شاعیر: ڕێوار ئاودانان
کتێب: وشەێل، ئەژ هەفت دەلیا گوارننەم
سەرناو: ( دەنگت، ڕاز جەهانێگە! )
سەبارەت: نووسین: ئاوات

دارە گێڵاسێگ دەم‌ڤەخەنە
پەپوولە کەوەێ سەرمەسێگ
گوڵووپ ڕووناک هەڵبەسێگ دە سۊک تەنیایی
گڵاڵی ئەژ ئەسرەل مانگ
دارستانێگ ژە ئاسارەیل نوو وەدیهاتە
یەێ ڕێی چیایی پڕ لە شوون‌پایل زاڕوویی
دەشتێگ، ئەسپەیل هۊرمان
باخێگ، سوورەگوڵەیل ئاوات و تاسە
پرتووکێگ لێوالێو ژە وشەیل کەمانچە و چەنگ و پیانۆ
یانە گشتێ هانە ناو دەنگ تۆ!
یانە گشتێ هانە ناو دەنگ تۆ!

++++++++++++++++++++++