شاعیر: ڕێوار ئاودانان
کتێب: وشەێل، ئەژ هەفت دەلیا گوارننەم
سەرناو: ( بەرد، زەریا، ئاسمین )
سەبارەت: نووسین: ئاوات

بێ‌دەنگییەکەت
کەرێکەمە هۊچێک بەردین!
چنەو ک
ئەڵگەردم وە سەردەم وەرەژ وشە
وە سەردەم وەرجە دەسپێک
ــ کەفتە، دە بن‌بنین تیەریکی ــ
بێ‌زووان و
بێ زەمان
ئوو لە ویر هەرچێ هەس و هەرچێ خوداس
لە هۊر 'زەروان'ـیش دچم.
قسەێ بکە!
ئەژ ئاو بیش
ئەژ کەو...
تا بووم وە چمکێ ئەژ زەریا
یا لەتێ ژە ئاسمین
ک تاهەێ، بوو دەنگەکەت بدەم
بووخوەش هەرمان ئەوین.

++++++++++++++++++++++