شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: نامە
سەبارەت: (١٩٧٧/٥/١- مۆسکۆ) - نووسین: ناشناس - سەرچاوە: https: //t. me/abdulla_pashew

ئێوارەیە. 
باران نم نم دێتە خوارێ. 
تەنیام. 
نا، تەنیا نیم 
هەموو مۆسکۆ لەگەڵ مندا هەنگاو دەنێ. 
تەنیایی کارمامزێک بوو، 
ڕاوکەرێک هات‌، تەقەی لێ کرد، 
هەنگاوەکانم نایگەنێ! 
***
ئێوارەیە. 
باران نم نم دێتە خوارێ. 
تەنیام. 
نا، تەنیا نیم 
کاتێ دەڕۆم

شەقامی پڕ خۆی لە قاچم گرێ دەدا. 
کاتێ دەڕۆم
لە گیرفانما
نامەیەکی ناو زەرفی ئاڵ
دڵی دوەممە، لێ دەدا!

++++++++++++++++++++++