شاعیر: بەڵێن
کتێب: شیعرەکان
سەرناو: پایز
سەبارەت: ٢٠٢٦/٨/٢٣ - نووسین: سەعید سەدیق

دیسان پایزە، وەرزی ڕەشەبا و بارانە
وەرزی هەنار و عەشق و یاد و خەزانە
لە هەر کوچەیەک بۆنی باران دەهەڵکات
دڵی مرۆڤ بە بیرەوەرییەکان دەگەڕێتەوە
***          ***          ***
پایزە و عاشقان دەبنە دەستەبەدەست
بەرەو جێی ژوان دەڕۆن بە دڵێکی پڕ لەهەست
لە ژێر سێبەری داران و بارینی باران
دەنووسن داستانی خۆیان لەسەر دڵ و گیان
***          ***          ***
کات بە خۆشی دەبەن، بە خەندەی لێوەکان
بە نیگای پڕ لە ناز و بە شیرینییەکانی ژیان
لەو وەرزە خۆشەی کە هی دڵدار و یارانە
نەک بۆ دابڕان بەڵکو بۆ نزیکبوونەوەی دڵانە
***          ***          ***
پایز، وەرزی گەڵاڕێزان و هەڵچوونی بایە
وەرزی ساردی دڵی گەرم لە خۆیدا هەیە
ئۆخەی ڕزگارمان بوو لە گەرمای هاوین
باران هات و شۆڕی کردەوە خۆڵی زەوین
***          ***          ***
پایز، وەرزی هەناری پڕ لە خوێنە
تامەکەی ترش ومێخۆش و شیرینە
لە لادێ و شاردا هەنار دەدرەوشێتەوە
وەک دانەی مرواری لە کاسەیەکدا
***          ***          ***
هەنار و خەزان و باران پێکەوە
دیمەنێکی جوانن، دڵ دەکەنەوە
گەڵای زەرد لەسەر ڕێگا دەکەوێتە خوار
وەک نامەیەکی کۆن لە دەستی ڕۆژگار
***          ***          ***
پایزە، وەرزی گەڵاڕێزان و غەمباری
وەرزی بیرکردنەوە و هەستی دڵداری
لە هەر گەڵایەکدا داستانێک هەیە
لە هەر بارانێکدا یادێکی شیرین هەیە
***          ***          ***
گوڵی سووری هەنار لە باخدا دەدرەوشێت
لە ناو ساردیی پایزدا دڵی گەرم دەنووسێت
وەک ئاڵای عەشق لەسەر شاخ و دار
خۆشەویستی هەر دەمێنێتەوە لە یادگار
***          ***          ***
ئەی پایز، تۆ هەر بەخێر بێیت بۆ دڵ و ژیان
بە بارانی خۆت بشۆرەوە خەم و ئازارەکان
بە هەنار و گەڵا و بای نەرم و ئارام
دڵی عاشقان پڕ بکە لە ئەوین و ئیلهام
***          ***          ***
تۆ بەخێر بێیت، وەرزی ناز و خۆشەویستی
دوور لە دابڕان و جودایی و هەموو ناخۆشی
با هەر دڵێک لەگەڵ دڵدارەکەی بمێنێتەوە
تا پایز لەگەڵ باراندا، عەشق لە دڵدا بژیێتەوە
***          ***          ***

++++++++++++++++++++++