شاعیر: هێمن تەنیا
کتێب: چەند لاپەڕە خۆشەویستی
سەرناو: بۆچی؟
سەبارەت: نووسین: هێمن نیک بین

من بە تاو و توێی ئەوینت دڵخۆشم تەبیب بۆ چی؟
نیگارم چاوی تۆم هەبێ بەسە، نەسیب بۆچی؟

ئەگەر ئەجەل بۆم بێت و بەرۆکم بگرێت ئەوکاتە
نیگات کە دور بێ مەرگە، ئەزیزی من ڕەقیب بۆچی؟

بە قیبلەی ئەوینداریت قەسەم کە پاک و بێگەردە
لە دین وەردەگرێ عیساش گوڵم خاچ و سەلیب بۆچی؟

وەرە دەستی دڵم بگرە کە تەنیایی دڵی بردم
ئەوین تا گەرم بێ خۆشە، دڵی تەنیا و غەریب بۆچی؟

++++++++++++++++++++++