شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: بۆ چاوڕەشێکی باکۆیی
سەبارەت: (١٩٧٥/١٢/١٣ مۆسکۆ) - نووسین: ناشناس - سەرچاوە: https: //t. me/abdulla_pashew

جار هەیە تاکە وشەیێ
دەتکێتە ناو چاوی شیعرێ، 
تا سەرچۆپی 
بۆ وشەکانی تر بگرێ. 
***
تۆ پەیڤێکی باڵندە بووی، 
ڕەشەبای گێژی ئێوارە
شەوارەی کردی و ڕایپێچای
بەرەو شیعری سیسهەڵاتووم. 
چاوی ڕەشت
مانای بەخشی بەو چاوانەی، 
پێش تۆناسین، 
وەکو وێستگە پیانا ڕەتبووم!

++++++++++++++++++++++