شاعیر: بەڵێن
کتێب: شیعرەکان
سەرناو: بەرگورد یادگاریەک لە نێوان دوو سەردەم
سەبارەت: ٢٠٢٦/٨/٢١ - نووسین: سەعید سەدیق

بەرگورد، جێی نزرگەی باوو باپیران
یەکەم جار چاومان لەوێ هەڵێنا بۆ ژیان
لە باوەشی خاک و ئاوی پاکی ئەو دیارە
دڵمان پەروەردە بوو بە خۆشەویستی هەموان

ئەی بەرگورد، چەند خۆش بوو ئەو سەردەمە
کە ژیان سادە بوو دڵەکان پڕ لە خەندە
خەم و خەیاڵمان دەسپارد بە با و باران
نەماندەزانی غەم چییە، نە دەردمان دەناسی

لەو سەردەمەدا ژیان سادە و ساکار بوو
هەر کەس بە دڵی خۆی خاوەنی دنیایەک بوو
نانمان کەم بوو، بەڵام سفرەکان پڕ لە بەرەکەت
دڵمان دەوڵەمەند بوو، ئەگەر ژیانمان کەمتر بوو

کۆڵانەکانمان پڕ بوون لە دەنگی یاریی منداڵان
شەوانمان بە گێڕانەوەی چیرۆکی باوان
لە کۆبوونەوەی خێزان و گەرمەی ئاگری ئاگردان
خۆشی دەهاتە دڵمان، بێ دەنگی زەنگی مۆبایلان

ئەو سادەییە خۆی گەنجینەیەکی بێ‌هاوتا بوو
هەر دڵێک بە دڵێکی تر نزیک و ئاشنا بوو
کەممان هەبوو، بەڵام بەشی خۆشحاڵی زۆر بوو
خۆشی لە شتەکان نەبوو، لە دڵی مرۆڤەکان بوو

ئێستا کە سەردەم گۆڕاوە و دنیا پێشکەوتووە
ژیان بە هەزار ڕێگا و هەزار شێوە ڕۆیشتووە
ئامێرمان زۆرە، بەڵام ئارامی کەمترە
دەستی زۆرمان بەیەکەوەیە، دڵمان دوورترە

ئەی بەرگورد، تۆ هێشتا لە یادمدا زیندوویت
وەک یادێکی شیرین لە ناخی دڵمدا ماویت
هەر کات بیر لە ڕابردوو ئەو سادەییە دەکەمەوە
دەزانم تۆ بەشێکی جوانی ژیان و ناسنامەمی

خاک و ئاوت هێشتا بۆ من بۆنی یادەوەرییە
کۆڵان و دار و بەردت گەواهیی سەردەمێکە
بەرگورد، تۆ تەنها گوندێک نیت لەسەر نەخشە
تۆ ماڵی یادەکان، ڕەگی من و هەناسەی ژیانە

++++++++++++++++++++++