شاعیر: ڕێوار ئاودانان
کتێب: وشەێل، ئەژ هەفت دەلیا گوارننەم
سەرناو: ( ئەگەر وەفر بۊاتاید )
سەبارەت: نووسین: ئاوات

ئەگەر وەفر بۊاتاید و
شەوانە، نەرمەنەرم
دە بان سەرم بواریاتاید
منیش دڤیمە کۊەسانێگ
وەگەرد سەرکڵاوانێگ سەخت‌تر ژە ئەستەم
وەگەرد زنارەیلێگ بتەوتر لە دڵنیایی و
دەروەنەیلێگ بێ‌بن‌تر ژە تەنیایی
ئەوسا وڵات باوەشم،
پڕاپڕ ئەژ بیین ت
دڤییە چەرمگیی ڕەها
چنەو چەرمگ
ک شوون‌پاێ جاران و ئیسە و بانان
بریندارێ نەدکرد.
ئاهـ! ئەگەر وەفر بۊاتاید و
شەوانە بواریاتاید...

++++++++++++++++++++++