شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: دەنگی ڕادیۆ و ڕەنگی شۆسە
سەبارەت: (١٩٧٣ - هەولێر) - @abdulla_pashew - نووسین: ٨٣.١٢٠.٨. ٢٤٨

ڕۆژێک لە ڕۆژان مانم گرت
شەقامەکان زۆر تاسەیان دەکردم و بە دوای هەنگاوما دەگەڕان! 
* * *

دوگمەی ڕادیۆم بادا و ڕامگرت: 
لەگەڵ (کورتەی دەنگوباس)دا، 
خەیاڵم ئەستێرەکانی
وەک گوڵ چنین

کە درێژەی بە (کورتە) دا، 
دەمی هەژاران گەیشتە
شانەی هەنگوین

کە ژوورەکەی خۆم بەجێهێشت، 
سەگ و مرۆڤ
شۆسەکەیان ڕاخستبوو، 
کەوتبوونەوە خەوبینین!

++++++++++++++++++++++