شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: جیهان
سەبارەت: (١٩٧٩ مۆسکۆ) - نووسین: ناشناس - سەرچاوە: https: //t. me/abdulla_pashew

جیهان قەحپەیەکی کەڕە. 
جیهان قەحپەیەکی لاڵە. 
هەر کەسێکی بە چۆڕێ نەوت
بەندەخوێنی نەکاتەوە، 
فەرهادێکی ڕەنجبەتاڵە! 
***
جیهان قەحپەیەکی کەڕە
جیهان قەحپەیەکی لاڵە. 
ئەمڕۆ نییە، دەیان ساڵە، 
ئەشکی چاوم
زەنگوڵ زەنگوڵ، دانە دانە، 
خوێنی دڵم
دڵۆپ دڵۆپ، دانە دانە، 
بۆ گەردنی شووشەنەوتێک
دەکاتە مۆریی گەردانە!

++++++++++++++++++++++