شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: شەوبێداری
سەبارەت: (١٩٧٦/٨/١٢ - بەرلین) - نووسین: ناشناس - سەرچاوە: https: //t. me/abdulla_pashew

دوو بەتڵی شەو ڕاشکاوە
بنوو، ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو، 
من ئێشکت لێ دەگرم، نانووم
* * *
تۆ خەوسووکی
سروشت گرژە و هەناسەسوار
زۆر دەترسم کە گڤەی با، 
ورشەی داران
گرمەی هەور و ڕێژنەی باران
خوانەخواسته هەڵتسێنن
وردە ئەڵقەی خەونەکانت
لە یەکتری بترازێنن

بنوو ئازیز
هانێ لەپم سەری پێکە، هانێ بازووم
چاوەڕێی من مەکە ئەمشەو
من ئێشکت لێ دەگرم، نانووم

++++++++++++++++++++++