شاعیر: ڕێوار ئاودانان کتێب: وشەێل، ئەژ هەفت دەلیا گوارننەم سەرناو: ( دماێ ئەۊگرتن ڤاران دپرسم ) سەبارەت: نووسین: ئاوات ئەڕەێ چە پەژارەێ دارسان، زەرد و نارنجییە؟ ژچە بسکەێ گڵاڵ، ناوێ قەڵوەزە؟ ئەڕاچە هەر کانیی ترنگەکەر، وەک چاو داڵکەیلە؟ ڤەرچە دەمەخەنەل ئاسکین، دبن ڤە ئەسرین؟ ئڕاچە تەمەلۊل، پەلەوەرێگ باڵ‌چەرمێیە نە وەنەوش؟ ژچە هاژەێ تاف، پڕ ئەژ بڵێزەل کەوە؟ ئەڕاچە دۊاڕووژ، چەشن دڵووپ لەرزووکێگە؟ ڤەرچە ژین، تەنیا ڤە بارکووڵەێ ئەڤین، ئەڵکێشێ ئەڵ بنار؟ ++++++++++++++++++++++