شاعیر: شەهلا نوری
کتێب: شیعرەکان
سەرناو: هەڵکشانی ڕۆح
سەبارەت: نووسین: کۆچەر

لە سایەی دیداری
مانگدا، ڕۆحی
دەریا
دەگەشێتەوە، بە
لافاوی شەپۆل
هەڵدەچێت و
بێئارامیی
سەوداسەری
دەچرپێنێت.

کاتێک مانگ
هەڵدێت، دەریا
دەبێتە ڕاپەڕینی
ئەوینێکی شین، و
باخەڵی کەنار
کڕنۆشی بۆ
دەبات.

کە مانگیش ئاوا
دەبێت، دەریا
دەبێتە کشانەوەی
خەم و
هەناسەیەکی
شێتگیر، ڕوو لە
کۆچێکی تاریک
دەکات،
کۆچێک...
کە لە ناخی
شەپۆلەوە دەست
پێدەکات و لە
ئامێزی بێدەنگی و
سۆزی کەناردا
کۆتایی دێت.

++++++++++++++++++++++