شاعیر: سەنار
کتێب: مزگین (Mizginî)
سەرناو: ئینسانێ برچی
سەبارەت: نووسین: ڕەحمان جەوان

هەلا ئەو ئینسانێ برچی
ب زکێ والا. یان ژی تی
سەر کریە ناڤا کرز کەوال
نە دەست تێ کڤشێ. نە ژی باسک
گەلۆ ئەو قوسوورا کێ یە؟

ئەوێ کو سەقەتە. یان کەر
ئەوێ کو شل. یان کۆر
ئەوێ کو بێ کەسە یان ژار
ئەوێ کو جونوویە یان زار
گەلۆ ئەو قوسوورا منە
یان ژی ئەو گونەهێ تەیە؟

￸گەلۆ پیس تاوانبارێ وی
ئەو بێ خیال باڤکێ وی یە
یان ژی دایکا بێ خەما وی یە؟

گەلۆ رەشکەرێ بەختێ وی
کەتیە ناڤا هەریا رەش
یان ژی کەڤۆکێ نێرێ بەخت
پردایە ل سەر سەرێ وی؟

فەلەکا وی دل خاپینە
تەنێ رۆژ رەشی یە. وی رە
تەنێ بێ بەختی یە. وی رە

++++++++++++++++++++++
سەرناو: نایێ گرتن
سەبارەت: نووسین: ڕەحمان جەوان

بەرمییا کو ڤرنی دزێ
بەرانێ ڕند نایێ گرتن
ل هەر بەست و بەیاری ده
گول و سۆسن نایێ گرتن

ژ رۆیێ نوور نایێ گرتن
ژ هیڤێ شەوق نایێ گرتن
وەکی هێستر ژ مە قوت بن
ژ چاوان خوین. نایێ گرتن

ئەم ب دەرفەت و ئیکمالێ
خوەدان دیرۆکا کەڤنارین
ژ مێرخاسێن کەلا دم دم
بەرخوەدان قەت نایێ گرتن

ژ هاتەم بەخش نایێ گرتن
ژ رۆژ رەخش نایێ گرتن
تو هم رۆستەمی. هم هاتەمی
ژ تە لەخشش نایێ گرتن

ژ مەمێ هەز نایێ گرتن
ژ زینێ ناز نایێ گرتن
وەلات وەکە مەم و زینە
ژ وان ئەڤین نایێ گرتن

ژ دیکا بانگ نایێ گرتن
ژ من هەلبەست نایێ گرتن
ده زوو ڕابە. دەست ب کار بە
رۆژ بۆری نایێ گرتن

گەر دخوەزی مراریان
ئاڤژنی بکە ناڤ دەریان
د ناڤ گۆل و چەمان
سەدەف. مرجان نایێ گرتن

++++++++++++++++++++++
سەرناو: ئێدی بەسە
سەبارەت: نووسین: ڕەحمان جەوان

ئێدی بەسە. من ئوندا کی
ئەز وەکە دارا چنارم
هەر چقاس سێری مەقەس کی
ئەوقاسی شتل دەردخم

ئێدی بەسە. چاڤێم کۆر کی
ئاشقێ چاڤ گرتۆنەکم
هەرچ کو چاڤان بەرک بگری
هێچکێ زوو هەمێز دکم

ئێدی بەسە. زمێن قوت کی
ئەز مینا پێنووس دمینم
هەرچەند کو سێری تەراش کی
هاقاس تووژ دنڤیسم

ئێدی بەسە. من بهەلینی
وەکە روونێ جەمدی کە
چقاس کو بێم هەلاندن
ئەوقاس زوو دهەرکم

ئێدی بەسە. من بگوهەری
مینا لێکەرێ دمینم
هەر دەمێ دە بێم کشاندن
مەنیکە نوو دفرینم

ئێدی بەسە من ڤەکۆلی
ئەز بزۆتێ بن ئاخێ مە
دەما زێدە بێم گور کرن
ئەرد و ئەسمێن دشەوتینم

ئێدی بەسە مال وێرانی
کورێ خانێ لەپ زێرینم
تا داوی دلۆپا خوینێ
دم دما خوە دپارێزم

ئێدی بەسە. قەیدا نگان
دەروێشێ کورێ ئەڤدی یە
خاک و ئەڤینێ دکم یەک
ژینا ئازاد دخولقینم

ئێدی بەسە. شکەنجا ڕەش
ئەز نەڤیچرکێ کاوامە
ب قانوونا دادمەندیێ
تۆل و مافێ خوە دستینم

ئێدی بەسە. من بلەیزینی
شێرێ قەفەسا پۆلامە
گاڤا دەرفەتا من هەبە
پێنگاڤێن بلند داڤێژم

ئێدی بەسە. نژادکوژیی
ئێدی بەسە. رۆناهی کوژیی
ئەز ب رەونەقا نەورۆزێ
ئێگر. رۆژێن رەش دخینم

دنێ کریار. دژکریارە
ل دەوسا شەرێ قرێج دە
دەستێم بگوڤێشە بەلکی
خێر. خوەشیێ دبەخشینم

++++++++++++++++++++++