شاعیر: شێخ سەلام
کتێب: چوارینەکانی خەییام
سەرناو: گایەک لە ئاسمان ناوی پەروینە
سەبارەت: نووسین: کەماڵ ڕەحمانی - سەرچاوە: https://t.me/chapkagolibevena - پێداچوونەوە: بینایی دیدە

٣٣

گایەک لە ئاسمان ناوی پەروینە
گایەک کۆڵەکەی ژێری زەمینە
بە چاوی خیرەد سەرەنجە بدە
مابەینی دوو گا کەرگەل ببینە
«شێخ سەلام»

گایەک لە ئاسمان ناوی پەروینە
گایەکیش ئەڵێن لەژێر زەمینە
سا چاو بگێڕە ئەی خاوەندی هۆش
لە ناو دوو گادا کەرگەل ببینە
«گۆران»

گایێکە لە عاسمان و ناوی کۆیە
گایێکە دەڵێن هەڵگری هەرد و بۆیە
سەیری کەرەگەل بکەی لە ناو ئەم جووتە
گەر ژیر و بەبیری سەیری خۆش بۆ تۆیە
«هەژار»

گاوی است در آسمان و نامش پروین
یک گاو دگر نُهفته در زیر زمین
چشم خِرَدَت باز کُن از روی یقین
زیر و زبَرِ دو گاو مشتی خر بین! 
«خیام»

++++++++++++++++++++++