شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: ئاوێنە
سەبارەت: (١٩٧٦/١١/١٤ - مۆسکۆ) - نووسین: ناشناس - سەرچاوە: https: //t. me/abdulla_pashew

چەند ڕۆژێکە
سەرنج دەدەم، 
بەیانییان تا شل دەبیت، 
لەبەر ئاوێنە دەوەستی و تێی دەڕوانی... 
کە لاشدەچیت، 
لە ڕەوتتدا، تەنکەخەمێک دەخوێنمەوە، 
لە نیگاتا، نیگەرانی

چییە، هاوڕێم؟ 
چیت پێ دەڵێ 
ئەو ئاوێنە زمانشڕ و دڵتۆقێنە؟ 
ئەگەر باسی پیری دەکا، 
دەمکوتی کە
باوەڕ مەکە بە وڕێنە

++++++++++++++++++++++