شاعیر: ئەخۆل
کتێب: دیوانی ئەخۆل
سەرناو: حاڵ شێواوی

حاڵی شێواوی دڵی خۆم بۆ زەمان ئینشا ئەکەم
من کە بەدبەخت و کەشووفم ناوی خۆم ئیجرا ئەکەم


هێندە بارانی بەهاران دێتە خوارێ چین بە چین
هەم وەکوو فرمێسکی عاشق زیللەتم ئەعدا ئەکەم


یەک بە شێت و یەک بەهار و کەم ئەقڵم پێ ئەڵێ
یەک دڵی نادانە ئاخۆ خۆمە خۆم ڕیسوا ئەکەم


شێت و هار و نادان و بێ عەقڵ بێبەشم ئەمما فەقەت
وارسی مەجنوونە شێتەم عاشقی ئەحیا ئەکەم


یا وەکوو تیرێزی سووتان ئەحمەدا فەرهادییە... 
عاقیبەت بێ ئەنجەل ئەمرم ناوی خۆم ئیبقا ئەکەم

++++++++++++++++++++++