلە ئەژ 'کەۊر' بێیام ڤەدی! ++++++++++++++++++++++ سەرناو: ( نەرم‌نووڵی ) سەبارەت: نووسین: ئاوات دە ناو بەرد، نەرم‌نووڵییێ هەس ک دە حەریر ئاو نییە! ++++++++++++++++++++++ سەرناو: ( دەرڤەچ بەرد ) سەبارەت: نووسین: ئاوات ئاو خەوێ، ئاێنە خەوێ ئەما دەرڤەچ بەرد هادە خەڤەر تاهەێ! ++++++++++++++++++++++ سەرناو: ( ڕاز ) سەبارەت: نووسین: ئاوات گۆم ڕازێکە بەرد! ++++++++++++++++++++++ سەرناو: ( سان ساروو ) سەبارەت: نووسین: ئاوات تەمیرەێ نادیار سەنگ سەرمەس خوەنێ تاهەێ! ++++++++++++++++++++++ سەرناو: ( ڤێشەێ سەنگ ) سەبارەت: نووسین: ئاوات گل‌گلێ دە ڤێشەێ سەنگ پەڵنگ زەمدارێ نەڕنێ! ++++++++++++++++++++++ سەرناو: ( گومەل بەرد ) سەبارەت: نووسین: ئاوات دە ناو گومەل بەرد بنجک زەردەخەنەێ گوڵ کرد! ++++++++++++++++++++++ سەرناو: ( ئاڤاز یاسەمەنەل ) سەبارەت: نووسین: ئاوات ئاڤاز یاسەمەنەل نەشنەفتینە ئەژ گەلیی بەرد؟ ! ++++++++++++++++++++++ سەرناو: ( چیایی ) سەبارەت: نووسین: ئاوات ناو هووزەکەم تاشیاێەو دە ڕۆمان 'کۊ'! ++++++++++++++++++++++ سەرناو: ( گەشت‌نامە ) سەبارەت: نووسین: ئاوات دما فەسڵ گەشت‌نامەێ دڵووپ دەریاو! ++++++++++++++++++++++ سەرناو: ( دەریا و مانا ) سەبارەت: نووسین: ئاوات گڕ دە ڤەر خوەێ خس دڵووپ، ڕەسی ڤە دەریا! گەردیلە، تاویا دە ئشق ڕەسی ڤە مانا! ++++++++++++++++++++++ سەرناو: ( فڕین ) سەبارەت: نووسین: ئاوات ئەڤین، فڕین و دەریا، ئاسمۆن فڕین دڵووپەیلە ++++++++++++++++++++++ سەرناو: ( دڵووپ ) سەبارەت: نووسین: ئاوات دڵووپ، دەرڤەچێک ئەۊکردەو ڤەرەۊ دەریا! ++++++++++++++++++++++ سەرناو: ( بێ باڵ و پەڕ ) سەبارەت: نووسین: ئاوات باڵگرتنێ بێ باڵ و پەڕ: ئنسان! ++++++++++++++++++++++ سەرناو: ( ئەڵوەس ) سەبارەت: نووسین: ئاوات مردن، دەسڤەن زەمانە ئەڵ دەسەلم زنەی، پاڤەن خاکە ئەڵ پام ئەما کلیل دەس و پاێ ڤەسەمیش: ئەڵوەس! ++++++++++++++++++++++ سەرناو: ( هەێک نیسنم ) سەبارەت: نووسین: ئاوات دەێ نە کەسێ ترم خود خوەمم! ++++++++++++++++++++++ سەرناو: ( پەلەپەل ) سەبارەت: نووسین: ئاوات شەتاو، ڤەپێل ڤەرەۊ دەریا ئەژ خوەێ، ڤەرەۊ خوەێ! ++++++++++++++++++++++ سەرناو: ( مردن ) سەبارەت: نووسین: ئاوات مردن دە زەلکاویش ڕەنگینە ئەگەر فڕین دما ڤیرمۆنەکەێ باڵنە بوو! ++++++++++++++++++++++ سەرناو: ( ڕەنگین‌ترین سۊرەگوڵ، ئازادییە ) سەبارەت: نووسین: ئاوات ژین، باخێکە و باخەڤۆنەکەێ، ئەفتاو 'ئازادی‌'ـیش ڕەنگین‌ترین سۊرەگوڵ باخەکەێ ئەفتاو! ++++++++++++++++++++++ سەرناو: ( کتاو چەم ) سەبارەت: نووسین: ئاوات هەر پەشک، وشەێکە و هەر وشە، دەسپێکێ و کتاو چەم ڤە یەکم وشەێ ڤارۆ دەس‌ ڤەێکەرێ ++++++++++++++++++++++ سەرناو: ( هووار ) سەبارەت: نووسین: ئاوات ئێمڕوو هەرچی بێ‌دەنگییە ئەژ نک قڵەم ڕژێ؛ دەفتەرەکەم سۊ ڤێشەێ هووارە! ++++++++++++++++++++++ سەرناو: ( شنە ) سەبارەت: نووسین: ئاوات نە باکوورییە و نە باشووری نە ئەژ ڕووژهڵات یەتێیە و نە ئەژ ڕووژئاڤا شنەێ ئێمڕوو، ئەژ لاێ شائرانەێک ئەڵکردێیە! ++++++++++++++++++++++ سەرناو: ( زەێتوون ) سەبارەت: نووسین: ئاوات 'ئاپۆ' هەرئەۊ پەل زەێتوون سەۊز سەدەو ک ئەژ کەمووترەل، ئەۊشاردنەسەێ ++++++++++++++++++++++ سەرناو: ( چریکەێ بەرد ) سەبارەت: نووسین: ئاوات فڕین بێ‌باڵنەێکە و چەمێ ئەژ چریکەێ بەردە: 'گەریلا'! ++++++++++++++++++++++ سەرناو: ( بەرف شائر ) سەبارەت: نووسین: ئاوات دە ئی ڕووژ ڤهارییە، شائرێکە بەرف دەنگ وشەلەێ ئشنەۊم ک ئەژ هێڵ دماین دەرڤەنەکە، دچوو ڤەرەۊ زڵاڵیی ڤڵات چەم! ++++++++++++++++++++++ سەرناو: ( دووزەق ) سەبارەت: نووسین: ئاوات ئێمە ڤە گووچنگ ئشق ئەژ 'نیل' ئی دووزەقە گواریمنە ++++++++++++++++++++++ سەرناو: ( ئەڵچەنن ) سەبارەت: نووسین: ئاوات باێ ڤە سەرپەنجەل خوەێ ئەژ ڕەنگ چنێکەم: پایزەڕوو! ++++++++++++++++++++++ سەرناو: ( تین و تاسە ) سەبارەت: نووسین: ئاوات ئەگەر نەڤیا تین و تاسە ئەرێ قەڵڤەز دێیەتە دی؟ ! ++++++++++++++++++++++ سەرناو: ( ڤەرزێ ڤە ناو ژن! ) سەبارەت: نووسین: ئاوات ڤەۊلاێ پەنجرە زمسۆ، بەۊی ئسپێ‌پووشەێ خەمبارێکە ئەنووگرتە، دە بێ‌دەنگیی هەن‌هەن لێڵەێ چارەنڤیس. ئۊ ڤەیلاێ بێ‌ئاسارەێ خوەشبەختی ژن، ڤەرز پەنجم ساڵە! پژارەدار ڤارۆنی ++++++++++++++++++++++ سەرناو: ( باڵەۊ‌گرتن ) سەبارەت: نووسین: ئاوات ئەر کرم ئەۊرێشم قانە بوو، ڤە نزمی و بێ‌بایەخیی ئاخڵەێ پیلەکەێ ئەرێ قەت پەپییێ باڵەۊ‌گرێ؟ ! ++++++++++++++++++++++ سەرناو: ( گڕەتینگی ) سەبارەت: نووسین: ئاوات هەر ڕوو، شۆ ڤەشۆن ڕووح سەۊز کۊسار ئەڵقوڕنێمن ڕزگێ ئەژ سەفەرنامەێ ڕووبار و هاڵێ دەریاێک دە ئاسوو ڕەوەنە… ++++++++++++++++++++++ سەرناو: ( لاڕێ ) سەبارەت: نووسین: ئاوات هوورەێکە دڵ ک نەشنەفتینەێ بزۆ کەفتینە لاڕێ! ++++++++++++++++++++++ سەرناو: ( ئاوژەنی ) سەبارەت: نووسین: ئاوات گڵاڵ، ئاوژەنییە ... تا حەقیقەت دەریا ++++++++++++++++++++++ سەرناو: ( ڕەز گەردوون ) سەبارەت: نووسین: ئاوات دە ناو ڕەز گەردوون ئەڵ یەێ پەلارە ئەژ پەلارەل فرەێ مەۊێ گلە ئەنگیرەکەێ کچکەێ زەمی! ++++++++++++++++++++++ سەرناو: ( مۆنگ ) سەبارەت: نووسین: ئاوات هۊچ شوون پاێ نەکەفتێیە ئەڵی بەرف قورسە و کردێیە ئەۊگەر دار بەلییەل، مۆنگ! ++++++++++++++++++++++ سەرناو: ( ڕسکان ) سەبارەت: نووسین: ئاوات گلەی دکرد زەمی: 'ئمساڵ، هۊچ ڤارۆ نەڤارییە و باخەکە گردێ پڵمژکیاێە'. ڤەلێ دە ناو دڵ م، گوڵاڵە‌ کوچکڵەێ پشک کردۊیی! ++++++++++++++++++++++ سەرناو: ( سۊرەگوڵ زاگرۆسی ) سەبارەت: نووسین: ئاوات ئەۊرەل سێ، کڵ دن و دەس کردێیە چەمەر، ڤارۆ: سۊرەگوڵ زاگرۆسییێ شەهید بییە ++++++++++++++++++++++ سەرناو: ( ئەڵپەڕکە ) سەبارەت: نووسین: ئاوات ڤە بڵاچەێ ئەۊر و ئەڵپەڕکەێ ڤارۆ چەپەێ گوڵ هێروو ئەڵسیا ئەژ خەو ++++++++++++++++++++++ سەرناو: ( لاو ) سەبارەت: نووسین: ئاوات لەفاو بهارە ڤە سەرپەنجەێ پینەڤەسەێ کەرێکەمە خەڤەر ئەژ خەو ++++++++++++++++++++++ سەرناو: ( ستار ) سەبارەت: نووسین: ئاوات لەفاو ئەژ دیار ڤیرمۆنەل شەۊەکی یەتۊیی دەنگەدەنگێ ئەژەێ نییە ئێڤارە ++++++++++++++++++++++ سەرناو: ( کەڵمەس ) سەبارەت: نووسین: ئاوات کەڵمەسەل ڤە بێ‌دەنگ تەماشاێ گڵاڕێژۆ کەرن ++++++++++++++++++++++ سەرناو: ( کل بیین ) سەبارەت: نووسین: ئاوات گوڵدەمەل بڵاڵیک ڤەگەرد هاژەێ تاف دچن ڤەرەۊ شەۊ ++++++++++++++++++++++ سەرناو: ( ئامووژیاری ) سەبارەت: نووسین: ئاوات یەکم ئامووژیاری: 'نە' ڤتن ڕاێ خوەت بنە ++++++++++++++++++++++ سەرناو: ( چیا ) سەبارەت: نووسین: ئاوات نشۆنەێ سەرکەفتنە کڕێ ک ڤە دەۊر سەر چیا کێشیانە قازقوڵنگەل ++++++++++++++++++++++ سەرناو: ( نسار ١ ) سەبارەت: نووسین: ئاوات ئەرێ، ڕێی هۊچ گوڵەفتاوێ نەکەفتێیە ئەڵ ئی نسارە؟ ! ++++++++++++++++++++++ سەرناو: ( نسار ٢ ) سەبارەت: نووسین: ئاوات چەن لیسک مێیا ئەژ ئی بنارە ئەڵکێشن تا ڕەنگ گوڵەفتاو بگری، نسار؟ ! ++++++++++++++++++++++ سەرناو: ( نەژناسیین ) سەبارەت: نووسین: ئاوات ئەڵ ئەۊ لق دارە شکووفەێ ئەرخەڤانییێ دە باێ شەکێ ناوێ نەێزۆنم ++++++++++++++++++++++ سەرناو: ( دارسمنەک ) سەبارەت: نووسین: ئاوات کاشکا دارسمنەک ئەژ ناو دارەل تەنیا سدارە ئەڵبژارتا! ++++++++++++++++++++++ سەرناو: ( ساڵ جەنگ ) سەبارەت: نووسین: ئاوات دە ساڵ جەنگ ئەژ گرد گوڵەل فرەترە گوڵ‌ئەسرین! ++++++++++++++++++++++ سەرناو: ( ئەڕازیاێە ) سەبارەت: نووسین: ئاوات دە پەنا بەردێ گوڵ نەرگس، زڵفەل تەڕێ هشک کەرێ ئەۊدماێ باێەڕووە ++++++++++++++++++++++ سەرناو: ( هناڕەس ) سەبارەت: نووسین: ئاوات هەێک ڤڵات، لێزەکەن و لانەڤاز بی هناڕەس، هناێ تفەنگە ++++++++++++++++++++++ سەرناو: ( منەیکەر ) سەبارەت: نووسین: ئاوات ئاخ! سێ‌پریسکەکە تو ڤەۊ باڵ زەمدارتە ئازادی م ڤە ئی ئازایمە، منەیکەر ئازادییم هاڵێ ++++++++++++++++++++++ سەرناو: ( باوڕ ) سەبارەت: نووسین: ئاوات تێژتر ئەژ بگدەێ باێە باوڕێ ک ئاشاردەو دە دڵ تەلێ گیا ++++++++++++++++++++++ سەرناو: ( کوت‌پڕ ) سەبارەت: نووسین: ئاوات ئێڤارە، تووژاڵ یەکم بەرف نیشتێیە ئەڵ یاڵ مۆنگە‌شەۊ کوت‌پڕێ! ++++++++++++++++++++++ سەرناو: ( دەمەخەنە ) سەبارەت: نووسین: ئاوات ڤە گرێڤە دێیام ڤەدی کردمە‌ کارێ، ڤە دەمەخەنە بچم! ++++++++++++++++++++++ سەرناو: ( سەفەر ) سەبارەت: نووسین: ئاوات سەفەرێکە ئەژ خوەت ڤەرەۊ خوەت: ژین ++++++++++++++++++++++ سەرناو: ( لێژی ) سەبارەت: نووسین: ئاوات ئەرێ مردن، لێژییەکەێ ملەێ دماینە؟ ! ++++++++++++++++++++++ سەرناو: ( هووکارە ) سەبارەت: نووسین: ئاوات ئەر هووکارەێ کەفتنی و باڵ نەێگری ئاسمۆ ئنکار نەکە! ++++++++++++++++++++++ سەرناو: ( تەژگا ) سەبارەت: نووسین: ئاوات تەژگاکەێ گەردوون ڤە پریسکەێ ئشق و ئازادی ئەۊکریا ++++++++++++++++++++++ سەرناو: ( دەنگ ) سەبارەت: نووسین: ئاوات دەنگ ڤە‌چکردن دار بەلییەل بەرزترە یا کڵپەکڵپ پاییز؟ ! ++++++++++++++++++++++ سەرناو: ( دەرەقەت ) سەبارەت: نووسین: ئاوات ڕچ ئشکنێ ڤەچێ ئمێ ڤەرەۊ ملەێ ئەفتاو ++++++++++++++++++++++ سەرناو: ( تۆمارزوو ) سەبارەت: نووسین: ئاوات گڵپەێ گوڵێ تۆمارزوو ڤاران ئەژ ناو خوڵەکوو دیرۆک: کوردستان! ++++++++++++++++++++++ سەرناو: ( گرفت ) سەبارەت: نووسین: ئاوات ساوڵ هەر گرفتێ داوڵێکە ئەر پەلەڤەر دڵت، نم بفڕێ ++++++++++++++++++++++ سەرناو: ( خاک‌وخوڵ ) سەبارەت: نووسین: ئاوات کوم ڕهێڵ ئی خاک‌وخوڵە ماڵێ تا چەۊ دڵ بۊیینێ؟ ! ++++++++++++++++++++++ سەرناو: ( بەرف کارەسات ) سەبارەت: نووسین: ئاوات دە بەرف ئی کارەساتە، تەنیا یەکێ نوقم نەڤی و ژیا ئەڤیش 'همێ'! ++++++++++++++++++++++ سەرناو: ( لەۊەخەنە ) سەبارەت: نووسین: ئاوات ئاشتی لەۊەخەنەێکە ئڵاتنێ دێرتر ئەژ گرد ئاسارەل ++++++++++++++++++++++ سەرناو: ( دەرچیین ) سەبارەت: نووسین: ئاوات بەرزەهەوایلە هەێڤایە ئەژ دەس زاروو ڕێڤارێ دە منەی ئازادی! ++++++++++++++++++++++ سەرناو: ( ئەۊڕەسیین ) سەبارەت: نووسین: ئاوات 'ئێمکە'ێ ئاونگێ ئەڵ پەڕەێ گوڵ هێرووێ 'هەێتاهەێ'ـە ++++++++++++++++++++++ سەرناو: ( بۊچگڵانە چۊ... ) سەبارەت: نووسین: ئاوات باڵدارێ کوچکڵە و هووڵ ئاسمۆنێ پڕ ئەژ چنگڕ... مەتەڵ 'ئەڵبژاردنێ هەمیشەیی'! ++++++++++++++++++++++ سەرناو: ( ئەژ ڤیر دچێمن