شاعیر: بەڵێن
کتێب: شیعرەکان
سەرناو: وێڵگەی نەبوون
سەبارەت: بەریتانیا - ٢٠٢٦/٢/٢٤ - نووسین: سەعید سەدیق

بە پەیژەیەکا چوم، بێ پایە بوو
لادێ یەکم دی، چۆڵ بێ کایە بوو

چومە سەربانێ، بێ سەقف و بێ دار
قەڵایەکم دی، بێ شورە و حەسار

کێڵگەیەکم دی، خاکی نەهاڕاو
بێستانێکم دی، بێ بەرهەم و ئاو

نە کاڵەک مابوو، نە شەمامەی گەش
چومە باخێک و بێ میوە و بێ بەش

لە ڕەزێ ڕامام ترێی تیا نەبوو
گەوڕێکم بینی مەڕی تیا نەبوو

چومە سەر شاخێ، بێ لوتکە و بڵند
ڕووبارێکم دی، بێ ماسی و کەمەند

پردێکم بینی، بێ پایە و ڕێ بوو
ئاسمانێکم دی، بێ هەور و تێ بوو

نیشتمانم دی، بێ گەل و بێ ناو
گەلێکم بینی، بێ نیشتمان ماو

ئەو نیشتمانە، جەنگەڵێکی ڕووت
بێ خاک و بێ دار، وەک وێرانە، فووت!

کوردیش لەم ناوە، بێ کییان ماوە
بێ خاک و ئاڵا و نیشتمان ماوە

++++++++++++++++++++++