شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: لە یەکەم ڕۆژی شەڕی دژواردا
سەبارەت: نووسین: ناشناس - سەرچاوە: https: //t. me/abdulla_pashew

لە یەکەم ڕۆژی شەڕی دژواردا، 
پێش چوونە مەیدان، 
نامەکانی تۆم
گشت کۆکردنەوە و گڕم تێ بەردان، 
مەبادا دوژمن
وشەی پیرۆز و بەرزی دڵداری
بهاوێتە ژێر پۆستاڵی چڵکن، 
***
ئێستاکەش کاتێ
ڕووی خۆم بۆ دواوە وەردەچەرخێنم، 
لە ئاسۆی دووردا، 
لە هەمان جێدا دووکەڵ دەبینم. 
وام دێتە بەر چاو
نامەکانی تۆ ئێستایش هەر ماون. 
ئێستایش بڵێسە بەری نەداون! 


* بیرۆکەی ئەم شیعرە لە کایسین کولێڤ وەرگیراوه و دەسکاری کراوە.

++++++++++++++++++++++