شاعیر: بەڵێن
کتێب: شیعرەکان
سەرناو: ئێمە
سەبارەت: بەریتانیا - ٢٥/١٠/٢٠٢٤ - بەڵێن - نووسین: سەعید سەدیق

ئێمە دەورەمان بۆتە دڕک و داڵ و پڕ لە مێخ
جێگایە بۆ ئێمە نەماوە بەئاسودەیی تێیدا بژین
هەموی بۆتە ئەتۆم و چەک و ڕم و شیر و تیخ
ئەگەر هەر وا بڕوات ژیان ئەبێتە  قین و شین
لەبەرئەوە چیتر کاری پێناکرێ دڵ  و جوانی ناخ
مرۆڤ بوون نامێنێ بە خەیاڵ لە  سەر زەوین
مەگەر ماڵمان بارکەین و بچین بۆ سەر مەریخ
جارێ زووە بۆ ئەوێ ئێمە ئێستا بەرزە فڕ نین

++++++++++++++++++++++