شاعیر: ئەخۆل
کتێب: دیوانی ئەخۆل
سەرناو: تابلۆ
سەبارەت: ١٩٧٧

وەرە گیانەکەم وەک جونێ دڵدار
بچینە ژێر سای دارێکی بەهار


ئەو دارەش چی بێ؟ با ئەرخەوان بێ
کە وەک ڕوخسارت گەشاوە و جوان بێ


چەپکێ نێرگسی تازە پێچراوە
بە تاڵێ دوو تاڵ لەو زوڵفە خاوە


ئینجا وەک بولبول تۆ بێرە ئاواز
منیش گوێ ئەگرم کەساس و بێ ناز


تۆ پێبکەنە بۆ پیری بەسۆ
منیش تێر ئەگریم بۆ جەوانیی تۆ


بە بێنە تابلۆی پیری و جەوانی
شێوەی کڵۆڵی هی کامەرانی


چونکە دواڕۆژی چەرخی زەمانە
چە من چە بۆ تۆ شینە و گریانە

++++++++++++++++++++++