شاعیر: ڕێوار ئاودانان کتێب: وشەێل، ئەژ هەفت دەلیا گوارننەم سەرناو: ( کاتەیل ئارامشت ) سەبارەت: نووسین: ئاوات هەرچگ فێشتر و فەرەتر خوەم دسپارمە دەس سروەێ زانین ڤەردەۊ داێە، ڤە ڤێنەێ زڵف‌پەرێشانیی دارین! ئۊ ستار، دەناو ناخ و دەرینم قیل‌تر دنیشێ جوور ڤەچڕ 'کۊستان'، ئەڵ چەق قورسیی شێعر 'گەریلا'. هۊر ڤە ئازادی دکەرم؛ سێفستانێ دەناو دڵم گوڵ دکەرێ و هەنگێ، ئەڵ تیەڵیی ڕووژگار هەنگوین دپرژنێ. هۊر لە مرۆڤ دکەم؛ ئەڵ سەر و سەکوت گرد گەردوون ــ ک ئەژ دەروەچ هۊرشەێ ئێمە، تەماشاێ خوەێ دکەێ ــ زەردەخەنەێگ نەخش دبەسێ. هەرچگ فێشتر و فەرەتر خوەم دسپارمە دەس ئافتاو زانسن ئۊ سێف، د ناو ئاینەێ گیانم فرەوا دووێ. ++++++++++++++++++++++