شاعیر: دڵدار
کتێب: دیوانی دڵدار
سەرناو: ئومێد

چاوەکانم لێڵ و وێڵ بوو کوا؟ ستارەم دەرنەکەوت؛ 
دڵ لەتاوی دەردی کڵپەی سەند وەکوو ئاور و نەوت


ڕۆژ هەڵات و زیندەگی دا، گشتی عالەم کەوتە ئیش
چاوەنۆڕی ئوفقی دوورم ڕۆژی من کوا؟ دەرنەکەوت


ئەی خودایە! تاریی نیگبەت کەی ئەبێ لاچێ خودا؟ ! 
تا بە کەی چەنگەچررێ من سا لەگەڵ تۆ هەشت و حەوت


بەسیەتی دڵدار زەمانی شعری بێ مەعنا نەما
هەڵسە چارەی دەردەکەت کە بێ تەفەککور ڕێگە چەوت


بێت و ئەسپێ چەند ئەسڵ بێ سواری چالاکی نەبێ
قابیلە دەرچێ لە میدانی جیدال و جێگە ڕەوت؟ !

++++++++++++++++++++++