شاعیر: عەبدوڵڵا پەشێو
کتێب: ڕۆژ نییە لێتان تووڕە نەبم
سەرناو: زستانی پار
سەبارەت: (١٩٧٥ - مۆسکۆ) - نووسین: ناشناس - سەرچاوە: https: //t. me/abdulla_pashew

زستانی پار لەگەڵما بووی 
لەم شارەدا
بەستەڵەکیش 
گوڵمێخەکی لێ دەردەچوو
تا چلوورەش 
بە گوێسوانە و درەختەوە سەوز دەبوو
* * *
زستانی پار لەگەڵما بووی: 
باران تەڕی نەدەکردم، 
زریان پەنجەی نەدەبردم
* * *
زستانی پار لەگەڵما بووی: 
هاژە و خوڕەی زێی سیروانم
لەگەڵدا بوو
گوڵەگەنمێکی گەرمێن و
کلوەبەفرێکی کوێستانم
لەگەڵدا بوو!

++++++++++++++++++++++