هەیچەڤە ک... ) سەبارەت: نووسین: ئاوات پایزەپڵە سڕی ئەڤەێک ئەژ یاێ و ڤیر بڵاڵیکەیل مەنۊیی ++++++++++++++++++++++ سەرناو: ( شەۊەکی ) سەبارەت: نووسین: ئاوات شەۊەکی شەقەێ باڵ خەو چی شاقەشاق کیەوگە ++++++++++++++++++++++ سەرناو: ( پرتووک گەردوون ) سەبارەت: نووسین: ئاوات گەردوون، پرتووکێکە ئنسان خۆنێکەێ ++++++++++++++++++++++ سەرناو: ( تا هناسێ هەس ) سەبارەت: نووسین: ئاوات بژی نە ڤە باڵەتەپە، ڤە باڵگرتن! ++++++++++++++++++++++ سەرناو: ( ساڕێژ ) سەبارەت: نووسین: ئاوات ئەژ زەم تین تا ساڕێژ ئاو تەنیا گرم‌هڕێ مەنێیە ++++++++++++++++++++++ سەرناو: ( قەناری ) سەبارەت: نووسین: ئاوات دماێ گڵاڕێژۆن ئێڤارە تەنیا، چریکەێ قەنارییێ مەن ئەڵ چڵ داره ژارەکە ++++++++++++++++++++++ سەرناو: ( دما بڵێزە ) سەبارەت: نووسین: ئاوات دما بڵێزەێ شەم نووا ــ سووار گوڵدەمە ئەر ئمێ، پا ڤە گەز بێ ++++++++++++++++++++++ سەرناو: ( کەتن و باڵگرتن ) سەبارەت: نووسین: ئاوات گل‌گلێ 'ئە' ڤتنێ بەسە، ئەڕا کەفتن گل‌گلیش یەێ 'نە' بەسە، ئەڕا فڕین ++++++++++++++++++++++ سەرناو: ( پرتووک ژین ) سەبارەت: نووسین: ئاوات ژین، پرتووکێکە خوەت نیسنینەێ ++++++++++++++++++++++ سەرناو: ( هەسار ) سەبارەت: نووسین: ئاوات ئەر زەمی هەسار باڵنەلە ئێمداڵ ئاسمۆ کوورەو؟ ! ++++++++++++++++++++++ سەرناو: ( مەتەڵ ئەۊگل‌بیین بەردێک ) سەبارەت: نووسین: ئاوات بەردێ ئەژ کەمەر گلوور بی و پەپییێ هڵەۊپڵە فڕی هام‌شووێ چی مەرگ و ژی! ++++++++++++++++++++++ سەرناو: ( گل‌ئاوردن ) سەبارەت: نووسین: ئاوات قاز کۊییەل ڤێنەێ لەۊەخەنەێ گل‌ئاوردن، ئەۊدما هناسەێ سەردێ ++++++++++++++++++++++ سەرناو: ( دڵەچرچە ) سەبارەت: نووسین: ئاوات تریفەێ مۆنگ چرچێ خسە دڵ داووڵ! ++++++++++++++++++++++ سەرناو: ( نەمر ) سەبارەت: نووسین: ئاوات نەمر، گیۆدارێکە دە ڤڵات ئەڵبەس ژییێ ++++++++++++++++++++++ سەرناو: ( پەلەپیتکە ) سەبارەت: نووسین: ئاوات کوڵ گرتێیە پەلەپیتکەێ ڤریاێ هنام تا نەوا چەکمە سێیا پا بنێ ئەڵ سووسەنێ ++++++++++++++++++++++ سەرناو: ( م ) سەبارەت: نووسین: ئاوات کەێ، دە کوو، ڤەر کێیەل 'ڤیر فرە دیر'ـێکم؟ ++++++++++++++++++++++ سەرناو: ( بنیانان ) سەبارەت: نووسین: ئاوات مردن، بنیانان سرووێکە چی کووچبار ک بنیاێ قازقوڵنگەلە ++++++++++++++++++++++ سەرناو: ( ئازادی، ناو باڵندەێکە ) سەبارەت: نووسین: ئاوات ئێگل، دەرڤەچیش دڤییە بزەێ ئەڵ دەم‌وچەۊ گرژ ئی دیڤارە ئاخ! تەنیا ئەگەر باڵنەێ 'ئازادی' بچریکەنا... ++++++++++++++++++++++ سەرناو: ( ڕێکڵاش خاس ) سەبارەت: نووسین: ئاوات بژی و مەمر ئەمان نە ڤە بژی‌مەمر ژێردەسی! ++++++++++++++++++++++ سەرناو: ( چارەنڤیس ) سەبارەت: نووسین: ئاوات دەسەلم، گیاێ پەژارە چەۊەلم، کەنیی خەم ئێمکە دارسۆنێ سێیام. ئەرێ! تەڤەرێ خوازم و گواریاێن ئەژ ناو دڵ ئاێنە تا ئبراهم چارەنڤیسەکەێ خوەم بووم. ++++++++++++++++++++++ سەرناو: ( داڵک ) سەبارەت: نووسین: ئاوات دڵنەرم و بەردین؛ داڵکم کۊ! ++++++++++++++++++++++ سەرناو: ( ڕۆمان ئازادی ) سەبارەت: نووسین: ئاوات ئازادی، کتاو ڕۆمانێکە ئگەرد یەکتری نیسنێم و خۆنێمنەێ ++++++++++++++++++++++ سەرناو: ( بەرزەفڕ ) سەبارەت: نووسین: ئاوات پەپییێکم بەرزەفڕتر ئەژ ئەڵۊ ناوم: 'ئاوەخت'! ++++++++++++++++++++++ سەرناو: ( ئەڤین و ئازادی ) سەبارەت: نووسین: ئاوات گەریلا، کوو ئەڵبەسێکە ڤە ڕستەیلێ چنیاێە ئەژ ئەڤین و ئازادی ++++++++++++++++++++++ سەرناو: ( پرتووک حەقیقەت ) سەبارەت: نووسین: ئاوات نڤیسکار 'حەقیقەت' ئازادییە خوەنەرەکەێ، دڵ ++++++++++++++++++++++ سەرناو: ( گیان‌سەختی ) سەبارەت: نووسین: ئاوات داڵک ڤەدی یەتن دووارەم و هەلوورکم: دار! ++++++++++++++++++++++ سەرناو: ( پەن ) سەبارەت: نووسین: ئاوات پەنێ تر: تەنانەت دە ئاسمۆنیش پەلەقاژە، فڕین نییە! ++++++++++++++++++++++ سەرناو: ( فرە گل ) سەبارەت: نووسین: ئاوات فرە گل 'بێ‌سەر'، سەربەرز و 'سەردار'، سەرشووڕە! ++++++++++++++++++++++ سەرناو: ( ڤاهوو ) سەبارەت: نووسین: ئاوات گرد جا دامە پا چی ڤەرز گوم‌بییە‌ێ باێ؛ ڤە منەی خوەم و گڕێ ستار گرتن ++++++++++++++++++++++ سەرناو: ( کەنیاو ) سەبارەت: نووسین: ئاوات کەنیاوێکە ژین دچوو... دچوو تا نادیار چووڵ و بێیاز مەرگ ++++++++++++++++++++++ سەرناو: ( خەنجەرەکەێ دەسەزێڤین ) سەبارەت: نووسین: ئاوات م، تۊ، ئەڤی خەنجەرەل دە خڵاف خەوبردەکەێ ژەنگار ڤەسە. ئەما ملهوڕ، هۊچ دەربەن نییە باکێ نییە! من و تن و‌ ئەڤی بووێمنە خەنجەرە دەسە زێڤینە ئەڵکێشیاێەکەێ 'ئێمە' تا چوار ستین لەشێ ئی‌گلە بێیاێە لرە! ++++++++++++++++++++++ سەرناو: ( بەڵگ سەۊز ڤتەێک ) سەبارەت: نووسین: ئاوات ئەژ ڤەدی یەتن ئاسارە ئەشم ڤەر شەۊ مەزاێ چەۊەڕێ ئەژ ڕاوهاتەکەێ ڕەوەن گڵاڵ و چەم ئەشم ڤەر کەنییێ ک خەو دەریال ددی مزگانا دم شنەباێ دڵداری ڤە پرچەل ئازیەتبار ڕەنگینێ ئۊ ڤەر ڤڵاتەکەم کوردستان ئەژ ئازادی ئەشم… ئازادی! ++++++++++++++++++++++ سەرناو: ( زەردەخەنەێ دڵ ) سەبارەت: نووسین: ئاوات ــ ئی درگا، وە کام کلیل چەکیا؟ ــ بێ‌کلیلی ++++++++++++++++++++++